Lajmet

Gjoka: MAShTI është vonuar me vendimin për subvencionim të teksteve shkollore, do të ketë vonesa në furnizim

Published

2 years ago

on

Kryesuesi i Kolegjiumit të Arsimit në kuadër të Asociacionit të Komunave të Kosovës, Muhamet Gjoka, ka thënë se Ministria e Arsimit është vonuar me vendimin që edhe këtë vit të vazhdohet me subvencionimin e teksteve shkollore.

Ai ka thënë se duke marr parasysh se si ka shkuar ky proces vitin e kaluar ku subvencionim ka vazhduar deri në maj të këtij viti, ka rrezik që nxënësit nuk do të mund t’i sigurojnë tekstet shkollore më 2 shtator, kur edhe pritet që të fillojë viti i ri shkollorë 2024-2025.

Ai ka thënë se në takimin që kanë mbajtur të martën me ministren e Arsimit, kanë shprehur shqetësimin për këtë çështje.

“Ne sot patëm një takim në MAShT, ku në kuadër të pikave të rendit të ditës ishte edhe përgatitja për fillimin e vitit të ri shkollor. Në këtë pik është diskutuar dhe është kumtuar informata që edhe këtë vit do të shkohet me subvencionim të teksteve shkollore. Ne në cilësinë e kryesuesit të Kolegjiumit të Arsimit, e shprehem shqetësimin tonë për vonesën në këtë proces, marr parasysh faktin kohën e shkurtër të fillimit të vitit të ri shkollorë dhe përvojën e vitit paraprak ku subvencionimi ka vazhduar me muaj të tërë deri ne maj të këtij viti. Ne e kemi ngritur si shqetësim dhe e konsiderojmë që jemi vonë për shkak se edhe në takimin e fundit në MAShT që kemi mbajtur në qershor si Kryesues i Kolegjiumit kemi kërkuar që të kryhen të gjitha procedurat që furnizim me tekste shkollore me rastin e fillimit të viti të ri shkollor nxënësit ti kenë tekste shkollore pa dashur me paragjykuar formën, mënyrën qoftë shpërndarjen në shkolla, apo subvencionimin e teksteve shkollore”, ka thënë ai.

Gjoka ka thënë se si Asociacion pas këtij vendimi kanë marr ankesa edhe nga prindërit për kohën e shkurtër që është vendos që edhe këtë vit do të bëhet subvencionimi i teksteve shkollore.

“Sigurisht që procesi ka pasur shumë sfida, sfidat kanë qenë evidente dhe dyshojmë që Ministria në rastin konkret do të jep përgjigje të gjitha sfidave dhe nuk do të ketë vonesa në furnizim me tekste shkollore. Marr parasysh kohën e shkurtër konsiderojmë që jemi jashtëzakonisht vonë dhe marr parasysh kompleksitetin e procesit, sepse sfidat janë të ndryshme ne vetëm kemi filluar që të marrim ankesa, ose informatë prej prindërve, për formën për mënyrën dhe konsiderojmë që kjo do të zvarrit procesin e furnizimit më tekste shkollore”, ka thënë ai.

Ai ka shtuar se kjo formë e furnizimit me libra shkollorë nuk ka qenë forma e duhur, marr parasysh vonesat në furnizim vitin e kaluar.

“Ministria është në dijeni për sfidat për problemet sepse janë përcjellë edhe në MAShTI. Komunat kanë mbajtur statistika për të përcjellë procesin e furnizimit me tekste shkollore. Sa i përket formës së subvencionimit me vetë fakti që ka pasur vonesë në furnizim vitin e kaluar dhe subvencionimi ka vazhduar deri në maj të këtij vitit tregon që nuk ka qenë forma e duhur apo të paktën përgatitjet nuk janë bërë të duhura që furnizim me tekste shkollore të jetë me 1 shtator me rastin e fillimit të viti të ri shkollor”, ka thënë ai./EO/

Related Topics:
Continue Reading

Lajmet

PDK i kërkon përseri Avni Deharit vazhdimin e seancës konstituive më 20 gusht

Published

1 hour ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

2 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Lajmet

Milot Rashica drejt largimit nga Besiktashi

Published

3 hours ago

on

August 19, 2026

By

Ylli i kombëtares së Kosovës, Milot Rashica, mund t’i japë fund aventurës së tij te Besiktasi, përkundër faktit se ka edhe një vit kontratë aktive me gjigantin nga Stambolli.

Sipas raportimeve nga mediat turke, përfshirë gazetën Milliyet, e ardhmja e anësorit kosovar varet direkt nga lëvizjet e radhës së klubit në afatin kalimtar. Besiktasi po shqyrton mundësinë e transferimit të një tjetër futbollisti në krahun e djathtë të sulmit. Nëse ky transferim realizohet, skuadra do të ketë tre lojtarë të huaj për të njëjtën pozitë, çka do të shtynte drejtuesit të konsiderojnë shitjen e Rashicës.

Drejtuesit e klubit turk janë të kënaqur me paraqitjet e Vaclav Cerny-t, i cili ka përparësi në këtë repart. Prandaj, ardhja e një përforcimi të ri do të rriste ndjeshëm gjasat për ndarjen e rrugëve me kosovarin.

Gjatë periudhës së tij te Besiktasi, Milot Rashica ka lënë gjurmë të rëndësishme duke shënuar 13 gola dhe duke dhuruar 25 asistime në 119 paraqitje zyrtare.

Continue Reading

Lajmet

Mbi 320 raste brenda 24 orëve në QKUK: Të lënduar nga aksidentet, përleshjet dhe armët e ftohta

Published

3 hours ago

on

August 19, 2026

By

Në Qendrën Emergjente të Qendrës Klinike Universitare të Kosovës (QKUK) janë trajtuar gjithsej 321 raste gjatë 24 orëve të fundit.

Sipas raportit të shërbimeve emergjente, nga numri i përgjithshëm i pacientëve, 90 raste janë

menaxhuar në Reanimim, 90 në Emergjencën Internistike, 53 në Emergjencën Kirurgjike dhe 60 pacientë kanë marrë trajtime në Emergjencën Ortopedike. Ndërkaq, në sallën e vogël janë kryer 19 ndërhyrje, kryesisht për qepje, përpunim dhe pastrim të plagëve.

Sa i përket natyrës së lëndimeve, gjatë kësaj periudhe janë regjistruar: 21 persona të lënduar në aksidente trafiku, 1 rast nga përdorimi i armëve të ftohta, 1 person i lënduar në përleshje fizike, 1 rast intoksikimi (helmim).

Përveç kësaj, gjatë këtij 24-orëshi janë realizuar 28 pranime për trajtim të mëtejshëm në klinika të ndryshme të QKUK-së, ndërsa është regjistruar edhe një rast vdekjeje. /A.M/

Continue Reading

Të kërkuara