Lajmet

Gruaja e Macron merr masa ligjore mbi teorinë konspirative se ajo është transgjinore

Lajmi i rremë daton që nga marsi, por është përhapur gjatë dy muajve të fundit.

Published

on

Brigitte Macron, gruaja e presidentit francez, ka nisur veprime ligjore mbi një teori konspirative që pretendon se ajo ka lindur mashkull.

Lajmi i rremë daton që nga marsi, por është përhapur në mediat sociale gjatë dy muajve të fundit. Lajmi pretendon se Brigitte Macron ka lindur Jean-Michel Trogneux.

Avokati i saj, Jean Ennochi, konfirmoi për AFP-në se “ajo ka vendosur të nisë procedurat”.

Lajmi i rremë duket se është publikuar dhe propaganduar fillimisht nga “Natasha Rey” në Facebook. Faqja ku ajo e quan veten “gazetare” është plot me teori konspirative dhe fjalime të ashpëra kundër “diktaturës shëndetësore”.

Ajo e mbështeti raportimin e saj në fotot e familjes dhe dokumentet e supozuara të gjendjes civile.

Teoria e konspiracionit fitoi vërtet popullaritet në mes të tetorit pas botimit të një artikulli mbi “misterin e supozuar të Brigitte Macron” në “Faits et documents”, një revistë e themeluar në vitin 1996 nga figura e ekstremit të djathtë, Emmanuel Ratier.

“Natasha Rey” është sërish pjesë e hetimit.

Për gati një muaj, hashtag-u #JeanMichelTrogneux mbeti kryesisht i panjohur përpara se të përjetonte një rritje spektakolare të popullaritetit nga fillimi i dhjetorit.

Sipas numërimit të fundit të InVid, hashtag-u deri më tani ka gjeneruar 68,300 retweets dhe mbi 174,000 pëlqime.

Promovuesit kryesorë të saj duket se burojnë nga një lëvizje shumë heterogjene që mbledh konspiracistët, skeptikët ndaj COVID-së ose ata që pretendojnë të jenë pjesë e rrymës “sovraniste franceze”.

Kjo nuk është hera e parë që çifti Macron vihet në shënjestër të thashethemeve. Gjatë fushatës presidenciale 2017, Emmanuel Macron duhej të mohonte akuzat se ai ishte homoseksual./UBTNews/

Lajmet

Komuna e Prishtinës: Menaxhmenti i “Pastrimit” po i keqpërdor punëtorët për qëllime politike

Published

on

By

Pas grevës së zhvilluar sot nga punëtorët e Kompanisë Rajonale të Mbeturinave “Pastrimi”, Komuna e Prishtinës ka reaguar duke fajësuar menaxhmentin për situatën dhe duke e cilësuar protestën si të panevojshme.

Në një reagim të publikuar, Komuna shpreh shqetësim për atë që e quan keqpërdorim të punëtorëve për arsye politike.

“Përderisa Kryeqyteti, është duke bërë gjithcka për tejkalimin e kësaj gjendje konsiderojmë se grumbullimi i punëtorëve të KRM “Pastrimi” para objektit të Komunës është i panevojshëm, keqpërdorimi i tyre për qëllime politike nga menaxhmenti është i papranueshëm dhe nuk duhet të vazhdojë” thuhet në deklaratë.

Komuna ka bërë të ditur se ka nënshkruar një kontratë në vlerë prej 1.5 milionë euro me ndërmarrjen “Pastrimi”, për pastrimin dhe mirëmbajtjen e hapësirave publike në kryeqytet.

“Kryeqyteti ka nënshkruar kontratën me Kompaninë Regjionale të Pastrimit, në vlerë prej 1.5 milion euro, për mirëmbajtjen dhe pastrimin e hapësirave publike në qytet”, përfundon reagimi.

Continue Reading

Lajmet

Operacion i suksesshëm anti-terrorizëm, arrestohen dy të dyshuar në Kosovë

Published

on

By

Policia e Kosovës ka kryer një operacion anti-terrorizëm në orët e para të mëngjesit, duke arrestuar dy persona të dyshuar për përfshirje në shpërndarje të propagandës terroriste dhe nxitje të përçarjes dhe urrejtjes.

Operacioni, i zhvilluar nga Drejtoria Kundër Terrorizmit në bashkëpunim me Prokurorinë Speciale të Kosovës, përfshiu tri kontrolle në banesa në komunat e Fushë-Kosovës dhe Malishevës.

Të dyshuarit dyshohet se kanë përdorur rrjetet sociale për të përhapur ideologji të organizatave terroriste dhe për të nxitur mosdurim ndërmjet komuniteteve.

Autoritetet kanë bërë të ditur se do të vazhdojnë me veprimet ligjore në koordinim me organet e drejtësisë.

Continue Reading

Lajmet

Vjosa Osmani vijon vizitën zyrtare në Zvicër me një program të ngjeshur aktivitetesh

Published

on

By

Presidentja e Kosovës, Vjosa Osmani, po vazhdon vizitën zyrtare në Zvicër me një program të ngjeshur aktivitetesh për ditën e dytë.

Në orën 9:00 do të vizitojë kompaninë “Stadler Rail” në St. Gallen, ndërsa në orën 11:45 do të qëndrojë në Universitetin e St. Gallen.

Në orën 16:10 në Gjenevë, Osmani do të takohet me Marko Ahtisaarin, kryetar i Bordit të Fondacionit për Paqe CMI Martti Ahtisaari.

Kjo është vizita e parë e një presidenti të Kosovës në Zvicër me ftesë të presidentit zviceran, dhe presidentja u prit me nderime ushtarake.

Continue Reading

Lajmet

Punëtorët e “Pastrimit” fillojnë grevën para Komunës së Prishtinës

Published

on

By

Punëtorët e Kompanisë Rajonale të Mbeturinave “Pastrimi” kanë nisur sot grevën duke u mbledhur para ndërtesës së Komunës së Prishtinës. Kjo për të shprehur pakënaqësinë e tyre ndaj situatës së rëndë financiare në të cilën ndodhet ndërmarrja, për shkak të mos-shlyerjes së obligimeve nga Komuna.

Sindikata njoftoi se rreth 300 punëtorë dhe të punësuar janë pjesë e grevës paqësore, me rreth 20 kamionë të parkuar në mënyrë që të mos bllokohen rrugët emergjente.

“Pastrimi” ka ndalur shërbimin e grumbullimit të mbeturinave për shkak të një borxhi prej 2.7 milionë eurosh që pretendon se Komuna nuk ka paguar.

Komuna ka mohuar ekzistencën e këtij borxhi dhe ka akuzuar ndërmarrjen për sabotazh. Ndërkohë, qyteti është mbushur me mbeturina dhe ka shqetësime për rreziqe shëndetësore. Prokuroria ka nisur hetimet për të sqaruar situatën.

Continue Reading

Të kërkuara