Lajmet

Grupi legjendar “Abba” me dhjetë këngë të reja

Published

on

Pop grupi legjendar “Abba” ka befasuar fansat duke paralajmëruar albumin e parë pas 40 vitesh largim nga muzika.

“Abba Voyage” do të lansohet në muajin nëntor, para koncerteve “revolucionare” ku legjendat suedeze të muzikës do të interpretojnë hitet e tyre “Mamma Mia” e “Waterloo”.

Katërshja që u nda në vitin 1982, thanë se përfunduan në studio duke regjistruar këngë të reja, derisa ishin duke punuar për paraqitjet skenike.

“Në fillim kishim vetëm dy këngë, por pastaj menduam se duhet t’i bëjmë edhe disa të tjera”, tha Benny Andersson.

Ata realizuan dhjetë këngë të reja – dy nga  të cilat u dhanë premierë gjatë një konference të enjten.

Këngët e reja do të interpretohen gjatë koncertit virtual të grupit, i titulluar gjithashtu “Abba Voyage”, i cili do të hapet vitin e ardhshëm në një arenë të ndërtuar posaçërisht për grupin, në lindje të Londrës./UBTNews

lajme

Prizren: 3,800 euro të dyshuara si të falsifikuara dorëzohen në polici

Published

on

By

Një shumë prej 3 mijë e 800 eurosh, që dyshohet të jenë para të falsifikuara, është dorëzuar në Policinë e Kosovës nga menaxheri i një banke private në Prizren.

Sipas raportit 24-orësh të Policisë së Kosovës, rasti lidhet me periudhën 14 deri më 29 tetor 2026, ndërsa paratë janë dorëzuar në polici më 17 nëntor.

Sipas dëshmitarit, shuma e dyshuar si e falsifikuar ishte deponuar në bankë nga gjashtë klientë të ndryshëm.

Pas konsultimit me prokurorin, është iniciuar rasti për veprën penale “Falsifikim i parasë”, ndërsa paratë janë sekuestruar për ekzaminim. /E.A/

Continue Reading

lajme

Kamenicë: Vdes një person në QKUK, dyshohet se kishte konsumuar substanca të dyshuara

Published

on

By

Një person ka vdekur në Qendrën Klinike Universitare të Kosovës (QKUK), pasi dyshohet se kishte konsumuar barna ose substanca të tjera të dyshuara.

Sipas raportit 24-orësh të Policisë së Kosovës, Viktima ishte shoqëruar për trajtim në QKUK, por gjatë qëndrimit aty është raportuar se kishte ndërruar jetë.

Me vendim të prokurorit të shtetit, trupi i pajetë është dërguar në Institutin e Mjekësisë Ligjore (IML) për obduksion.

Rasti është iniciuar si “Hetim i vdekjes”. /E.A/

Continue Reading

lajme

Arrestohet një person në Fushë Kosovë nën dyshimin për ngacmim seksual

Published

on

By

Një person është arrestuar në Fushë Kosovë, nën dyshimin për kryerjen e veprës penale të ngacmimit seksual ndaj një gruaje.

Sipas raportit 24-orësh të Policisë së Kosovës, rasti ka ndodhur më 12 nëntor 2026, rreth orës 17:30, ndërsa i dyshuari është arrestuar më 17 nëntor.

Pas arrestimit, i dyshuari është intervistuar nga organet e rendit dhe, me vendim të prokurorit të shtetit, është dërguar në mbajtje.

Rasti është duke u trajtuar nga organet kompetente. /E.A/

Continue Reading

Lajmet

Rasti i Arlinda Zekajt: Komisioni Hetimor interviston sot kryetarin e Pejës dhe zyrtarët e QPS-së

Published

on

By

Komisioni Hetimor Parlamentar lidhur me veprimet dhe mosveprimet institucionale për vrasjen e Arlinda Zekajt, si dhe trajtimin e dhunës ndaj fëmijëve dhe grave në familje, pritet të intervistojë sot pesë dëshmitarë, në mesin e të cilëve edhe kryetarin e Komunës së Pejës, Gazmend Muhaxheri.

Sipas agjendës, mbledhja e Komisionit nis në orën 08:30, ndërsa intervistimi i dëshmitarëve pritet të fillojë nga ora 09:30. Përveç kryetarit Muhaxheri, para anëtarëve të Komisionit do të dëshmojnë edhe katër zyrtarë të Qendrës për Punë Sociale (QPS) në Pejë: drejtuesja Shpresa Lukaj, udhëheqësi Durim Kelmendi, menaxherja e rastit Toska Gega dhe zyrtari Shpat Morina.

Ky komision hetimor kryesohet nga Burim Ramadani (AAK) dhe ka zëvendëskryesues Adnan Rrustemin (LVV). Pjesë e përbërjes janë deputetët Armend Baloku, Arijeta Rexhepi, Osman Musliu dhe Adelinë Tërshani nga LVV-ja; Besa Kabashi-Ramaj dhe Eman Rrahmani nga PDK-ja; Doarsa Kica-Xhelili nga LDK-ja; si dhe Jovana Radosavljeviq dhe Emilija Rexhepi nga radhët e komuniteteve.

Këto intervistime vijnë tre ditë pasi Ministria për Punë, Familje dhe Vlerat e Luftës Çlirimtare njoftoi se një inspektim i jashtëzakonshëm në QPS-në e Pejës ka konstatuar shkelje të shumta në trajtimin e rastit të së ndjerës Arlinda Zekaj. Raporti i inspektimit evidentoi mosrespektim të afatit gjyqësor, neglizhencë në detyrë, mosveprim sipas detyrës zyrtare dhe mungesë të mbikëqyrjes profesionale.

Si pasojë e këtyre gjetjeve, Divizioni i Inspektimit i ka rekomanduar kryetarit të Pejës ndërmarrjen e masave disiplinore ndaj menaxheres së rastit (T. G.) dhe udhëheqësit të Shërbimeve Sociale (D. K.), si dhe rritjen urgjente të kapaciteteve të stafit profesional në këtë qendër. /E.A/

 

Continue Reading

Të kërkuara