Kulturë
“Gresabosh” brendi nga Gresa Boshtraj
Dizajni dhe moda janë fushë e veçantë e viteve të fundit edhe shumë e kërkuar në Kosovë.
Gresa Boshtraj është ish-studente e drejtimit Dizajn i Integruar në UBT, e cila menjëherë pas përfundimit të studimeve, në moshën 21 vjeçare ka arritur që të fillojë brendin e saj me veshje mjaft të veçanta dhe të bukura.
Në emisionin “N’Stop” në Radio Campus, Boshtraj tregoi për publikun së këto kreacione kanë qenë krijim i periudhës së karantinës.
“Më thënë të drejtën, përgatitja e veshjeve të para ka qenë si diçka si kreacion. Në kohën e karantinës
kam thënë pse mos me i shfrytëzu këto kohë masi veç jam duke ndejtur edhe nuk jam duke bërë diçka, të bëj diçka kreative. Me ndihmën e prindërve që ma kanë blerë një pajisje edhe një makinë qepëse, kam filluar me i vendos disa gjëra në skica dhe kam dashur të përdorë kontraste, kam dashur me përdorë ngjyra dhe veç i kam bërë disa punime, pastaj i kam lansuar si në formë të koleksionit”, tregoi ajo.
Ajo çka është shumë e veçantë tek krijimet e GresaBosh apo ndryshe “GraceBosh” janë edhe ngjyrat të
cilat përdoren dhe mënyrat se si ajo i emërton ajo.
Sipas saj, ajo ka arsye të veçantë për emërtimin e këtyre veshjeve, e kjo sepse kur brendi i saj të marrë përmasa botërore, të përdoren fjalët shqipe.
“Përpos ngjyrës që përshembull një veshje që i ka nuancat e të kaltrës e kam quajtur “Qielli”, përpos asaj
kam vendosur qe edhe “GresaBosh” kur të bëhet dikur brend më botëror, këto ende të thirren në gjuhën
shqipe sepse mendoj se është gjuhë tepër e bukur, dhe pse jo me i titullua në gjuhën tonë”, shtoi ajo.
Boshtraj ka krijuar shumë veshje të ndryshme, mirëpo sipas saj, veshja me e pelqyer ka qenë një
kreacion i punuar me kompjuter dhe që paraqet një pamje të inspiruar nga koralet.
“Një fustan që është bërë me ilustrim me kompjuter edhe që i kemi paraqitur pastaj në tekstil. Eshtë njëra prej veshjeve që është pritur më së miri. Është një veshje me lloj enëve të gjakut, në njëfarë mënyre po është e inspiruar prej koraleve”, deklaroi ajo.
Fokusi i Greses mbetet përdorimi i teknikave dhe ngjyrave të veçanta dhe inspirimi kryesor i saj është
natyra dhe pafundësia e saj./UBTNews
Në edicionin e radhës të programit “Në bisedë / In Conversation”, Heritage Space mirëpret për herë të parë në Prishtinë shkrimtaren dhe dramaturgen shqiptaro-amerikane Ledia Xhoga.
Ajo do të zhvillojë një diskutim me shkrimtaren dhe përkthyesen Doruntina Vinca, i cili do të fokusohet në romanin e saj të parë, “Keqkuptimi”, i nominuar në listën e gjatë për Booker Prize 2025.
Romani “Keqkuptimi” trajton trashëgimitë e errëta familjare dhe të vendlindjes, si dhe kufirin delikat mes dhembshurisë dhe vetëmbrojtjes.
Në qendër të ngjarjes është një përkthyese shqiptare në Nju Jork, qnjë përfshihet në historinë e një të mbijetuarit të torturave në Kosovë.
Duke u përballur me makthet e klientit e përpjekjet për t’i ndihmuar të tjerët, nis të përjetojë ringjalljen e kujtimeve të mohuara prej kohësh.
Ledia Xhoga, e lindur në Tiranë dhe aktualisht me banim në Bruklin dhe Catskills, ka fituar me këtë roman New York City Book Award, ndërsa është finaliste edhe për Center for Fiction First Novel Prize. Shkrimet e saj janë botuar në platforma prestigjioze si Electric Literature, Lit Hub, Brooklyn Rail, Large Hearted Boy, Intrepid Times, Hobart dhe revista të tjera letrare.
Doruntina Vinca—shkrimtare, hulumtuese dhe përkthyese nga Prishtina, me bazë në Tiranë notohet për punën e saj mbi gjuhën, letërsinë feministe dhe mënyrat se si teksti krijon forma të reja të shpërndarjes së dijes.
Ngjarja organizohet në kuadër të platformës Heritage Space, e zbatuar nga CHwB Kosova, e mbështetur nga Qeveria Suedeze, duke ofruar mundësi të veçantë për publikun me një nga zërat më të rëndësishëm të letërsisë bashkëkohore shqiptaro-amerikane. /A.Z/UBT News/
Në kuadër të temës “Personalitete të shquara” dhe në shënim të Ditës Ndërkombëtare të të Drejtave të Fëmijëve, Posta e Kosovës ka lëshuar sot në qarkullim një emision të ri pullash postare, i dedikuar dy prej figurave më të rëndësishme të letërsisë shqipe për fëmijë: Rifat Kukajt dhe Ymer Elshanit.
Rifat Kukaj (1938–2005) ishte mësues, poet dhe dramaturg, i njohur për stilin e thjeshtë, por të ngarkuar me emocione dhe simbolikë.
Ai krijoi një botë të veçantë letrare për fëmijët, duke lënë pas vepra të paharrueshme si: “Xhuxhi nga Taxhuxhi”, “Lepuri me pesë këmbë”, “Bardhi e Mirushja”, “Rrasa e zogut”, “Shkrepi i diellit”, “Vjollca magjike” dhe shumë poezi të tjera.
Ymer Elshani (1948–1999) ishte poet, prozator dhe kritik letrar, i cili krijoi edhe në fushën e letërsisë për fëmijë, duke sjellë një botë të pasur imagjinare dhe ide të ndjeshme.
Ndër veprat e tij më të njohura renditen: “Çka ëndërrojnë lulet”, “Plaku me violinë”, “Unaza magjike”, “Ndodhitë e hundëkarotës” dhe “Guri i çmueshëm”. Ai u nda nga jeta si martir gjatë luftës në Kosovë, ndërsa pas përfundimit të saj, e bija, Teuta Elshani, botoi disa nga dorëshkrimet e tij të mbetura.
Ky emision i ri i pullave postare vjen si një nderim për kontributin e tyre të jashtëzakonshëm në letërsinë për fëmijë dhe për pasurimin e kulturës shqiptare.
Përjetoni avantazhin e privatësisë me Samsung Galaxy. liria fillon nga siguria
Maldivet bëjnë revolucionin anti-duhan: Ndalohet përgjithmonë për të lindurit pas 2007-ës!
Orav përgëzon Hamzën, pas zgjedhjes në krye të PDK-së: Pres me padurim të punoj me të
Agim Ademi flet për shortin e Kosovës
Catherine Zeta-Jones dhe Michael Douglas: 25 vite dashuri të pandryshuar
AUV asgjëson 2934 kilogramë tranguj të konservuar
Zgjedhjet lokale të 12 tetorit, ngrihet aktakuzë ndaj dy personave
4 ditë zgjedhore brenda një viti – KQZ tregon hapat pas shpalljes së zgjedhjeve të parakohshme
Rrezikohet pezullimi i transportit publik në Prishtinë
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet4 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën