Lajmet

Greva e parë në gjashtë dekada mbyll dyqanin e famshëm në Japoni

Grevat në vende të punës janë tejet të rralla në Japoni.

Published

on

Seibu në rrethin Ikebukuro të Tokios tërheq rreth 70 milionë vizitorë në vit në 14 katet e tij, ku stafi i tij ultra i sjellshëm shet çdo gjë, nga sushi te Armani shtatë ditë në javë.

I vendosur tek një prej stacioneve hekurudhore më të ngarkuara në botë, ai është xhevahiri në kurorë në zinxhirin Sogo dhe Seibu prej 10 dyqanesh në pronësi të Seven & i Holdings rreth Japonisë.

Megjithatë, ndërtesa 83-vjeçare në Ikebukuro ka nevojë për rinovim dhe për shkak se zinxhiri nuk ka bërë fitim për pesë vjet, Seven & I dëshiron t’ia shesë atë grupit të investimeve amerikane Fortress.

Sindikatat, nga frika e shkurtimeve të vendeve të punës, thirrën një grevë njëditore për të enjten – e para nga punonjësit e dyqaneve japoneze që nga viti 1962.

“Në këtë pikë, sindikata nuk është e bindur nëse plani i shitjes bazohet në vazhdimësinë e biznesit dhe (se) plani siguron mbajtjen e vendeve të punës së punëtorëve”, u tha gazetarëve në fillim të kësaj jave shefi i sindikatës Yasuhiro Teraoka.

Greva është aq e rrallë në Japoni sa që ka bërë tituj kombëtarë, me gazetarët e televizionit japonez që transmetojnë drejtpërdrejt jashtë, ndërsa një helikopter lajmesh filmon nga lart.

“(Greva) është diçka që unë e kam parë vetëm në tekstet shkollore”, i tha një kalimtar i ri transmetuesit NHK./UBTNews/

Lajmet

Pritja në pikat kufitare për të hyrë në Kosovë deri në 10 minuta

Published

on

By

Qendra Kombëtare për Menaxhim Kufitar i ka përditësuar të dhënat mbi fluksin në pikat kufitare.

Sipas të dhënave të publikuara nga kjo qendër, aktualisht pritjet për të hyrë në Kosovë janë të shkurtra.

Pritjet më të gjata janë në pikën kufitare në Jarinjë dhe Muçibabë ku pritjet për të hyrë në Kosovë shkojnë deri në 10 minuta, kurse në pikat tjera kufitare raportohen pritje nga tre deri në pesë minuta.

Continue Reading

Lajmet

Policia shqipton mbi 2 mijë gjoba për kundërvajtësit e trafikut brenda 24 orëve të fundit

Published

on

By

Policia e Kosovës ka shqiptuar 2027 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 107 aksidente trafiku me dëme materiale kurse 53 aksidente trafiku kanë përfunduar me të lënduar.

Policia e Kosovës ka arrestuar 20 persona, 8 janë dërguar në mbajtje, kurse 3 persona janë në vuajtje të dënimit.

Continue Reading

Lajmet

Trup i pajetë gjendet i varrosur në një arë në Lipjan

Published

on

By

Një trup i pajetë është gjetur i varrosur në një arë në fshatin Baicë të komunës së Lipjanit, duke ngritur shqetësime serioze në komunitet dhe duke vënë në lëvizje autoritetet hetimore.

Viktima dyshohet të jetë një mashkull i moshës rreth 50 deri në 60 vjeç. Deri tani, identiteti i tij nuk është konfirmuar zyrtarisht, ndërsa hetimet janë në fazë fillestare.

Në vendin e ngjarjes ka dalë edhe prokurori kujdestar teksa identiteti i tij ende nuk është zbuluar.

Rasti është nën hetime teksa janë intervistuar katër dëshmitarë.

Në një arë është gjetur i varrosur një trup i pajetë, mashkull rreth moshës 50-60 vjeçare, trupi i cili sipas IML-së është i freskët. Në vendin e ngjarjes kanë dalë edhe prokurori kujdestar bashku me njësinë e zhvarrimit e kanë nxjerr trupit e pajetë, momentalisht nuk dihet identiteti i tij. Në lidhje me rastin janë intervistuar katër dëshmitarët meshkuj kosovarë. Rasti është duke u hetuar.“, thuhet në raportin e Policisë së Kosovës.

Continue Reading

Aktualitet

​BIK bën thirrje për pjesëmarrje masive në protestën e OVL-UÇK-së

Published

on

Kryetari i Bashkësisë Islame të Kosovës, Myftiu Naim Tërnava, ka pritur në takim kryetarin e OVL-së së UÇK-së, Hysni Gucati.

Myftiu Tërnava falënderoi Gucati për vizitën dhe vlerësoi lart punën dhe angazhimin e OVL të UÇK-së në ruajtjen e vlerave të luftës së ushtrisë tonë të lavdishme dhe kultivimin e këtyre vlerave te brezat që vijnë për të mbrojtur këtë trashëgimi të shtrenjtë të kombit.

Nga ana e tij, Hysni Gucati falënderoi Myftiun për mikpritjen e ngrohtë dhe vlerësoi kontributin e Bashkësisë Islame të Kosovës gjatë luftës së fundit dhe sakrificën e imamëve dëshmorë në rradhët e Ushtrisë Çlirimtare të Kosovës në mbrojte të lirisë dhe atdheut.

Sipas BIK, gjatë takimit u diskutua edhe për protestën paqësore të organizuar nga OVL e UÇK-së, të cilën myftiu Tërnava e mbështeti dhe e përkrahu dhe me këtë rast ftoi besimtarët dhe bëri thirrje për pjesëmarrje masive në këtë protestë paqësore, për t’i dalë zot vlerave të Ushtrisë së lavdishme çlirimtare të Kosovës dhe në mbrojtje e përkrahje të dhe krerëve të saj, të cilët po gjykohen padrejtësisht nga Gjykata Speciale në Hagë.

Protesta paqësore do të mbahet më 7 gusht në orën 17:00 në sheshin “Skënderbeu” në Prishtinë.

Continue Reading

Të kërkuara