Sport

​Gjithçka që duhet të dini për formatin e ri të Ligës së Kampionëve

Published

1 year ago

on

Futbolli është gjithmonë në zhvillim dhe kompeticioni më prestigjioz i Evropës, Liga e Kampionëve nuk bën përjashtim nga ky zhvillim. Nga ky sezon, një format i ri do të jetë në lojë pasi UEFA miratoi ndryshimet në maj të vitit 2022.

Është hera e parë që nga viti 1992 që gara elitare evropiane ka pësuar një ndryshim të tillë. Presidenti i UEFA-s, Aleksander Ceferin tha se kualifikimi do të “bazohet në meritat sportive”.

Faza e grupeve të Ligës së Kampionëve është vendosur aktualisht me 32 skuadra në tetë grupe me nga katër – me dy skuadrat e para nga ato grupe që kualifikohen për në 16-shen e fundit.

Megjithatë, ky format do të zëvendësohet nga një tabelë e ligës ku 36 klube do të marrin pjesë në fazën e re të ligës – duke i dhënë shansin katër skuadrave të tjera për të konkurruar. Klubet nuk do të luajnë më tre ekipe dy herë, por do të përballen me tetë skuadra të ndryshme me katër ndeshje në shtëpi dhe katër ndeshje jashtë.

Për të përcaktuar ndeshjet, skuadrat do të renditen në katër vazo dhe secila skuadër do të hidhet në short për të luajtur me dy kundërshtarë nga secila prej këtyre vazove.

Ata do të luajnë një ndeshje kundër një ekipi nga çdo vazo në shtëpi dhe një jashtë. Shorti për fazën e grupeve të këtij sezoni do të hidhet më 29 gusht në Forumin Grimaldi në Monako.

Skuadrat që përfundojnë në tetëshen e parë do të kualifikohen automatikisht në 16-shen e fundit, ndërsa ato që do të renditen nga e nënta deri në vendin e 24-të do të konkurrojnë në një play-off me eliminim me dy ndeshje.

Kushdo që përfundon në vendin e 25-të ose më poshtë do të eliminohet dhe nuk do të hyjë në Europa League. Nga 16-ta e tutje, Liga e Kampionëve do të vazhdojë të ndjekë formatin e saj ekzistues me finalen e zhvilluar në një vend neutral.

Related Topics:
Continue Reading

Lajmet

Kosova ballafaqohet sot me Spanjën për Euro U21

Published

20 hours ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Lajmet

Kosova mposht Suedinë në stadiumin “Fadil Vokrri”

Published

20 hours ago

on

September 9, 2025

By

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Continue Reading

Lajmet

Santos nuk është më trajner i Azerbajxhanit

Published

2 days ago

on

September 8, 2025

By

Azerbajxhani ka ndërprerë kontratën e trajnerit të ekipit kombëtar Fernando Santos me pëlqim të ndërsjellë, tha të hënën federata e futbollit të vendit (AFFA), disa ditë pas humbjes 5-0 ndaj Islandës në një ndeshje kualifikuese për Kupën e Botës ka shkruar Reuters.

Santos, i cili më parë e udhëhoqi Portugalinë drejt fitores në Kampionatin Evropian dhe Ligën e Kombeve, ka mbetur pa fitore në 11 ndeshje që kur mori drejtimin e Azerbajxhanit në qershor 2024, ndërsa pësoi nëntë humbje.

Azerbajxhani pësoi pesë gola brenda gjysmë ore loje, ndërsa u shkatërrua nga Islanda në ndeshjen e tyre të parë të Grupit D në kualifikueset e Kupës së Botës 2026 të premten.

Ayxan Abbasov, trajneri i ekipit U21 të vendit, do të jetë në krye kur Azerbajxhani të përballet me Ukrainën në ndeshjen e tyre të radhës kualifikuese për Kupën e Botës të martën, shtoi AFFA.

Mes kandidatëve për të zëvendësuar Santosin është edhe italiani Gianni De Biasi, i cili ka drejtuar më parë Azerbajxhanin nga korriku 2020 deri në nëntor 2023. Gjatë periudhës së tij, De Biasi grumbulloi 10 fitore, 8 barazime dhe 21 humbje në 39 ndeshje, me 34 gola të shënuar dhe 56 të pësuar./S.K/Reuters/

Continue Reading

Lajmet

​Kosova mëson kundërshtarët për parakualifikueset e Eurobasket 2029

Published

2 days ago

on

September 8, 2025

By

Në Raundin e Parë të Parakualifikimeve të FIBA EuroBasket 2029, Kosova ka mësuar kundërshtarët, ku dardanët do të ballafaqohen me Shqipërinë dhe Sllovakinë.

Dardanët janë shortuar në Grupin C dhe raundi i Parë të Parakualifikimeve të FIBA EuroBasket 2029 zhvillohet në kryeqytetin letonez, Riga.

Raundi do të luhet në tre dritare: nëntor 2025, shkurt 2026 dhe qershor-korrik 2026.

Kualifikimet do të jenë katër kombëtare, tre fitueset e grupeve si dhe vendi i dytë më i mirë./S.K/KP/

Continue Reading

Të kërkuara