Lajmet

Gjoka: MAShTI është vonuar me vendimin për subvencionim të teksteve shkollore, do të ketë vonesa në furnizim

Published

on

Kryesuesi i Kolegjiumit të Arsimit në kuadër të Asociacionit të Komunave të Kosovës, Muhamet Gjoka, ka thënë se Ministria e Arsimit është vonuar me vendimin që edhe këtë vit të vazhdohet me subvencionimin e teksteve shkollore.

Ai ka thënë se duke marr parasysh se si ka shkuar ky proces vitin e kaluar ku subvencionim ka vazhduar deri në maj të këtij viti, ka rrezik që nxënësit nuk do të mund t’i sigurojnë tekstet shkollore më 2 shtator, kur edhe pritet që të fillojë viti i ri shkollorë 2024-2025.

Ai ka thënë se në takimin që kanë mbajtur të martën me ministren e Arsimit, kanë shprehur shqetësimin për këtë çështje.

“Ne sot patëm një takim në MAShT, ku në kuadër të pikave të rendit të ditës ishte edhe përgatitja për fillimin e vitit të ri shkollor. Në këtë pik është diskutuar dhe është kumtuar informata që edhe këtë vit do të shkohet me subvencionim të teksteve shkollore. Ne në cilësinë e kryesuesit të Kolegjiumit të Arsimit, e shprehem shqetësimin tonë për vonesën në këtë proces, marr parasysh faktin kohën e shkurtër të fillimit të vitit të ri shkollorë dhe përvojën e vitit paraprak ku subvencionimi ka vazhduar me muaj të tërë deri ne maj të këtij viti. Ne e kemi ngritur si shqetësim dhe e konsiderojmë që jemi vonë për shkak se edhe në takimin e fundit në MAShT që kemi mbajtur në qershor si Kryesues i Kolegjiumit kemi kërkuar që të kryhen të gjitha procedurat që furnizim me tekste shkollore me rastin e fillimit të viti të ri shkollor nxënësit ti kenë tekste shkollore pa dashur me paragjykuar formën, mënyrën qoftë shpërndarjen në shkolla, apo subvencionimin e teksteve shkollore”, ka thënë ai.

Gjoka ka thënë se si Asociacion pas këtij vendimi kanë marr ankesa edhe nga prindërit për kohën e shkurtër që është vendos që edhe këtë vit do të bëhet subvencionimi i teksteve shkollore.

“Sigurisht që procesi ka pasur shumë sfida, sfidat kanë qenë evidente dhe dyshojmë që Ministria në rastin konkret do të jep përgjigje të gjitha sfidave dhe nuk do të ketë vonesa në furnizim me tekste shkollore. Marr parasysh kohën e shkurtër konsiderojmë që jemi jashtëzakonisht vonë dhe marr parasysh kompleksitetin e procesit, sepse sfidat janë të ndryshme ne vetëm kemi filluar që të marrim ankesa, ose informatë prej prindërve, për formën për mënyrën dhe konsiderojmë që kjo do të zvarrit procesin e furnizimit më tekste shkollore”, ka thënë ai.

Ai ka shtuar se kjo formë e furnizimit me libra shkollorë nuk ka qenë forma e duhur, marr parasysh vonesat në furnizim vitin e kaluar.

“Ministria është në dijeni për sfidat për problemet sepse janë përcjellë edhe në MAShTI. Komunat kanë mbajtur statistika për të përcjellë procesin e furnizimit me tekste shkollore. Sa i përket formës së subvencionimit me vetë fakti që ka pasur vonesë në furnizim vitin e kaluar dhe subvencionimi ka vazhduar deri në maj të këtij vitit tregon që nuk ka qenë forma e duhur apo të paktën përgatitjet nuk janë bërë të duhura që furnizim me tekste shkollore të jetë me 1 shtator me rastin e fillimit të viti të ri shkollor”, ka thënë ai./EO/

Lajmet

Lewandowski lë pas Neymarin me rekord të ri golash pas ndeshjes me Celta Vigo

Published

on

Barcelona ka regjistruar fitore te Celta Vigo, në kuadër të xhiros së 12-të në La Liga, ku sulmuesi polak Robert Lewandowski si rezultat ka kaluar Neymarin në listën e golashënuesve më të mirë në historinë e Barcelonës.

Lewandowski ishte tashmë i barabartë me Neymarin me nga 105 gola për Barcelonën para ndeshjes kundër Celta Vigos.

Në atë takim, ai shënoi tre herë, duke arritur në kuotën e 108 golave me fanellën “blaugrana”.

Lewandowski iu bashkua Barcelonës në verën e vitit 2022 dhe që atëherë ka fituar dy tituj të La Ligës.

Edhe pse po i afrohet moshës 40-vjeçare, ai vazhdon të tregojë formë të lartë dhe mbetet një nga lojtarët më vendimtarë të skuadrës së Hansit Flick, edhe pse thuhet se mund të largohet në verë, me Barcelonën që po shikon disa opsione, një nga ta edhe Fisnik Asllani i Hoffenheimit./S.K/UBTNews/

Continue Reading

Lajmet

Tifozët e Sunderlandit i këndojnë Xhakës pas barazimit me Arsenalin

Published

on

Sunderland bëri një tjetër paraqitje të mirë në Premierligë, duke e barazuar rezultatin me liderin aktual, Arsenalin.

Futbollisti që e ka marrë tërë vëmendjen te “Macet e Zeza” është pa dyshim Granit Xhaka, i cili me paraqitjet e tij fantastike ka bërë që ai të shndërrohet në futbollistin e preferuar të gjithë tifozëve të Sunderland.

Madje dje pas ndeshjes, tifozët edhe i kënduan këngë Xhakës, duke kënduar njëzëri “Sepse ne e kemi Granit Xhakën”./S.K/KP/

Continue Reading

Lajmet

Senati çon përpara projektligjin që mund të hapë Qeverinë amerikane

Published

on

Senati amerikan e ka çuar përpara një projektligj që synon hapjen e Qeverisë së Shteteve të Bashkuara, dhe përfundimin e mbylljes 40-ditore që ka prekur pagat e shumë punëtorëve federalë, dhe i ka vonuar ndihmat ushqimore.

Senatorët e kanë miratuar një projektligj të miratuar nga Dhoma e Përfaqësuesve, i cili do të amandamentohet për ta financuar Qeverinë deri më 30 janar, dhe përfshin një paketë të tri projektligjeve për financim të agjencive federale.

Nëse Senati e miraton dokumentin me ndryshime, ai duhet të miratohet sërish nga Dhoma e Përfaqësuesve dhe duhet t’i dërgohet presidentit amerikan, Donald Trump për nënshkrim, proces që mund të marrë disa ditë.

Nën marrëveshjen e arritur me disa demokratë, që janë ndarë nga partia për këtë çështje, republikanët janë pajtuar të votojnë në dhjetor për t’i vazhduar subvencionet për sigurimet shëndetësore për një kategori të shoqërisë.

Këto subvencione, të cilat u ndihmojnë amerikanëve me të ardhura të ulëta për të paguar sigurim shëndetësor privat, skadojnë në fund të vitit, dhe kanë qenë në krye të betejës së demokratëve për financim të Qeverisë.

Dokumenti ka përparuar me votim të thjeshtë, gjithsej 60 vota.

“Duket se jemi shumë afër përfundimit të mbylljes së Qeverisë”, u ka thënë Trump gazetarëve në Shtëpinë e Bardhë para se të mbahej votimi.

Projektligji do t’ua pamundësonte agjencive federale që të largonin nga puna punëtorë deri më 30 janar, një fitore kjo për sindikatat e punëtorëve dhe aleatët e tyre.

Kur senatorët të mblidhen të hënën, liderët republikanë do të tentojnë të arrijnë marrëveshje dypartiake për t’i shmangur disa rregulla të Senatit dhe për ta çuar përpara në shpejtësi projektligjin.

Përndryshe, Senatit do t’i duhet edhe java tjetër për t’i përmbushur të gjitha procedurat para votimit përfundimtar, që do t’i jepte fund mbylljes fundjavën tjetër.

Nëse Qeveria amerikane do të mbetet e mbyllur për një periudhë më të gjatë, rritja ekonomike mund të marrë drejtim negativ në çerekun e katërt, sidomos nëse trafiku ajror nuk i kthehet normalitetit deri për Festën e Falënderimeve, sipas këshilltarit ekonomik të Shtëpisë së Bardhë, Kevin Hasset.

Festa e Falënderimeve shënohet këtë vit më 27 nëntor./S.K/EO/

Continue Reading

Lajmet

Zyra e BE-së ka mirëpritur zhvillimin e rregullt të zgjedhjeve në Kosovë

Published

on

Zyra e Bashkimit Evropian në Kosovë, ka mirëpritur zhvillimin e procesit zgjedhor në Kosovës.

Në njoftimin e Zyrës, Ushtruesja e Detyrës së Ambasadorit të BE-së në Kosovë, Eva Palatova, mirëpriti zhvillimin e rregullt dhe gjithëpërfshirës të raundit të dytë të zgjedhjeve për kryetarë komunash në 18 komuna të Kosovës.

Në njoftim, po ashtu thuhet se balotazhi i 9 nëntorit shënoi përmbylljen e ciklit të zgjedhjeve lokale, duke e cilësuar atë si një dëshmi të demokracisë në Kosovë.

“Ushtruesja e Detyrës së Ambasadorit të BE-së në Kosovë, Eva Palatova, mirëpriti zhvillimin e rregullt dhe gjithëpërfshirës të raundit të dytë të zgjedhjeve për kryetarë komunash në 18 komuna të Kosovës që shënoi përmbylljen e ciklit të zgjedhjeve lokale, duke e cilësuar atë si një dëshmi të demokracisë në Kosovë”./S.K/EO/

Continue Reading

Të kërkuara