Sport

Guardiola: Arsenali gabon rëndë nëse e shkarkon Artetën

Published

6 years ago

on

Trajneri i Manchester City, Pep Guardiola, këmbëngul se Arsenali do të bëjë gabim të madh nëse e shkarkon ish-ndihmës trajnerin e tij, Mikel Arteta.

Skuadra e Arsenalit gjendet në vendin e 15-të në Premierligë, pasi në shtatë ndeshjeve të fundit i ka fituar vetëm dy pikë ndërsa mbrëmë u eliminuan edhe nga Carabao Cup, raporton Gazeta Express.

Pavarësisht formës së tmerrshme të Arsenalit, Guardiola thotë se klubi duhet të qëndrojë me Artetën dhe ata do të bënin një gabim të ndaheshin nga taktiku spanjoll.

“Ata do të bëjnë gabim të madh nëse e shkarkojnë Artetën. Jam shumë i sigurt se do të kenë besim tek ai”, tha Guardiola.

“Unë e kuptoj që analistët i analizojnë rezultatet. Por unë kam qenë me të për shumë vite dhe e di cilësinë e tij të jashtëzakonshme si njeri dhe veçanërisht si menaxher, se si ai është i përfshirë në gjithçka. Është thjesht çështje kohe para se ai të fillojë të bëjë mirë.”

“Unë nuk jam në bord. Për mua ata do të bëjnë gabim të madh nëse mendojnë ta shkarkojnë atë.”

“Ata i japin atij besimin, ata fituan dy tituj kur për një kohë të gjatë më parë nuk ndodhi në këtë klub. Në këtë situatë pandemie, me problemet e dëmtimit që kanë dhe lojërat që luajtën ata gjithmonë luajtën mirë”, shtoi trajneri i Manchester Cityt.

“Unë mund të flas për përvojën time përkrah tij, një nga ekipet më të mrekullueshme të suksesshme në historinë angleze që kemi pasur dhe ai ishte pjesë e këtij suksesi dhe nuk do të ishte e mundur pa të, dhe për të krijuar diçka si kjo ju duhet kohë si unë në sezonin tim të parë.”

Arsenali do të presin në ndeshjen e radhës Chelsean, ndërsa ndeshjen e fundit për këtë vit do të zhvillojnë kundër Brighton në udhëtim.

Related Topics:
Continue Reading

Sport

Jon Kuka mposht xhudistin serb me Ippon, vetëm edhe një fitore deri te medalja

Published

8 hours ago

on

June 29, 2026

By

Xhudisti kosovar, Jon Kuka, është vetëm një fitore larg sigurimit të medaljes së bronztë në Kampionatin Evropian për kadetë (U18), i cili po zhvillohet në Spanjë. Kuka ka treguar performancë solide në bllokun e ndeshjeve të repesazhit, duke mbajtur në lojë mundësitë për t’u ngjitur në podiumin e këtij eventi të rëndësishëm ndërkombëtar.

Në gjysmëfinalen e repesazhit, Kuka u përball me xhudistin nga Serbia, Petar Markovic. Ndeshja u mbyll me fitoren e garuesit kosovar, i cili realizoi hedhje për pikën maksimale “Ippon”. Federata e Xhudos e Kosovës ka publikuar edhe pamjet e këtij aksioni në faqen zyrtare, ku pasqyrohet momenti i fitores së Kukës.

Pas këtij suksesi, xhudisti kosovar ka kaluar në finalen e repesazhit, ku do të diskutojë medaljen e bronztë. Në përballjen vendimtare për vendin e tretë në Evropë, Jon Kuka do të ndeshet me përfaqësuesin e Sllovakisë, Daniel Palko. /E.A/

Continue Reading

Lajmet

Chelsea po insiston për Granit Xhakën, Sunderlandi s’e lëshon

Published

14 hours ago

on

June 29, 2026

By

Chelsea nuk ka hequr dorë nga transferimi i Granit Xhakës gjatë kësaj vere.

Sipas gazetarit Florian Plettenberg, klubi londinez pritet të zhvillojë një raund të ri bisedimesh me Sunderlandin të hënën, pasi oferta e parë prej 8 milionë eurosh u refuzua menjëherë.

Sunderlandi ka bërë të qartë se kapiteni i tyre nuk është në shitje dhe nuk kanë ndërmend të shqyrtojnë oferta të tjera. Megjithatë, Xhaka mbetet i interesuar për kalimin në “Stamford Bridge”, ku dëshiron të ribashkohet me trajnerin Xabi Alonso.

Plettenberg ka bërë të ditur se transferimi mbetet i vështirë, por nuk ka dështuar. Ndërkohë, mesfushori aktualisht është i fokusuar në Botërorin 2026, ku me Zvicrën ka kaluar në fazën e eliminimit direkt dhe do të përballet me Algjerinë. /E.A/

Continue Reading

Sport

Kosova nis pa medalje garën në Grand Prix të xhudos

Published

4 days ago

on

June 26, 2026

By

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Continue Reading

Sport

Holanda fiton bindshëm, Tunizia eliminohet pa pikë

Published

4 days ago

on

June 26, 2026

By

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Continue Reading

Të kërkuara