Sport

Guardiola: Interi skuadër impresionuese, mund ta na mposht

“Kam filluar të shikoj disa minuta të Interit, disa situata dhe jam i impresionuar”, tha ai.

Publikuar

Pep Guardiola ka folur për sfidën me Interin në finalen e Ligës së Kampionëve që do të zhvillohet në Stamboll më 10 qershor duke i konsideruar italianët si një skuadër e fuqishme dhe që mund t’i mposht ata.

Kjo është finalja e parë evropiane për Nerazzurrët që nga viti 2010 kur ata edhe e fituar këtë trofe nën drejtimin e Jose Mourinhos.

“Kam filluar të shikoj disa minuta të Interit, disa situata dhe jam i impresionuar”, tha Guardiola për “GDS”.

“Ajo që bëjnë dhe gjuha e tyre e trupit është mbresëlënëse. Pasi i pashë, telefonova disa miq të mi në Itali për t’i pyetur se çfarë mendojnë. Të gjithë më thanë të jem në gatishmëri sepse e kanë seriozisht. E dija tashmë, e kisha kuptuar tashmë duke parë ato pak minuta dhe ato situata”, shtoi spanjolli.

Tutje trajneri i Cityt ka thënë se fakti që ata e kanë fituar këtë garë tri herë është një tregues që mund ta fitojnë edhe kësaj radhe.

“Sigurisht, Interi mund të na mundë, ata tashmë e kanë fituar këtë trofe tre herë dhe ne nuk e kemi bërë kurrë, por ne duam të luajmë më mirë që të mos ndodhë më”, vazhdoi ish-trajneri i Barcelonës që ka fituar. Ligën e Kampionëve një herë si trajner, duke humbur finalen 2020-21 në krye të Cityt.

Interi është vetëm një nga tre klubet e Serie A që kanë arritur në një finale evropiane këtë sezon. Roma e Mourinhos do të përballet me Sevillan në Europa League, ndërsa Fiorentina do të takohet me West Hamin në finalen e Konferencës.

Sport

Tri skuadrat e njohura të Premier Ligës në “luftë” për Brojën

Publikuar

nga

Wolverhamptoni, Southamptoni dhe Evertoni janë ndër klubet që janë seriozisht të interesuara për nënshkrimin e yllit shqiptar, Armando Broja.

Sidoqoftë, që të tri klubet duhet që të mbledhin fonde që të mund të nënshkruajnë me Brojën këtë verë.

Chelsea do të dëgjojë ofertat për Brojën, i cili e kaloi gjysmën e dytë të sezonit në formë huazimi te Fulhami.

Wolves ka një interes afatgjatë për yllin shqiptar, por duhet të shesin lojtarë për të mbledhur fonde për një blerje të kësaj madhësie.

Southamptoni gjithashtu kuptohet se ka hedhur dyshime mbi aftësinë e tyre për të përballuar sulmuesin në kushtet aktuale të një marrëveshjeje.

Edhe Evertoni e admiron Brojën, por gjendja e tyre financiare jashtëzakonisht e vështirë mbetet, të paktën deri në përfundimin e ndërrimit të pronësisë së klubit.

AC Milan është gjithashtu i interesuar për Brojën dhe mund të sigurojë nënshkrimin e tij, pavarësisht se çfarë ndodh me ndjekjen e sulmuesit të Bolongas, Joshua Zirkzee. /UBTNews/

Vazhdo të lexosh

Sport

EURO 2024 – Stadiumi i Mynihut do të ndriçohet me ngjyrat e ylberit

Publikuar

nga

Stadiumi i Mynihut, vendi i cili pret ndeshjet e Euro 2024, do të ndriçohet me ngjyrat e ylberit më 22 dhe 23 qershor për të festuar fundjavën e krenarisë së qytetit. Organizatorët e turneut konfirmuan këtë njoftim, duke sjellë një moment simbolik në bashkëpunim me komunitetin LGBT+.

Në këto dy ditë, stadiumi, megjithëse nuk do të ketë ndeshje, do të shërbejë si një pikë fokale e ngjarjeve që zhvillohen në kryeqytetin bavarez për të festuar dhe mbështetur komunitetet lezbike, homoseksuale, biseksuale, trans dhe më gjerë LGBT+.

Ngjyra e mbulesës së jashtme të stadiumit ishte një çështje e rëndësishme tre vjet më parë gjatë Kampionatit Evropian 2021, kur Mynihu iu kërkua të ndriçonte arenën me ngjyrat e ylberit për një ndeshje kundër Hungarisë në shenjë solidariteti me komunitetin LGBT+. Megjithatë, kjo kërkesë u hodh poshtë nga UEFA, duke argumentuar se protestat politike nuk lejoheshin në ngjarjet e saj.

Stadiumi i Mynihut do të luajë një rol të rëndësishëm në Euro 2024, duke pritur gjashtë ndeshje, përfshirë ndeshjen hapëse të kësaj të premte mes Gjermanisë dhe Skocisë. Në të njëjtën kohë, ai do të jetë një vend ku solidariteti dhe mbështetja për të drejtat e komunitetit LGBT+ do të shfaqet hapur./UBTNews/

Vazhdo të lexosh

Sport

​130 gola për Portugalinë, Ronaldo shkëlqen në fitoren kundër Irlandës

Publikuar

nga

Superylli portugez, Cristiano Ronaldo ka arritur shifrën e 130 golave me kombëtaren e tij.

Ronaldo, i cili luan në Arabinë Saudite te Al Nassri, shënoi dy gola të bukur sot në fitoren 3:0 të Portugalisë në miqësoren kundër Irlandës.

Golat e tij mund t’i gjeni më poshtë.

Ronaldo 2:0 – minuta e 50’

Ronaldo 3:0 – minuta e 60’. /UBTNews/

Vazhdo të lexosh

Sport

Kuqezinjtë shëndosh e mirë për Euro 2024: Asnjë lëndim në kombëtare

Publikuar

nga

Kombëtarja shqiptare është duke vazhduar përgatitjet për ndeshjen e parë të grupit në Euro 2024 ndaj Italisë. Kuqezinjtë kanë zhvilluar një seancë stërvitore në kampin e tyre bazë në Kaiserau, duke punuar për më shumë se një orë e gjysmë mes palestrës dhe fushës. Aktualisht, asnjë lojtar nuk ka probleme fizike, gjë që tregon një gjendje të shkëlqyer të ekipit.

Departamenti i Komunikimit në Federatën Shqiptare të Futbollit (FSHF) ka bërë të ditur se sot Kombëtarja do të zhvillojë një seancë stërvitore që do të fillojë në orën 12:00. Kjo seancë do të jetë e hapur për mediat për 15 minutat e para, duke ofruar një mundësi për të ndjekur përgatitjet e skuadrës nga afër.

Po ashtu, sot do të mbahet edhe një konferencë për shtyp me një nga futbollistët kuqezi. Konferenca do të fillojë në orën 14:30 dhe do të transmetohet drejtpërdrejt në kanalin zyrtar të FSHF-së në platformën YouTube.

Kombëtarja shqiptare po tregon një përkushtim dhe disiplinë të lartë në përgatitjet e saj, duke synuar të japë një performancë të fuqishme në ndeshjen e parë të Euro 2024 kundër Italisë. /UBTNews/

Vazhdo të lexosh

Të kërkuara