Kronikë e zezë

Gjykata masë paraburgimi për të pandehurin për veprën penale trafikim me njerëz

Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit.

Published

4 years ago

August 3, 2022

UBT.News

Gjykata Themelore në Gjilan ka njoftuar se ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurit V. A, për shkak se dyshohet se ka trafikuar për qëllime të shfrytëzimit seksual të dëmtuarën/viktimën, me të meta psiqike.

“Ekziston dyshimi i bazuar se i pandehuri e ka trafikuar për qëllime të shfrytëzimit seksual të dëmtuarën/viktimën, me të meta psiqike, në atë mënyrë që e njëjta të ofrojë shërbime seksuale me pagesë personave të ndryshëm. Fillimisht duke e josh për lidhje dashurie me premtimin për martesë dhe pastaj të njëjtën e ka shfrytëzuar duke i siguruar klientë për shërbime seksuale në këmbim të pagesës. Me këto veprime i pandehuri dyshohet se ka kryer veprën penale trafikim me njerëz, vepër e sanksionuar me Kodin Penal të Republikës së Kosovës (KPRK). Gjyqtari i procedurës paraprake ka vlerësuar se qëndrojnë arsyet ligjore për caktimin e masës së paraburgimit ndaj të pandehurit, pasi që masat tjera alternative do të ishin të pamjaftueshme në këtë fazë të procedurës penale”, thuhet në njoftimin e Gjykatës Themelore të Gjilanit.

Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit.

Related Topics:paraburgim Gjykata Themelore në Gjilan

Up Next

Tenderi për uniformat e policisë, hetuesia siguron dëshmi për mashtrim

Don't Miss

Sulmon rojet e pyllit, arrestohet një person në Kaçanik

Kronikë e zezë

Tri raste për dhunë në familje në 24 orët e fundit në Kosovë

Published

1 day ago

February 6, 2026

ubtnews

Policia e Kosovës ka arrestuar tre persona në tri raste të ndryshme për dhunë në familje gjatë 24 orëve të fundit.

Në Pejë, është arrestua një burrë nën dyshimin për dhunë psikike dhe fizike ndaj viktimës grua.

“Është arrestuar i dyshuari kosovar nën dyshimin se i njëjti ka ushtruar dhunë psikike dhe fizike ndaj viktimës femër kosovare”, thuhet në Raportin e fundit të Policisë së Kosovës.

Asaj i është ofruar tretman mjekësor në Spitalin e Pejës.

I dyshuari pas intervistimit, në konsultim me prokurorin është liruar në procedurë të rregullt.

Policia e Kosovës, në Malishevë ka arrestuar një burrë nën dyshimin se ka ushtruar dhunë fizike dhe psikike ndaj viktimës grua.

Gjatë arrestimit të dyshuarit, Policia njofton se ai ka qenë i dhunshëm dhe ka lënduar dy zyrtarë policor.

“Gjatë arrestimit i dyshuari ka qenë i dhunshëm ku si pasojë dy zyrtarë policor kanë pësuar lëndime. Lidhur me rastin zyrtarët policor kanë pranuar tretman mjekësor, ndërsa i dyshuari është dërguar në QKUK në repartin e psikiatrisë për tretman”, sipas raportit të Policisë.

Lidhur me rastin zyrtarët policor kanë pranuar tretman mjekësor, ndërsa i dyshuari është dërguar në QKUK në repartin e psikiatrisë për tretman.

Në Mitrovicën e Jugut, Policia ka arrestuar një person si të dyshuar për sulm fizik ndaj një burri tjetër dhe një gruaje.

Rasti ka ndodhur më 05.02.2026.

Me vendim të prokurorit i dyshuari është dërguar në mbajtje.

Kronikë e zezë

Arrestohet një person në Prizren, për lëndime të renda trupore

Published

1 day ago

February 6, 2026

ubtnews

Një burrë është arrestuar në Prizren, pasi që dyshohet se i kishte shkaktuar lëndime të rënda trupore viktimës burrë, sipas Raportit të fundit të Policisë së Kosovës.

Viktima është dërguar për tretman mjekësor në Spitalin e Prizrenit, ndërsa Policia gjatë një kontrolli në shtëpinë e të dyshuarit ka gjetur dhe konfiskuar një pistoletë.

“Është arrestuar i dyshuari mashkull kosovar pasi që dyshohet se i kishte shkaktuar lëndime të rënda trupore viktimës mashkull kosovar. Viktima është dërguar në Spitalin e Prizrenit për tretman mjekësor”, sipas Raportit të Policisë.

I dyshuari me vendim të prokurorit është dërguar në mbajtje.

Kronikë e zezë

Në Fushë Kosovës arrestohet një e dyshuar pasi goditi me veturë një këmbësor

Published

1 day ago

February 6, 2026

ubtnews

Në Raportin njëditor të Policisë së Kosovës raportohet se një grua është arrestuar, pasi e njëjta ka goditur me veturë një person si shkak i pakujdesisë.

Viktima ka pësuar lëndimi trupore, sipas Policisë.

Ndërsa, e dyshuar me vendim të prokurorit është arrestuar dhe dërguar në mbajtje.

“Vozitësja femër kosovare me veturë, nga pakujdesia dyshohet se ka goditur këmbësorin mashkull kosovar, i cili si pasojë ka pësuar lëndime trupore. Me vendim të prokurorit, e dyshuara është arrestuar dhe dërguar në mbajtje”, sipas Raportit 24-orësh.

Kronikë e zezë

Ferizaj: Arrestohet i dyshuari për kanosje të një gruaje

Published

1 day ago

February 6, 2026

ubtnews

Një burrë është arrestuar në Ferizaj, nën dyshimin se kishte kanosur viktimën grua, sipas Raportit 24 orësh të Policisë së Kosovës.

I dyshuari me vendim të prokurorit është dërguar në mbajtje.

Rasti ka ndodhur më 05.02.2026 rreth orës 07:00

“Është arrestuar i dyshuari kosovar nën dyshimin se i njëjti ka kanosur viktimën femër kosovare. Me vendim të prokurorit, i dyshuari është dërguar në mbajtje”, thuhet në Raportin e Policisë.

Në raportin e Policisë ky rast është regjistruar për veprën penale-kanosje.