Lajmet

Goditet grupi kriminal në Tiranë, lëshohen 24 urdhër arreste, sekuestrohet 1.2 kg kokainë

Published

2 years ago

on

Policia e Tiranës ka lëshuar 24 urdhër arreste në kuadër të megaoperacionit “Termpulli 3” për goditjen e narkotikëve.

Nga këto 24 urdhër arreste, 19 persona janë arrestuar, ndërsa 5 të tjerë janë në kërkim.

Këta persona shpërndanin lëndë narkotike, afër shkollave, dhe në ambiente të tjera të frekuentuara nga të rinjtë, në zona të ndryshme të Tiranës.

Të dhënat u bërë me dije nga Drejtori i Policisë, Tonin Vocaj i cili bëri me dije se është sekuestruar 1.2 kilogram kokainë, qindra doza heroinë e kanabisi, 5 automjete, shuma të konsiderueshme parash, si dhe 12 aparate celularë.

“Sektori për Hetimin e Narkotikëve i Drejtorisë Vendore të Policisë Tiranë, në vijim të operacioneve të njëpasnjëshme të zhvilluara për parandalimin, evidentimin dhe goditjen e veprimtarisë kriminale në fushën e narkotikëve, dhe në vijim të dy megaoperacioneve mbarëkombëtare “Tempulli 1” dhe “Tempulli 2”, ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, e cila ka regjistruar 2 procedime penale të vitit 2024”.

Pas një hetimi tremujor të kryer me metoda speciale të hetimit nga specialistët për Hetimin e Narkotikëve të Drejtorisë Vendore të Policisë Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, u siguruan prova ligjore për dokumentinin e veprimtarisë kriminale të 24 shtetasve.

Mbi bazën e provave të siguruara gjatë hetimit, u organizua dhe u finalizua faza e dytë e operacionit “Tempulli 3”, në kuadër të të cilit u ekzekutua masa e sigurisë “Arrest në burg”, të dhënë nga Gjykata e Shkallës së Parë e Juridiksionit të Përgjithshëm Tiranë për 19 shtetas, si dhe vijon puna për kapjen e 5 shtetasve të tjerë të cilët ndiqen me masa kërkimi.

Gjatë operacionit u arrestuan 19 shtetas ndaj të cilëve Gjykata e Shkallës së Parë e Juridiksionit të Përgjithshëm Tiranë ka caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”, konkretisht:

K. H., 26 vjeç, D. K., 39 vjeç, O. V., 21 vjeç, H. F., 20 vjeç, F. Gj., 32 vjeç, V. Xh., 42 vjeç, A. Xh., 52 vjeç, O. I., 62 vjeç, L. K., 26 vjeç, M. K., 32 vjeç, K. H., 24 vjeç, R. M., 25 vjeç, M. S., 18 vjeç, R. Sh., 33 vjeç, D. G., 21 vjeç, R. D. (S.), 52 vjeçe, E. B., 37 vjeçe, A. Sh., 33 vjeç, B. K., 34 vjeçe (arrestuar më parë gjatë zhvillimit të hetimeve)”, bëri me dije Vocaj.

Ky i fundit sqaroi ndërkaq, se mes të arrestuarve është edhe 52-vjeçari i akuzuar për veprën penale “Vrasje me dashje”.

“Mes të arrestuarve është dhe shtetasi Armando Xheladini alias Armando Tarushllari alias Jetnor Cinallari 52-vjeç, banues në tiranë i cili ëhstë arresuar në maj për vrasje me dashje kryer në bashlkëpunim për ngjarjen e ndodhur në shtetin grek më 2008”, tha Vocaj.

Gjatë operacionit u sekuestruan në cilësinë e provës materiale:

➢ 1.2 kilogramë lëndë e dyshuar narkotike kokainë;

➢ qindra doza të lëndëve të dyshuara narkotike heroinë dhe kanabis;

➢ 12 celularë;

➢ 5 automjete;

➢ shuma të konsiderueshme parash në lekë dhe valuta të tjera, të dyshuara të përfituara nga shitja e lëndëve narkotike./rtsh

Related Topics:
Continue Reading

Lajmet

Rubio: Anëtarësimi i Kosovës në NATO tani nuk është në krye të agjendës së aleatëve

Published

15 minutes ago

on

June 4, 2026

By

Sekretari amerikan i Shtetit, Marco Rubio, tha se zgjerimi i NATO-s për të përfshirë Kosovën aktualisht nuk është në krye të agjendës së aleatëve, por shtoi se kjo nuk do të thotë se një gjë e tillë nuk mund të ndodhë në të ardhmen.

Gjatë një seance dëgjimore në Komitetin për Punë të Jashtme të Dhomës së Përfaqësuesve, Rubio tha gjithashtu se Shtetet e Bashkuara mbështesin kandidatin italian për postin e ri të përfaqësuesit të lartë në Bosnje e Hercegovinë, duke thënë se besojnë se ai “do ta kryente mirë punën dhe do të ndihmonte në sjelljen e stabilitetit në këtë funksion”.

Sekretari amerikan i Shtetit iu përgjigj pyetjeve të kryetarit të Nënkomitetit për Evropë në Dhomën e Përfaqësuesve, Keith Self, i cili së fundmi ka vizituar Bosnje e Hercegovinën, Serbinë dhe Kosovën. Gjatë seancës, Self e cilësoi situatën në Ballkanin Perëndimor si “jashtëzakonisht të brishtë”.

Self tha se mes Serbisë dhe Kosovës ekziston një “problem i pazgjidhur” dhe i kërkoi Rubios që, në bisedimet me katër vendet anëtare të NATO-s që nuk e njohin pavarësinë e Kosovës dhe që, rrjedhimisht, e bllokojnë anëtarësimin e saj në aleancën ushtarake perëndimore, të mbështesë anëtarësimin e Kosovës në NATO.

Rubio tha se, bazuar në takimet e tij me ministrat e Jashtëm të vendeve anëtare të aleancës, NATO-ja “është e përqendruar në çështje të tjera” dhe se “zgjerimi, posaçërisht në rastin e Kosovës, por edhe në raste të tjera, nuk është në krye të agjendës së këtyre vendeve”. Megjithatë, ai shtoi se kjo “nuk do të thotë se një gjë e tillë nuk do të ndodhë kurrë”.

“Kjo nuk ka pasur vend të rëndësishëm në bisedimet e fundit me aleatët tanë të NATO-s”, tha Rubio.

Kosova synon të bëhet pjesë e NATO-s dhe e Bashkimit Evropian. Por, shtetet që nuk e njohin pavarësinë e saj, të shpallur më 2008, vazhdojnë të jenë pengesë në integrimin euroatlantik të Prishtinës.

Self, së bashku me dy kolegë të tij në Kongres, Ritchie Torres dhe Mike Lawler, ka paraqitur në Dhomën e Përfaqësuesve një rezolute në mbështetje të anëtarësimit të Kosovës në NATO. Në këtë rezolutë thuhet se prania e Kosovës në aleancë është e domosdoshme për mbrojtjen e interesave të sigurisë kombëtare të SHBA-së në Evropën Juglindore.

Të dhënat në këtë artikull janë marrë nga raportimi i “Evropa e Lirë”.

Continue Reading

Lajmet

Tri raste të dhunës në familje, të dyshuarit lirohen me vendim të prokurorit

Published

28 minutes ago

on

June 4, 2026

By

Sipas raportit të fundit të Policisë së Kosovës, gjatë ditës së djeshme janë regjistruar tri raste të dhunës në familje në Prishtinë dhe Klinë, ku të dyshuarit janë arrestuar dhe më pas liruar në procedurë të rregullt me vendim të prokurorit.

Në Prishtinë, rreth orës 01:10, janë arrestuar dy të dyshuar meshkuj kosovarë, pasi dyshohet se kishin sulmuar fizikisht njëri-tjetrin. Pas intervistimit, me vendim të prokurorit, të dy janë liruar në procedurë të rregullt.

Në rastin e dytë, në Prishtinë, rreth orës 23:30, është arrestuar një i dyshuar mashkull kosovar, i cili dyshohet se ka kryer veprën e dhunës në familje ndaj viktimës femër kosovare. Pas intervistimit, me vendim të prokurorit, i dyshuari është liruar në procedurë të rregullt.

Ndërsa në Klinë, rreth orës 15:30, është arrestuar një i dyshuar mashkull kosovar nën dyshimin për dhunë në familje ndaj viktimës femër kosovare. Me urdhër të prokurorit, pas inicimit të rastit, i dyshuari është liruar në procedurë të rregullt.

Policia e Kosovës apelon për parandalimin e rasteve të dhunës në familje dhe inkurajon qytetarët që të raportojnë çdo rast të tillë në institucionet kompetente.

Continue Reading

Lajmet

KQZ lejon votimin me dokumente të skaduara për diasporën

Published

41 minutes ago

on

June 4, 2026

By

Komisioni Qendror i Zgjedhjeve ka mbajtur të mërkurën mbledhje elektronike, ku ka marrë vendim që votuesve të regjistruar për votim në përfaqësitë diplomatike jashtë Kosovës t’u lejohet votimi edhe me dokumente identifikimi të Kosovës me afat të skaduar të vlefshmërisë.

Sipas KQZ-së, ky vendim vjen pas evidentimit të disa rasteve gjatë procesit të votimit në përfaqësitë diplomatike në zgjedhjet e kaluara për Kuvendin e Kosovës, të mbajtura më 8 shkurt 2025 dhe 27 dhjetor 2025, ku disa votues janë paraqitur me dokumente identifikimi të skaduara. Pas njoftimit për këto raste, KQZ ka marrë vendim për lejimin e votimit me dokumente të skaduara të identifikimit.

Po ashtu, u mor vendimi për miratimin e planit operacional për ditën e zgjedhjeve, më 7 qershor. Ky plan përcakton organizimin, koordinimin dhe përgjegjësitë e zyrtarëve të angazhuar në administrimin e procesit zgjedhor brenda dhe jashtë vendit.

Dokumenti përshkruan aktivitetet që lidhen me përgatitjen dhe funksionalizimin e qendrave të votimit, shpërndarjen e materialeve zgjedhore, komunikimin institucional, raportimin e pjesëmarrjes dhe rezultateve preliminare, si dhe menaxhimin e situatave operative gjatë ditës së zgjedhjeve.

Po ashtu, plani parasheh funksionimin e dhomave operative për koordinim dhe mbështetje, bashkëpunimin me institucionet përgjegjëse për sigurinë, energjinë elektrike dhe mbështetjen teknike, si dhe përcakton ekipet dhe zyrtarët përgjegjës për informimin e votuesve, komunikimin me mediat, mbështetjen logjistike, teknologjinë informative, verifikimin e vëzhguesve dhe detyra të tjera të nevojshme për garantimin e një procesi zgjedhor.

Continue Reading

Lajmet

Shtrenjtohen nafta dhe benzina, lirohet gazi

Published

50 minutes ago

on

June 4, 2026

By

Ministria e Industrisë, Ndërmarrësisë, Tregtisë dhe Inovacionit ka publikuar çmimet maksimale të lejuara të derivateve për 4 qershorin.

Sipas vendimit të ri, nafta dhe benzina janë shtrenjtuar për nga 2 centë për litër krahasuar me një ditë më parë. Çmimi maksimal i naftës është caktuar 1 euro e 51 centë për litër, ndërsa benzina 1 euro e 43 centë për litër.

Ndërkohë, gazi është liruar për 1 cent, me çmim maksimal prej 71 centësh për litër.

Çmimet e reja kanë hyrë në fuqi nga ora 10:00 dhe do të vlejnë deri nesër.

Continue Reading

Të kërkuara