Teknologji

Google do të hapë dyqanin e saj të parë fizik të shitjes me pakicë

Published

5 years ago

May 26, 2021

Betim Gashi

Kompania njoftoi se po hap dyqanin e saj të parë fizik të shitjes me pakicë, të quajtur Google Store, këtë verë në qytetin e Nju Jorkut. Dyqani do të vendoset nën zyrat e tij në lagjen Chelsea, ku punëson më shumë se 11 mijë punonjës. Disa nga artikujt në shitje do të përfshijnë telefona Pixel, produkte Nest, pajisje Fitbit dhe Pixelbooks.

Google do të punësojë “ekspertë” për të ndihmuar klientët të zgjidhin probleme, të rregullojnë një ekran të plasaritur Pixel ose të ndihmojnë me instalimet. Në një postim në blog, kompania e quajti atë “një hap tjetër i rëndësishëm në udhëtimin tonë të pajisjeve”.

“Shumë klientë ende duan të provojnë pajisje para se ta blejnë atë – dhe të mësojnë se si tingëllon dhe duket në dorën e tyre ose në një tavolinë”, shtoi zëdhënësi.

Google më parë ka thënë se shitjet e saj të pajisjeve janë një “biznes miliarda dollarësh”, por kompania ende nuk jep të dhëna të shitjeve për produktet e saj të pajisjeve.

Me kalimin e viteve, kompania ka hapur dyqane të përkohshme të pajisjeve Google në qytete duke përfshirë Nju Jork, Çikago dhe Londër, duke i lejuar njerëzit të shohin se si funksionojnë produktet, të marrin pjesë në punëtori dhe të bëjnë blerje.

Google përndryshe është mbështetur në faqen e saj të internetit dhe tjera të tilla si Best Buy (BBY) dhe Amazon (AMZN), për të shitur produktet e saj. Ndërsa Apple ka parë sukses duke hapur dyqane me pakicë në të gjithë botën.

Edhe Microsoft kishte zgjeruar përpjekjet gjatë viteve duke krijuar dyqane të tilla ku njerëzit mund të provonin shërbime, softuer dhe pajisje, por verën e kaluar kompania njoftoi se po mbyllte të gjitha 83 vendndodhjet e saj për t’u përqëndruar tërësisht në shitjen e produkteve të saj në internet.

Vendndodhja e re e përhershme e Google në qytetin e Nju Jorkut do të jetë vetëm disa blloqe larg një Apple Store./UBTNews

Teknologji

Ky funksion u zhduk nga Netflix, përdoruesit mbeten të habitur

Published

5 hours ago

December 4, 2025

UBT News

Netflix ka hequr në heshtje opsionin “Cast” nga aplikacioni mobil për shumicën dërrmuese të televizorëve inteligjentë.

Tani, në vend që të transmetoni direkt nga telefoni, duhet të hapni aplikacionin Netflix në vetë televizorin dhe të përdorni telekomandën për të nisur shfaqjet dhe filmat.

Ndryshimi u bë pa asnjë njoftim zyrtar, dhe përdorues të shumtë kanë vënë re zhdukjen graduale të “Cast” gjatë javëve të fundit.

Një përdorues në Reddit raportoi se funksioni u zhduk më 10 nëntor, kjo përputhet me përvojën e shumë pajisjeve tjera.

Pas rritjes së ankesave dhe konfuzionit, Netflix përditësoi faqen e mbështetjes duke sqaruar se “Cast” nuk ofrohet më për shumicën e smart TV-ve dhe pajisjeve moderne të transmetimit.

Vetëm disa pajisje të vjetra ende e mbështesin “Cast” nga aplikacioni mobil.

Madje, një përfaqësues i shërbimit për klientë thuhet se i ka thënë një përdoruesi se nëse pajisja ka telekomandë, atëherë nuk mund të përdoret “Cast”.

Edhe pse Netflix pretendon se kjo do të përmirësojë përvojën e përdoruesve, shumë prej tyre janë të pakënaqur, pasi preferonin ta kontrollonin aplikacionin drejtpërdrejt nga telefoni. /A.Z/UBT News/

Kuriozitete

E pabesueshme! Punoi 2 turne për AI, humbi punën dhe u zëvendësua nga makinat që i krijoi

Published

6 hours ago

December 4, 2025

UBT News

Donald King, 26 vjeç, është bërë simbol i mënyrës se si kompanitë e mëdha po përdorin inteligjencën artificiale, shpesh në dëm të punonjësve të tyre.

I diplomuar në Universitetin e Teksasit në Austin në vitin 2021, King u punësua në PëC në Nju Jork si bashkëpunëtor në konsulencën teknologjike, duke punuar me klientë të rëndësishëm si Oracle.

Pasi kompania njoftoi një investim prej 1 miliard dollarësh në IA, King u bashkua me një ekip kërkimi që punonte 60–80 orë në javë.

I talentuar dhe ambicioz, ai programonte dhe drejtonte ekipe brenda dhe jashtë SHBA-së, duke u përfshirë në zhvillimin e agjentëve AI që mund të automatizonin procese të tëra pune, madje edhe departamente të kompletuara.

“Na u desh të pyesnim: çfarë po ndërtojmë? Ishte si t’i trajtoje makinat si njerëz,” rrëfen ai për Fortune.

Tetë muaj pas marrjes së rolit të ri, King prezantoi projektin e tij fitues në “hackathon”-in e OpenAI: një flotë agjentësh AI që realizonin automatikisht punët më të lodhshme të njerëzve.

I bindur se ky sukses do t’i sillte ngrritje në detyrë, ai nuk e priste surprizën që do të vinte. Vetëm dy orë pas prezantimit, nga PëC e kontaktuan me një njoftim të papritur: “Je i pushuar!”

I tronditur, King regjistroi momentin dhe e publikoi në TikTok, ku videoja u bë virale me mbi 2 milionë shikime.

“Ishte e pamundur të besoja se do të humbisja punën pikërisht për teknologjinë që unë e krijova. Mendova se isha i sigurt, sidomos pasi fitova vendin e parë. Më kapi krejt papritur,” thotë ai. /A.Z/UBT News/

Teknologji

YouTube ndalon përdoruesit australianë nën 16 vjeç!

Published

9 hours ago

December 4, 2025

UBT News

YouTube ka njoftuar një vendim të rëndësishëm që prek miliona përdorues dhe krijues përmbajtjesh australianë, duke ndaluar përdoruesit nën 16 vjeç nga llogaritë e tyre brenda disa ditësh.

Ky hap vjen pas një mosmarrëveshjeje me qeverinë australiane, e cila kërkonte masa më të rrepta për të mbrojtur adoleshentët nga përmbajtja e dëmshme.

Çfarë ndryshon?

Përdoruesit nën 16 vjeç do të çaktivizohen automatikisht nga llogaria e tyre nga 10 dhjetori.

Ata nuk do të mund të abonohen, të komentojnë ose të pëlqejnë postime, por mund të vazhdojnë të shikojnë përmbajtje pas çaktivizimit.

Përdoruesit tani duhet të jenë të paktën 16 vjeç për të regjistruar një llogari në YouTube.

Sipas Komisionerit të Sigurisë Elektronike në Australi, YouTube ka rreth 325,000 llogari të mbajtura nga australianë të moshës 13–15 vjeç, krahasuar me 440,000 në Snapchat dhe 350,000 në Instagram.

Studimet tregojnë se më shumë se një e treta e australianëve 10–15 vjeç kanë hasur përmbajtje të dëmshme në YouTube.

Ky vendim po vëzhgohet nga juridiksione të tjera, duke krijuar një precedent global për mbrojtjen e fëmijëve në platformat digjitale dhe balancimin e sigurisë me qasjen në shërbime online.

YouTube e përshkruan vendimin si hap të domosdoshëm për të mbrojtur përdoruesit më të rinj e përmbushur rregulloret e qeverisë. /A.Z/UBT News/

Teknologji

Gemini futet në Google Maps, përvoja e udhëtimit nuk do jetë më e njëjta!

Published

11 hours ago

December 4, 2025

UBT News

Google Maps po përgatitet të sjellë një përvojë më të avancuar navigimi për përdoruesit e Android dhe iPhone, falë integrimit të funksionalitetit të ri të inteligjencës artificiale Gemini.

Ky përditësim synon të ofrojë një navigim më të thjeshtë, më të personalizuar dhe më të përshtatshëm për të gjithë përdoruesit.

Në versionin më të ri, ikona e mikrofonit është zëvendësuar me simbolin e Geminit, duke sinjalizuar prezencën e asistentit të ri AI.

Me aktivizimin e tij, në ekran shfaqet unaza që tregon se Gemini është gati të marrë komanda me zë. Sistemi i ri do të mbështesë të gjitha mënyrat e lëvizjes: me makinë, transport publik, në këmbë dhe me biçikletë.

Përmes komandave zanore, përdoruesit kërkojnë destinacione, rrugë alternative, informacione për trafikun apo vendndodhje të caktuara pa pasur nevojë të prekin ekranin. Kjo rrit ndjeshëm sigurinë gjatë ngasjes dhe e bën navigimin më praktik.

Google shfrytëzon inteligjencën e Geminit për të ofruar sugjerime të personalizuara e navigim fleksibël, duke e kthyer aplikacionin në një asistent të zgjuar për çdo udhëtim. Funksioni është në fazën testuese dhe pritet të shpërndahet tek përdoruesit gjatë javëve të ardhshme.

Ky integrim ndryshon mënyrën se si përdoruesit ndërveprojnë me Google Maps, duke kombinuar navigimin tradicional me AI për një eksperiencë më të qetë, më të thjeshtë dhe më efikase. /A.Z/UBT News/