Lajmet

Goditet grupi kriminal në Tiranë, lëshohen 24 urdhër arreste, sekuestrohet 1.2 kg kokainë

Publikuar

Policia e Tiranës ka lëshuar 24 urdhër arreste në kuadër të megaoperacionit “Termpulli 3” për goditjen e narkotikëve.

Nga këto 24 urdhër arreste, 19 persona janë arrestuar, ndërsa 5 të tjerë janë në kërkim.

Këta persona shpërndanin lëndë narkotike, afër shkollave, dhe në ambiente të tjera të frekuentuara nga të rinjtë, në zona të ndryshme të Tiranës.

Të dhënat u bërë me dije nga Drejtori i Policisë, Tonin Vocaj i cili bëri me dije se është sekuestruar 1.2 kilogram kokainë, qindra doza heroinë e kanabisi, 5 automjete, shuma të konsiderueshme parash, si dhe 12 aparate celularë.

“Sektori për Hetimin e Narkotikëve i Drejtorisë Vendore të Policisë Tiranë, në vijim të operacioneve të njëpasnjëshme të zhvilluara për parandalimin, evidentimin dhe goditjen e veprimtarisë kriminale në fushën e narkotikëve, dhe në vijim të dy megaoperacioneve mbarëkombëtare “Tempulli 1” dhe “Tempulli 2”, ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, e cila ka regjistruar 2 procedime penale të vitit 2024”.

Pas një hetimi tremujor të kryer me metoda speciale të hetimit nga specialistët për Hetimin e Narkotikëve të Drejtorisë Vendore të Policisë Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, u siguruan prova ligjore për dokumentinin e veprimtarisë kriminale të 24 shtetasve.

Mbi bazën e provave të siguruara gjatë hetimit, u organizua dhe u finalizua faza e dytë e operacionit “Tempulli 3”, në kuadër të të cilit u ekzekutua masa e sigurisë “Arrest në burg”, të dhënë nga Gjykata e Shkallës së Parë e Juridiksionit të Përgjithshëm Tiranë për 19 shtetas, si dhe vijon puna për kapjen e 5 shtetasve të tjerë të cilët ndiqen me masa kërkimi.

Gjatë operacionit u arrestuan 19 shtetas ndaj të cilëve Gjykata e Shkallës së Parë e Juridiksionit të Përgjithshëm Tiranë ka caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”, konkretisht:

K. H., 26 vjeç, D. K., 39 vjeç, O. V., 21 vjeç, H. F., 20 vjeç, F. Gj., 32 vjeç, V. Xh., 42 vjeç, A. Xh., 52 vjeç, O. I., 62 vjeç, L. K., 26 vjeç, M. K., 32 vjeç, K. H., 24 vjeç, R. M., 25 vjeç, M. S., 18 vjeç, R. Sh., 33 vjeç, D. G., 21 vjeç, R. D. (S.), 52 vjeçe, E. B., 37 vjeçe, A. Sh., 33 vjeç, B. K., 34 vjeçe (arrestuar më parë gjatë zhvillimit të hetimeve)”, bëri me dije Vocaj.

Ky i fundit sqaroi ndërkaq, se mes të arrestuarve është edhe 52-vjeçari i akuzuar për veprën penale “Vrasje me dashje”.

“Mes të arrestuarve është dhe shtetasi Armando Xheladini alias Armando Tarushllari alias Jetnor Cinallari 52-vjeç, banues në tiranë i cili ëhstë arresuar në maj për vrasje me dashje kryer në bashlkëpunim për ngjarjen e ndodhur në shtetin grek më 2008”, tha Vocaj.

Gjatë operacionit u sekuestruan në cilësinë e provës materiale:

➢ 1.2 kilogramë lëndë e dyshuar narkotike kokainë;

➢ qindra doza të lëndëve të dyshuara narkotike heroinë dhe kanabis;

➢ 12 celularë;

➢ 5 automjete;

➢ shuma të konsiderueshme parash në lekë dhe valuta të tjera, të dyshuara të përfituara nga shitja e lëndëve narkotike./rtsh

Lajmet

Kompania “Lidl” regjistron një përfaqësi në Kosovë

Publikuar

nga

Në ditët e fundit, Kosova është përfshirë nga një valë spekulimesh lidhur me praninë e rrjetit të marketeve “Lidl” në vend. Pas paralajmërimeve të bëra në prill të këtij viti për hapjen e dyqanit të parë në Kosovë, situata ka krijuar konfuzion, duke sjellë edhe raporte të pavërteta për tërheqjen e kompanisë nga plani i saj për të investuar në tregun kosovar.

Megjithatë, “Lidl” ka reaguar ndaj këtyre spekulimeve në një përgjigje për Zëri.info, duke konfirmuar se janë të vetëdijshëm për informatat që qarkullojnë rreth tyre dhe se po vazhdojnë të analizojnë kushtet e tregut. Ajo që është e rëndësishme është se kompania ka regjistruar një përfaqësi në Kosovë, e cila është një hap i rëndësishëm drejt hapjes së dyqaneve në të ardhmen.

“Është e saktë që aktualisht jemi duke analizuar tregun në Kosovë dhe se është regjistruar një përfaqësi. Ju lutemi kuptoni se ne nuk mund të bëjmë deklarata konkrete në lidhje me vendndodhjet e mundshme të dyqaneve ose datat e hapjes në këtë moment,” citohet nga përgjigja e “Lidl”.

Kujtojmë se gjatë vitit 2022, një delegacion i “Lidl” vizitoi Kosovën, ku ministrja e Tregtisë dhe Industrisë propozoi tri lokacione si të përshtatshme për investim. Megjithatë, deri tani nuk ka pasur asnjë hapje dyqani, duke sugjeruar se analiza e tregut vazhdon.

“Lidl” GmbH & Co KG është një zinxhir ndërkombëtar gjerman i shitjeve me pakicë që operon mbi 11,000 dyqane në të gjithë Evropën dhe Shtetet e Bashkuara. Prania e saj në Kosovë pritet të sjellë konkurrencë dhe mundësi të reja për konsumatorët, si dhe përmirësim në ofertën e produkteve dhe shërbimeve.

Tani më shumë se kurrë, të gjithë sytë janë kthyer nga “Lidl”, duke pritur me padurim zhvillimet e ardhshme që do të sjellin në tregun kosovar./UBTNews/

Vazhdo të lexosh

Lajmet

Dështon votimi i buxhetit të Komunës së Prishtinës për vitin 2025, Rama: PDK-ja e VV-ja e bojkotuan vullnetin e qytetarëve

Publikuar

nga

Sot është mbajtur mbledhja e Kuvendi Komunal të Prishtinës ku nuk u miratua buxheti për vitin 2025, për shkak të mungesës së kuorumit.

Asamblistët e Lëvizjes Vetëvendosje dhe Partisë Demokratike të Kosovës janë larguar nga seanca, dhe për këtë ka reaguar kryetari i Komunës së Prishtinës, Përparim Rama, duke thënë se PDK-ja e VV-ja po bojkotojnë vullnetin e qytetarëve.

Përmes një reagimi në Facebook, Rama ka thënë se ky buxhetit është hartuar në bazë të nevojave e kërkesave të qytetarëve.

“Sot mbajtëm seancën për miratimin e buxhetit të Kryeqytetit për vitin 2025. Buxheti nuk u miratua në mungesë të kuorumit për shkak të lëshimit të sallës nga asamblistët e PDK-së dhe më pas atyre të Vetëvendosjes. Buxheti i vitit 2025 është i hartuar me profesionalizëm dhe në bazë të nevojave e kërkesave të qytetarëve tanë. Prandaj, lëshimi i sallës në seancën e buxhetit nga PDK dhe VV është bojkotim i vullnetit të qytetarëve. Përkundër përpjekjeve të njëpasnjëshme për bllokim të punëve të mira në Kryeqytet ne nuk do të ndalemi së punuari për të mirën e të gjithë qytetarëve pa dallim”, ka shkruar Rama në Facebook.

Vazhdo të lexosh

Lajmet

Gashi për takimin në Bruksel: U kuptua që Serbia kërkoi ndryshimin e kufijve në veri, kjo është e papranueshme

Publikuar

nga

Deputeti i Lidhjes Demokratike të Kosovës, Arben Gashi, ka komentuar takimin e djeshëm në Bruksel të zëvendëskryeministrit Besnik Bislimi me emisarin e BE-së për dialog, Miroslav Lajçak, duke thënë se u bë e qartë që gjatë takimit Serbia ka kërkuar ndryshimin e kufijve të Mitrovicës.

Përmes një postimi në Facebook, Gashi ka thënë se e një gjë e tillë është e papranueshme.

“Nga takimi i zëvendëskryeministrit Besnik Bislimi me përfaqësuesin e Serbisë në Bruksel, u kuptua se Serbia, ndër të tjera, po kërkon ndryshimin e kufijve të Mitrovicës Veriore. Kjo kërkesë është e papranueshme, pasi kufijtë e komunave janë tashmë të vendosur dhe ndryshimi i tyre paraqet rrezik për sigurinë dhe stabilitetin”, ka shkruar Gashi.

Tutje, deputeti ka thënë se çdo ndryshim i kufijve komunal, do të shkelte propozimin gjithëpërfshirës të Pakos së Ahtisaarit.

Vazhdo të lexosh

Lajmet

Jep dorëheqje drejtori ekzekutiv i AKP-së

Publikuar

nga

AKP njofton se në mbledhjen e Bordit të kësaj Agjencie, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare.

Në mbledhjen e sotme Bordi i Drejtorëve të Agjencisë Kosovare të Privatizimit diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit.

“Bordi i Drejtorëve të Agjencisë Kosovare të Privatizimit mbajti mbledhjen e rregullt me ç‘rast diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit. Gjatë kësaj mbledhje, Bordi i Drejtorëve i shqyrtoi dhe i miratoi 31 rastet rekomanduese nga Divizioni i Shitjes Direkte (17 aprovime dhe 14 refuzime). Gjatë kësaj mbledhje, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare”, thuhet në njoftim.

Në qershor të vitit 2022, Arben Limani ishte zgjedhur drejtor menaxhues i Agjencisë Kosovare të Privatizimit (AKP).

Vazhdo të lexosh

Të kërkuara