Teknologji

Gmail pëson ndryshime madhore

Mjetet kanë qenë të disponueshme që prej vitit të kaluar për përdoruesit me pagesë Google Workspace por nga dita e Hënë kompania i solli këto mjete për këdo me një llogari Google.

Published

on

Ditën e Hënë Google lajmëroi një ridizajnim madhor të Gmail duke sjellë mjete të reja produktiveti që funksionojnë me aplikacionet e tjera të kompanisë si Docs dhe Sheets.

Kompania synon ta shndërrojë shërbimin një një qendër për planifikimin e projekteve dhe bashkërendimin me njerëz të tjerë.

Ideja është të sillen të gjithë aplikacionet e produktivitetit në një vend të vetëm me Gmail që shërben si qendër komande. Përditësimi është më në linjë me konkurrentët si Slack dhe Microsoft Teams.

Por në vend që të vërë në shënjestër vetëm punonjësit nëpër zyra, ndryshimet e Google aplikohen për versionin konsumator të Gmail.

Mjetet kanë qenë të disponueshme që prej vitit të kaluar për përdoruesit me pagesë Google Workspace por nga dita e Hënë kompania i solli këto mjete për këdo me një llogari Google.

Opsioni që bie menjëherë në sy është Spaces, një mjet që funksionon ngjashëm me kanalet e Slack dhe përdoruesit mund të bashkërendojnë në një dokument apo përmbajtje në kohë reale.

Në versionin e Google përdoruesit mund të komunikojnë, shkëmbejnë skedarë dhe editojnë dokumente Docs në kohë reale. Për llogaritë me pagesë ky opsion quhej Rooms.

Ndryshimet vinë në një kohë kur vendet po përpiqen të dalin nga pandemia e koronavirusit dhe zyrat në mbarë botën po punojnë në distancë.

Kompania detajoi edhe një plan të ri me pagesë për sipërmarrjet e vogla quajtur Google Workspace Individual. /PCWorld Albanian

Continue Reading

Teknologji

Konfirmohet data e lansimit të Realme GT7, zbulohen disa detaje

Published

on

Disa muaj pas lëshimit të Realme GT 7 Pro, kompania po përgatitet të lansojë edhe GT7. Në posterin e tij të fundit, prodhuesi i smartfonëve konfirmoi 23 prillin si datën e lëshimit në Kinë.

Data e lëshimit në Kinë është 23 prilli, që do të thotë se mund të presim një paraqitje më të gjerë globale së shpejti.

Flitet se ai do të ketë çipin e ri Dimensity 9400+ (do të jetë një nga telefonat e parë që do ta ketë), një bateri të madhe 7,000 mAh dhe karikim të shpejtë 100 W.

Të paktën këto janë specifikat e konfirmuara zyrtarisht deri më tani.

Zëvendëspresidenti i Realme, Chase Xu, tha gjithashtu se telefoni do të ketë ftohje të avancuar, optimizime të qëndrueshmërisë dhe stabilizim të shkallës së lartë të rifreskimit gjatë lojës.

Continue Reading

5G

Franca do të ndalojë telefonat në shkollat e mesme

Published

on

Franca po planifikon të forcojë ndalimin e përdorimit të telefonave celularë në shkollat e mesme, duke vendosur që nxënësit e moshës 11 deri 15 vjeç t’i mbyllin pajisjet në dollapë ose çanta në fillim të ditës mësimore dhe t’i përdorin pas përfundim të saj.

Ministrja e Arsimit deklaroi në senat se synimi është që fëmijët të shkëputen nga celularët gjatë ditës shkollore, duke filluar nga shtatori në shkollat e mesme të Francës, raportojnë mediat ndërkombëtare.

Elisabeth Borne u shpreh: “Në një kohë kur përdorimi i telefonave është gjithnjë në diskutim për shkak të pasojave të shumta negative, ky hap është i domosdoshëm për mirëqenien e arritjet e nxënësve tanë.”

Që nga 2018, Franca ka ndaluar përdorimin e celularëve në shkollat e mesme, të quajtura colleges. Ky ndalim ka përfshirë mbajtjen e telefonave të fikur në çanta dhe ndalimin e përdorimit në ambientet shkollore, madje edhe gjatë pushimeve.

Ky rregull ka dhënë rezultate pozitive: fëmijët janë më aktivë fizikisht, kanë më shumë ndërveprime shoqërore, më pak raste ngacmimi dhe përqendrim më të mirë në mësime, por janë hasur raste ku disa nxënës janë përpjekur të përdorin telefonin fshehurazi në tualete për të parë video gjatë pushimeve.

Qeveria franceze synon të shkojë më tej me një shkëputje të plotë nga teknologjia gjatë ditës. E ashtuquajtura “pauzë dixhitale” e detyrueshme është testuar në një program pilot në rreth 100 shkolla për gjashtë muaj. Telefonat dorëzohen në hyrje dhe vendosen në një dollap, kuti të veçantë, ose në çanta që çelen përmes mekanizmit elektronik kur nxënësit largohen për në shtëpi./The Guardian/

Continue Reading

Automobilizëm elektrikë

Renault Clio do të jetë me një kufizues shpejtësie në 109 km/h

Published

on

Prodhuesi francez i makinave Renault ka njoftuar se do të vendosë kufizues shpejtësie në një prej modeleve të vogla më të njohura në një përpjekje për të përmirësuar sigurinë rrugore.

Që nga 1 korriku i vitit të kaluar, të gjitha makinat e reja në Evropë duhet të pajisen ligjërisht me një sistem që paralajmëron shoferët nëse kanë shkelur kufirin e shpejtësisë dhe modelet e reja Renault të shitura nga viti 2022 tashmë i kanë ato.

Renault thotë se Clio i ri do të jetë i disponueshëm me një pajisje automatike kufizuese të shpejtësisë, kryesisht për shkak të popullaritetit të tij në mesin e shoferëve të rinj.

Kufizimi i shpejtësisë maksimale do të jetë në 109 km në orë. Por ky sistem nuk vjen falas, çmimi i instalimit të tij është 59 euro .

Continue Reading

Teknologji

Përditësohet ChatGPT, cilat do të jenë ndryshimet

Published

on

OpenAI ka njoftuar për përditësimin më të ri. Prej 10 prillit, përdoruesit e këtij roboti virtual me inteligjencë artificiale kërkojnë përmbledhje të bisedave të mëparshme.

Mjafton t’i thoni “Ma kujto çka kemi folur gjatë kësaj jave”, dhe aplikacioni i OpenAI do t’i kthejë të renditura.

Kompania amerikane njoftoi se kjo do të mundësojë që roboti virtual të jetë më i personalizuar.

“Duke nisur nga dje, memoria në ChatGPT mund t’i referohet të gjitha bisedave tuaja të mëparshme, për të të ofruar përgjigje më të personalizuara. Kjo do ta bëjë më të dobishëm për ty në shkrim, marrje këshillash, mësim dhe të tjera duke u bazuar në preferencat dhe interesat e tua”, thuhet në njoftimin e OpenAI në X.

Continue Reading

Të kërkuara