Lajmet

Gjykata gjermane dënon me burgim të përjetshëm ish-kolonelin sirian për krime kundër njerëzimit

Bëhet fjalë për ish-kolonelin, Anwar Raslan.

Published

3 years ago

on

Në një vendim historik në Gjermani, një ish-kolonel sirian – që drejtonte Drejtorinë e Përgjithshme të Inteligjencës të Sirisë – është dënuar me burgim të përjetshëm pasi u shpall fajtor për krime kundër njerëzimit.

Ky është procesi i parë i tillë në botë që lidhet me abuzimet e kryera nga regjimi i Bashar al-Assad.

Anwar Raslan, 58 vjeç, një ish-kolonel që dezertoi 10 vjet më parë, u implikua në vrasjen e dhjetëra njerëzve dhe torturimin e mijërave në një qendër paraburgimi pranë Damaskut.

Vendimi i gjykatës në Koblenz është hapi i parë drejt drejtësisë për shumë sirianë që pësuan abuzime nga qeveria siriane.

Gati 11 vjet pas fillimit të kryengritjes popullore në Siri, gjyqi i Koblenzit ka qenë hera e parë që një gjykatë ka shqyrtuar krimet që i atribuohen regjimit sirian dhe që janë dokumentuar shumë herë nga aktivistë sirianë dhe OJQ.

Prokurorët federalë pretenduan se Raslan ishte oficeri i lartë në krye të burgut dhe mbikëqyrte “torturën sistematike dhe brutale” të më shumë se 4,000 të burgosurve midis prillit të vitit 2011 dhe shtatorit të vitit 2012, duke rezultuar në vdekjen e të paktën 58 personave.

Gjykata dëgjoi prova që implikonin Raslan në 30 prej atyre vdekjeve. Një pjesë kryesore e provave kundër tij ishin fotografitë e viktimave të supozuara të torturës të kontrabanduara nga Siria nga një ish-oficer policie.

Më shumë se 80 dëshmitarë dhanë dëshmi, duke përfshirë viktima të shumta që ekspozuan keqtrajtimin e të burgosurve të lidhur në kushte josanitare në qendrën e fshehtë të paraburgimit – duke përfshirë trajtimin me goditje elektrike, kamxhik dhe rrahje.

Disa dëshmitarë refuzuan të jepnin dëshmi, ndërsa të tjerë u maskuan nga frika e hakmarrjeve kundër të afërmve të tyre ende në Siri./UBTNews/

Related Topics:
Continue Reading

Lajmet

Osmani pas takimit me Rutte: Riafirmuam partneritetin tonë me Aleancën më të fuqishme të sigurisë në botë

Published

3 hours ago

on

March 11, 2025

By

Presidentja e Kosovës, Vjosa Osmani, pas takimit me shefin e NATO’s, Mark Rutte, ka thënë se kanë riafirmuar partneritetin me Aleancën.

Osmani ka thënë se synimi i Kosovës është anëtarësimi në NATO.

“Kosova në NATO nuk është vetëm përcaktim strategjik – por domosdoshmëri për paqen. Në takim me Sekretarin e Përgjithshëm të NATO-s, Mark Rutte, riafirmuam partneritetin tonë me Aleancën më të fuqishme të sigurisë në botë. Si vend që ka tejkaluar objektivin e NATO-s për investime në mbrojtje prej 2% të GDP-së dhe po ndërton një forcë moderne të sigurisë, në përputhje me standardet e Aleancës, synimi ynë është i qartë: anëtarësimi në NATO si një kontribuues i palëkundur për sigurinë rajonale dhe globale”, ka shkruar ajo.

Continue Reading

Lajmet

Sekretari Rutte pritet nga Kurti

Published

4 hours ago

on

March 11, 2025

By

Kryeministri i Kosovës, Albin Kurti, ka pritur në takim Sekretarin e Përgjithshëm të NATO-s, Mark Rutte.

Rutte është takuar me Kurtin pas takimi dhe konferencës që ka mbajtur me presidenten Vjosa Osmani.

Takimi i Kurtit me Rutte është duke u zhvilluar në objektin e Qeverisë.

Continue Reading

Lajmet

​“Palët duhet të bëjnë kompromise”, Rutte për dialogun Kosovë-Serbi

Published

4 hours ago

on

March 11, 2025

By

Shefi i NATO-s, Mark Rutte tha se do të vazhdojnë të mbështesin procesin e normalizimit të marrëdhënieve mes Kosovës dhe Serbisë.

“Për ta shtyrë përpara këtë dialog, të dyja palët duhet të bëjnë kompromise. Kjo kërkon vendime të vështira, normalizomi sjell stabilitet më të madh dhe siguri me afatgjatë për gjithë rajonin. Ky është mesazhi që unë do të vazhdojë te theksojë para të gjitha palëve në rajon“, tha Rutte të martën në konferencë për media me presidenten e Kosovës, Vjosa Osmani.

“Prania e sotme këtu është një demonstrim i qartë i përkushtimit për siguri afatgjatë në Kosovë. NATO ka mbështetur paqen dhe stabilitetin në Ballkanin Perëndimor. Ekipet e ndërlidhjes së KFOR-it vazhdojnë të mbështesin institucionet e tjera të sigurisë. Një rajon më i sigurt nënkupton më shumë siguri për zonën e NATO-s. NATO do të vazhdojë të luaj rolin e vet, këtë e bëjmë në bashkërendim me Policinë dhe Eulexin”, tha ai.

Continue Reading

Lajmet

​“Palët duhet të bëjnë kompromise”, Rutte për dialogun Kosovë-Serbi

Published

4 hours ago

on

March 11, 2025

By

Shefi i NATO-s, Mark Rutte tha se do të vazhdojnë të mbështesin procesin e normalizimit të marrëdhënieve mes Kosovës dhe Serbisë.

“Për ta shtyrë përpara këtë dialog, të dyja palët duhet të bëjnë kompromise. Kjo kërkon vendime të vështira, normalizomi sjell stabilitet më të madh dhe siguri me afatgjatë për gjithë rajonin. Ky është mesazhi që unë do të vazhdojë te theksojë para të gjitha palëve në rajon”, tha Rutte të martën në konferencë për media me presidenten e Kosovës, Vjosa Osmani.

“Prania e sotme këtu është një demonstrim i qartë i përkushtimit për siguri afatgjatë në Kosovë. NATO ka mbështetur paqen dhe stabilitetin në Ballkanin Perëndimor. Ekipet e ndërlidhjes së KFOR-it vazhdojnë të mbështesin institucionet e tjera të sigurisë. Një rajon më i sigurt nënkupton më shumë siguri për zonën e NATO-s. NATO do të vazhdojë të luaj rolin e vet, këtë e bëjmë në bashkërendim me Policinë dhe Eulexin”, tha ai.

Continue Reading

Të kërkuara