Sport

Gjinden 250 varre në pronën e yllit të Barcelonës

Tani do të duhet të kryhen studime për të përcaktuar se nga cili shekull janë varret.

Published

2 years ago

November 1, 2022

UBT news

Dyqind e pesëdhjetë varre janë gjetur në një nga pronat e yllit të Barcelonës Gerard Pique në Spanjë.

Mbrojtësi i Barcelonës, i cili njihet për disa lidhje biznesore jashtë futbollit, ka investuar në një projekt për ndërtimin e një hoteli luksoz në Malaga.

Pique shpenzoi rreth 20 milion dollarë për të blerë pronën e vendosur në Costa del Sol.

Megjithatë, projekti është ndalur pasi është hasur në një pengesë të papritur.

Sipas gazetës spanjolle “Marca”, 250 varre janë gjetur në këtë pronë dhe se tani do të duhet të kryhen studime për të përcaktuar se nga cili shekull janë varret.

“Ne kemi gërmuar dhe kemi gjetur rreth 250 varre, shumica dërrmuese e të cilave janë bosh”, shpjegoi arkeologu Alberto Cumpian për Hoy por hoy Malaga.

Cumpian shtoi se nuk pritet të ketë ndonjë vonesë të mëtejshme pasi të ishin studiuar varret dhe se projekti i hotelit të Pique do të mund të rifillonte në fillim të vitit 2023.

Pique po planifikon qartë jetën e tij pas pensionimit të tij nga futbolli. 35-vjeçari është nën kontratë me Barcelonën deri në verën e vitit 2024, por është folur për largimin e mbrojtësit nga klubi katalanas para përfundimit të marrëveshjes së tij.

Pique ka humbur vendin e tij në formacionin startues të Barcelonës, por mbetet një nga lojtarët më të paguar në klub.

Sipas raportimeve në Spanjë, mbrojtësi veteran thuhet se po shqyrton të ardhmen e tij dhe mund të kërkojë një largim nga Nou Camp në afatin kalimtar të janarit.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.