Lajmet

Grupet e azilit paralajmërojnë për situatë katastrofike në Francë

Ky paralajmërim erdhi përmes një letre drejtuar zyrtarëve të qeverisë franceze të nënshkruar nga 12 OJQ.

Published

3 years ago

November 17, 2023

Betim Gashi

12 organizata që punojnë me azilkërkues në veri të Francës kanë paralajmëruar zyrtarët e qeverisë franceze për “situatë katastrofike” për shkak se një numër i madh i njerëzve po përballen me kushte josanitare në pritje të ndryshimit të kushteve atmosferike derisa po përpiqen të kalojnë Kanalin për të shkuar drejt Britanisë së Madhe.

Ky paralajmërim erdhi përmes një letre drejtuar zyrtarëve të qeverisë franceze të nënshkruar nga OJQ-të, në mesin e tyre edhe L’Auberge des Migrants, Calais Food Collective, Médecins du Monde Nord Littoral, Utopia 56 dhe delegacionin Le Secours Catholique të Pas de Calais.

Vetëm gjatë dy ditëve që nga 8 nëntori azilkërkuesit patën mundësi të kalojnë Kanalin për shkak të kushteve të këqija të motit. Gjithnjë e më shumë azilkërkues po presin në Francën veriore. Pothuajse 1 mijë njerëz kaluan në 19 varka më 12 dhe 16 nëntor./UBTNews/

Up Next

Investimet më të mëdha për vitin 2022 ishin në ndërtim

Don't Miss

BE-ja merr vendim për të ndaluar eksportin e mbetjeve plastike drejt vendeve të varfra

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

14 hours ago

October 30, 2026

UBTNews

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Lajmet

Akil Gjakova mbyll garën pa medalje në Abu Dhabi

Published

15 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

15 hours ago

October 30, 2026

UBTNews

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/