Lajmet

Gjykata më e lartë evropiane: Turqia të ndryshojë ligjin për fyerjen e presidentit

Vitin e kaluar, mbi 3000 raste rezultuan me dënime, sipas Ministrisë së Drejtësisë.

Published

on

Gjykata më e lartë evropiane për të drejtat e njeriut i bëri thirrje Turqisë sot të ndryshojë një ligj në lidhje me fyerjen e presidentit, sipas të cilit dhjetëra mijëra janë ndjekur penalisht, pasi vendosi se ndalimi i një personi sipas këtij ligjit shkel lirinë e shprehjes, transmeton UBT News.

Vedat Sorli u dënua me 11 muaj burg me kusht në 2017 për një karikaturë dhe një fotografi të Presidentit të Turqisë, Rexhep Tajip Erdogan, që ai ndau në Facebook, së bashku me komentet satirike dhe kritike.

Procedimet penale kundër Vedat Sorlit ishin “të papajtueshme me lirinë e shprehjes”, shtoi gjykata.

Mijëra janë akuzuar dhe dënuar për fyerje ndaj presidentit Erdogan, që nga koha kur ai kaloi nga kryeministër në president.

Në vitin 2020, 31,297 hetime u nisën në lidhje me këtë, 7,790 raste u ngritën dhe 3,325 rezultuan me dënime, sipas të dhënave të Ministrisë së Drejtësisë.

Që nga viti 2014 kur Erdogan u bë president, 160,169 hetime filluan për fyerjen ndaj presidentit, u ngritën 35,507 raste dhe kishte gjithsej 12.881 dënime.

Në fillim të këtij viti, një gjykatë dënoi politikanin pro-kurd, Selahattin Demirtas, me 3-1/2 vjet për fyerjen e Erdoganit, një nga dënimet më të gjata për këtë krim, sipas avokatit të Demirtas.

Konventa Evropiane për të Drejtat e Njeriut tha se ligji i Turqisë për fyerjen e presidentit i jep kreut të shtetit një status të privilegjuar mbi përcjelljen e informacionit dhe opinionit rreth tyre.

Ai tha se ligji duhet të ndryshohet për të siguruar që njerëzit të kenë lirinë për të mbajtur mendime dhe për të dhënë ide pa ndërhyrjen e autoriteteve./UBTNews/

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Lajmet

Osmani takohet me presidentin e Senegalit

Published

on

By

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Continue Reading

Lajmet

​Arrestohet një i dyshuar për sulm seksual ndaj një të miture në Podujevë

Published

on

By

Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.

Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP

Continue Reading

Lajmet

​Nis Superliga e Kosovës në futsall këtë fundjavë

Published

on

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/

Continue Reading

Të kërkuara