Kronikë e zezë

Gjykimi për vrasjen e Oliver Ivanoviqit nis me shqetësimet e avokatit për prolongim të rastit

Në këtë seancë gjyqësore pritet të dëshmojnë disa dëshmitarë.

Published

4 years ago

on

Në Gjykatën Themelore në Prishtinë ka nisur seanca gjyqësore ndaj të akuzuarave në lidhje me vrasjen e politikanit serb të Kosovës, Oliver Ivanoviq.

Me të filluar seanca, Mahmut Halimi, avokati i të akuzuarit, Marko Roshiq, tha se rasti po prolongohet edhe shprehu shqetësime për ndonjë prapavijë.

“Asnjë anëtarë i dëmtuarit të familjes nuk është prezent për shkaqe të COVID 19, derisa tash salla është e mbushur me medie. Nesër klienti im i bënë tri vjet që qëndron në burg dhe këtu po bëhet një prapavijë këtu”, tha ai.

Por gjyqtari, Valon Kurtaj, tha se nëse ka hamendësime të tilla të drejtohet në organet kompetente dhe nëse po e bënë vetëm për show, të jap përgjegjësi.

“Nëse ti mendon atë veprim e kemi prokurorinë themelore deri në prokurorinë speciale. Dyert i ke qel. Mirëpo nëse nuk ke ndonjë akt apo provë duhet mbajtur përgjegjësi për deklarimet e caktuara”, tha ai.

Në këtë seancë gjyqësore pritet të dëshmojnë disa dëshmitarë. Me të nis dëshmia e tyre, kryesuesi i trupit gjykues ka kërkuar të ndalen video-incizimi.

Related Topics:
Continue Reading

Lajmet

Policia shqipton mbi 1 mijë e 800 gjoba trafiku brenda 24 orëve të fundit

Published

2 days ago

on

December 8, 2025

By

Policia e Kosovës ka njoftuar se ka shqiptuar 1855 gjoba për kundërvajtësit e trafikut vetëm brenda 24 orëve të fundit.

Brenda kësaj periudhe gjithashtu janë raportuar 22 aksidente trafiku me dëme materiale, kurse 9 aksidente trafiku kanë përfunduar me të lënduar.

Policia e Kosovës po ashtu arrestuar 5 persona nga të cilët 3 janë dërguar në mbajtje./S.K/PK/

Continue Reading

Lajmet

Gjendet e vdekur gruaja që u raportua e zhdukur në Klinë

Published

2 days ago

on

December 8, 2025

By

Policia e Kosovës ka njoftuar se një grua e cila ishte raportuar e zhdukur në Klinë është gjetur e vdekur skaj lumit Bistricë.

Policia në raporton 24 orësh ka njoftuar se me urdhër të prokurorit të rastit, trupi është dërguar në Institutin e Mjekësisë Ligjore për obduksion, ndërkohë që vdekja e saj po hetohet.

Njoftimi i plotë zyrtar:

“Është raportuar se me 07.12.2025 rreth orës 13:15 nga njësitë policore skaj lumit Bistrica, gjatë kërkimit është gjetur  viktima e rastit e cila është raportuar e zhdukur. Vdekjen e viktimës e ka konstatuar mjeku, ndërsa trupi i pajetë i viktimës me urdhër të prokurorit është dërguar në IML për obduksion”, thuhet në raportin e Policisë së Kosovës./S.K/PK/

Continue Reading

Lajmet

Arratisen tre persona nga Qendra Edukuese Korrektuese në Lipjan, kapen nga policia

Published

2 days ago

on

December 8, 2025

By

Policia e Kosovës ka njoftuar se tre persona janë arratisur nga Qendra Edukuese Korrektuese në Lipjan mbrëmjen e së dielës, por që janë kapur nga policia dhe janë kthyer sërish në qendër.

Njoftimi i plotë zyrtar:

“Qendra Edukuese Korrektuese, Lipjan / 07.12.2025 – 20:25. Është raportuar se tre persona meshkuj kosovarë janë arratisur. Lidhur me rastin njësitë policore kanë arritur që ti kapin të arratisurit, të cilët janë kthyer përsëri në këtë qendër”, thuhet në raportin 24 orësh të Policisë së Kosovës./S.K/PK/

Continue Reading

Lajmet

​Dogana konfiskon një sasi barnash të rrezikshme për shëndetin e qytetarëve

Published

5 days ago

on

December 5, 2025

By

Njësitë Antikontrabandë të Doganës së Kosovës, gjatë një kontrolli të realizuar në një barnatore në Prishtinë, kanë zbuluar një sasi të konsiderueshme të barnave të ndryshme me banderola të shteteve të huaja.

Këto produkte nuk janë importuar përmes zinxhirit zyrtar të furnizimit dhe nuk figurojnë të jenë futur në Kosovë nëpërmjet procedurave ligjore doganore.

Barnat e gjetura përbëjnë rrezik serioz për shëndetin e qytetarëve, pasi origjina, cilësia dhe kushtet e ruajtjes së tyre nuk janë të garantuara sipas standardeve të kërkuara, thuhet në njoftim.

Dogana e Kosovës ka sekuestruar të gjitha produktet dhe ka iniciuar procedurat ligjore ndaj subjektit përgjegjës.

Kontrollet do të vazhdojnë pa ndërprerje me qëllim të mbrojtjes së shëndetit publik dhe parandalimit të qarkullimit të produkteve ilegale në treg./S.K/KP/

Continue Reading

Të kërkuara