Sport

Guardiola lojtarëve të tij: Harrojeni tripletën

Manchester City është ende në garë në tre kompeticionet pasi rezervoi vendin në çerekfinalet e FA Cup.

Publikuar

Trajneri i Manchester Cityt, Pep Guardiola, u ka thënë lojtarëve të tij që të mos mendojnë për mundësinë e fitimit të tripletës këtë sezon.

Manchester City është ende në garë në tre kompeticionet pasi rezervoi vendin në çerekfinalet e FA Cup të martën duke mundur Bristol City-n. Skuadra e Guardiolës gjithashtu mbetet në garë në Premier Ligë dhe Ligën e Kampionëve, por trajneri i Cityt ka refuzuar të flas për mundësinë që skuadra e tij mund të arrijë tripletën këtë sezon.

“Jo, harrojeni. Harrojeni. Kur filloni të flisni për këtë, filloni të humbni kompeticionet dhe t’i humbni garat” tha ai pas fitores 3-0 ndaj Bristol Cityt.

“Ne nuk jemi gati. As edhe një sekondë nuk duhet të mendojmë për këtë, ne mendojmë vetëm për ndeshjen e ardhshme kundër Newcastle”, shtoi ai.

Guardiola tha gjithashtu se skuadra e tij nuk mund të përballojë të humbasë më pikë në Premier Ligë nëse dëshiron ta mbrojë titullin. City aktualisht është dy pikë prapa Arsenalit pasi ka luajtur një ndeshje më shumë se “Topçinjtë”.

“Unë e di që nuk mund të humbim pikë në Premier Ligë sepse ne kemi përpara një ekip, Arsenalin dhe Manchester United që po vjen nga pas”, shtoi ai.

Manchester City ka fituar 14 nga 16 ndeshjet e fundit në shtëpi në Premier Ligë,. Skuadra e Guardiolës kthehet në aksion të shtunën në shtëpi ndaj Newcastle United.

Sport

Futbollisti deklaron se nuk është fajtor për akuzën për sulm seksual

Diamond u deklarua i pafajshëm në akuzën në lidhje me sulmin seksual.

Publikuar

nga

Sulmuesi i Sunderlandit, Jack Diamond, është deklaruar i pafajshëm për akuzat për sulm seksual në Gjykatën e Newcastle Crown.

23-vjeçari u paraqit në gjykatë të premten në mëngjes për një seancë fillestare lidhur me një akuzë për përdhunim dhe një tjetër për sulm seksual që dyshohet se kishte ndodhur në një shtëpi në Tyne and Wear.

Diamond u deklarua i pafajshëm në akuzën në lidhje me sulmin seksual.

Për arsye ligjore procedurale, ai nuk u akuzua për të deklaruar pranimin në lidhje me akuzën e përdhunimit.

Nëse Diamond përfundimisht kërkohet të deklarohet kundër akuzës për përdhunim, ai do të deklarohet i pafajshëm.

Një datë e përkohshme gjyqi u caktua për 2 janar 2024, me Diamond të liruar me kusht.

Veprat e supozuara thuhet se kanë ndodhur mes 6 majit dhe 9 majit të vitit të kaluar.

Vazhdo të lexosh

Sport

UEFA nis hetimet ndaj Mourinhos për fyerje të gjyqtarit Taylor

Roma akuzohet për sjellje të pahijshme të ekipit, hedhje të gjësendeve në fushë dhe dëmtim.

Publikuar

nga

UEFA ka nisur hetimet ndaj Jose Mourinhos për fyerje të gjyqtarit Anthony Taylor gjatë finales së Ligës së Evropës mes Sevillas dhe Romës.

Ky vendim u morr nga Komisioni Disiplinor i UEFA-s, pasi që Mourinho u pa tejet i nervozuar pas ndeshjes me gjyqtarin Taylor, të cilin nuk e kurseu nga të sharat.

“Trajneri i Romës duhet të përgjigjet për gjuhën fyese drejt Taylor”, thuhej në deklaratën e Komisionit Disiplinor.

Po ashtu, nga hetimet nuk do të shpëtojnë as të dy klubet, Roma dhe Sevilla.

Roma akuzohet për sjellje të pahijshme të ekipit, hedhje të gjësendeve në fushë dhe dëmtim, kurse Sevilla akuzohet për hyrje në fushë me forcë, hedhje të gjësendeve dhe sjellje të pahijshme të skuadrës.

Vazhdo të lexosh

Sport

Kosova me dy xhudistë në Grand Prix Taxhikistan

Pjesëmarrëse do të jenë pesë kontinente, 40 shtete, 315 garues, nga të cilët 175 meshkuj dhe 140 femra.

Publikuar

nga

Ekipi kosovar i xhudos i rikthehet aksionit nesër, me qëllimin e vetëm për t’i sjellë medalje Kosovës nga Taxhikistani.

Kosova do të marrë pjesë me dy xhudistë në Grand Prix Dushanbe të Taxhikistanit, që zhvillohet nga data e sotme e deri më 4 qershor.

Pjesëmarrëse do të jenë pesë kontinente, 40 shtete, 315 garues, nga të cilët 175 meshkuj dhe 140 femra.

Xhudistët kosovarë që do ndeshen nesër janë Loriana Kuka në kategorinë deri në 70 kilogramë dhe Akil Gjakova në kategorinë deri në 73 kilogramë.

Vazhdo të lexosh

Sport

Ajaxi fillon kërkimin për një trajner të ri

Ajaxi ia ka bërë me dije John Heitingas se klubi do të fillojë të kërkojë një trajner të ri për klubin.

Publikuar

nga

Ajaxi ia ka bërë me dije John Heitingas se klubi do të fillojë të kërkojë një trajner të ri për klubin.

Pas shkarkimit të Alfred Schreuder në fund të muajit janar, Ajaxi arriti marrëveshje me Heitingan që ai të marr drejtimin e skuadrës për ndeshjet e mbetura të sezonit 2022/23.

“Ia kam thënë John këtë pasdite. Në nivel personal, ky ishte një vendim i vështirë, nuk ishte e lehtë për t’ia thënë atij. John pranoi ta ndihmojë klubin në një periudhë të vështirë dhe e bëri atë gjë me dedikim të madh”, tha drejtori sportiv i klubit, Sven Mislintat.

“Por, unë kam marr vendimin që Ajaxit i nevojitet një trajner me më shumë përvojë. Në fazën që jemi tani, dhe për paraqitjet më të mira të Ajaxit, kjo është një gjë shumë e rëndësishme”, tha më tej Mislintat.

Ajaxi e përfundoi sezonin në vendin e tretë në tabelë, jashtë Ligës së Kampionëve, pasi që vetëm dy vendet e para kualifikohen për në garën më prestigjioze evropiane në kampionatin holandez.

Vazhdo të lexosh

Të kërkuara