Sport

Guardiola lojtarëve të tij: Harrojeni tripletën

Manchester City është ende në garë në tre kompeticionet pasi rezervoi vendin në çerekfinalet e FA Cup.

Published

on

Trajneri i Manchester Cityt, Pep Guardiola, u ka thënë lojtarëve të tij që të mos mendojnë për mundësinë e fitimit të tripletës këtë sezon.

Manchester City është ende në garë në tre kompeticionet pasi rezervoi vendin në çerekfinalet e FA Cup të martën duke mundur Bristol City-n. Skuadra e Guardiolës gjithashtu mbetet në garë në Premier Ligë dhe Ligën e Kampionëve, por trajneri i Cityt ka refuzuar të flas për mundësinë që skuadra e tij mund të arrijë tripletën këtë sezon.

“Jo, harrojeni. Harrojeni. Kur filloni të flisni për këtë, filloni të humbni kompeticionet dhe t’i humbni garat” tha ai pas fitores 3-0 ndaj Bristol Cityt.

“Ne nuk jemi gati. As edhe një sekondë nuk duhet të mendojmë për këtë, ne mendojmë vetëm për ndeshjen e ardhshme kundër Newcastle”, shtoi ai.

Guardiola tha gjithashtu se skuadra e tij nuk mund të përballojë të humbasë më pikë në Premier Ligë nëse dëshiron ta mbrojë titullin. City aktualisht është dy pikë prapa Arsenalit pasi ka luajtur një ndeshje më shumë se “Topçinjtë”.

“Unë e di që nuk mund të humbim pikë në Premier Ligë sepse ne kemi përpara një ekip, Arsenalin dhe Manchester United që po vjen nga pas”, shtoi ai.

Manchester City ka fituar 14 nga 16 ndeshjet e fundit në shtëpi në Premier Ligë,. Skuadra e Guardiolës kthehet në aksion të shtunën në shtëpi ndaj Newcastle United.

Sport

Nga sfidat e një atleti e deri tek problemi shëndetësor që pati, intervistë ekskluzive me Tirron Mamusha

Published

on

n’Ritëm ka zhvilluar intervistë me atletin nga Gjakova, Tirron Mamusha me të cilin diskutuam për garat e fundit, sfidat por dhe sukseset e profesionit të tij.

Ai më tutje ndau me dëgjuesit e Campus Radio momente nga jeta private duke zbuluar se pati një lëndim dhe kaloi rreth 6 muaj të vështirë e madje nuk pati shpresë se do i’a arrijë që të vrapojë përsëri.

Duke qenë një ndër atletët që premton shumë, Tirroni pohon faktin se motivohet nga njerëzit që e rrethojnë dhe se kur ndodhet në garë ajo që e mendon është vetëm të jetë në Top 3.

Campus Radio-n mund ta dëgjoni në 100.7FM dhe në platformë online:

TUNE IN: https://www.ubt-uni.net/sq/media-dhe-evente/ubt-radio-kampusi/

/UBT News/

Continue Reading

Sport

​Prishtina 01 fituese e Kupës së Kosovës në futsall

Published

on

By

Finalja e Kupës së Kosovës në futsall dhuroi spektakël të vërtetë në Pallatin e Rinisë dhe Sporteve në kryeqytet, ku FC Prishtina 01 doli fituese ndaj FC Vjosa me rezultat 5:4, pas vazhdimeve. Në një atmosferë elektrizuese në një palestër po thuajse të stërmbushur me tifozë, të dyja skuadrat ofruan një prej ndeshjeve më emocionuese të këtij edicioni.

Pjesa e parë përfundoi në barazim, 2:2. Për Prishtinën 01 dy herë realizoi Drilon Maxharraj, ndërsa për Vjosën shënuan Jetmir Gashi dhe Jesus Rivas.

Në pjesën e dytë, Halim Selmanaj dhe Ramadan Alaj i dhanë epërsinë Prishtinës me rezultat 4:2, por Vjosa reagoi fuqishëm. Fillimisht, Jesus Vidal ngushtoi rezultatin në 4:3, ndërsa në sekondat e fundit një autogol i Melos Kelmendit barazoi gjithçka në 4:4, duke çuar ndeshjen në vazhdime.

Në vazhdimet dy herë nga 5 minuta, Fitim Krasniqi shënoi golin vendimtar për 5:4, duke i siguruar FC Prishtina 01 trofeun e çmuar të Kupës së Kosovës në futsall. Ky është trofeu i katërt për këtë skuadër në këtë garë dhe i treti radhazi.

Spektakli i mbrëmjes u zbeh kur kishin mbetur 25 sekonda deri në fund të vazhdimeve, kur skuadra e Vjosës refuzoi ta vazhdojë lojën në shenjë pakënaqësie ndaj një vendimi të gjyqtarëve. Kjo shkaktoi reagime edhe nga tifozët e shumtë të Vjosës, të cilët hodhën gjësende në parket. Gjyqtarët pritën për pesë minuta rikthimin e ekipit në fushë, por kjo nuk ndodhi, dhe më pas dhanë shenjë për përfundimin e ndeshjes.

 

Continue Reading

Sport

Akil Gjakova mbetet pa medalje në Evropianin e xhudos

Published

on

Akil Gjakova ka mbetur pa medalje në Kampionatin Evropian të xhudos, i cili po mbahet në Podgoricë të Malit të Zi.

Pasi u eliminua në çerekfinale, garuesi kosovar u mposht edhe në meçin e parë të repesazhit, përmes së cilit po e kërkonte medaljen e bronztë.

Akili humbi me Ippon nga hungarezi Daniel Szegedi në kategorinë deri në 73 kilogramë. Në çerekfinale Gjakova u mposht në çerekfinale nga gjeorgjiani Lasha Shavdatuashvili në një meç maratonik. Gjakova e kishte kaluar rrethin e parë pa luftë, ndërsa në atë të dytë e mposhti francezin Maxime Gobert.

Në xhiron e tretë, ai fitoi kundër moldavit Victor Sterpu, për t’u ndalur më pas në çerekfinale dhe në repesazh, dje garoi edhe xhudisti tjetër kosovar, Dardan Cena, i cili u ndal në të tetën e finales. Kosova e mbylli eksperiencën në Evropianin e xhudos me një medalje, atë të artë të fituar dje nga Distria Krasniqi.

Më herët dje, në rrethin e parë u eliminua garuesja tjetër kosovare, Laurine Gashi.

Continue Reading

Sport

Xherdan Shaqiri për mentalitetin e tij: Në fushë jam shqiptar, në jetën e përditshme zviceran!

Published

on

Futbollisti i Baselit, Xherdan Shaqiri së fundmi ishte në një intervistë në emisionin “Blu Sport” në Zvicër.

Shaqiri bëri një deklaratë të fuqishme që ka nxitur shumë reagime në rrjetet sociale.

Ish-lojtari i Liverpoolit tha se në fushë është një shqiptar i vërtetë, kurse në jetën e përditshme një zviceran.

“Unë jam shqiptar në fushën e futbollit, zviceran në jetën e përditshme”, u shpreh Shaqiri.

33-vjeçari nga Zhegra e Gjilanit gjatë këtij sezoni ka zhvilluar 32 ndeshje me Baselin, ka shënuar 16 gola dhe ka bërë 18 asiste.

Continue Reading

Të kërkuara