Lajmet

Gjimnazi ‘UBT’, me konceptin Classroom 3.0, hap regjistrimet

Regjistrimet për klasën e X për vitin shkollor 2021/2022.

Published

5 years ago

August 5, 2021

Betim Gashi

Gjimnazi ‘UBT’, një model ekselent mësimor, i cili kombinon mësimdhënien kurrikulare me teknologjinë e informacionit – Classroom 3.0, do të hapet në shtator të këtij viti.

Përmes ofrimit të një arsimi të gjerë, të bazuar në dije e të orientuar në gjeneratën e ardhshme të teknologjisë, gjimnazi ‘UBT’ do t’u mundësojë nxënësve që t’i zbulojnë pikat e tyre të forta dhe të arrijnë standardet më të larta.

Përfundimin e Gjimnazit ‘UBT’ nxënësit do ta kurorëzojnë me shumë njohuri të fituara, aftësi të zbuluara e kualifikime të arritura, me të cilat do ta ndërtojnë suksesshëm të ardhmen e tyre.

Presidenti dhe themeluesi i UBT-së, prof.dr Edmond Hajrizi, ka thënë me këtë rast se synimi i Gjimnazit ‘UBT’ është që të nxis zhvillimin e talentit të nxënësve dhe të eksplorojë potencialin e tyre, në mënyrë që ata pasi ta kenë përfunduar këtë cikël mësimor të jenë të gatshëm të përdorin mundësitë e pakufizuara që na ofron e ardhmja.

“Me këtë model të shkollimit ne do t’ua bëjmë të mundur nxënësve të gjimnazit tonë që të realizojnë imagjinatën e tyre e cila i ka ndjekur ata çdo ditë, nga lindja e diellit e deri në perëndim të tij, secilën natë plot ëndrra e secilin mëngjes plot shpresë – duke ua përmbushur synimet e tyre e hapur derën e suksesit”, theksoi Hajrizi.

Një ambient frymëzues, me mësimdhënës të mirëkualifikuar, të dëshmuar e inovativ, me klasa moderne e praktike, me hapësira të veçanta për argëtim, edukimin fizik e mësimin praktik, Gjimnazin ‘UBT’ e bëjnë unik e të pakonkurrencë në ndërtimin e gjeneratës së artë të Kosovës.

Classroom 3.0 do të jetë një fushë e veçantë e fokusit të gjimnazit tonë për të nxitur dhe zhvilluar talentët e rinj, duke kërkuar përsosmërinë edhe jashtë aktivitetit të rregullt mësimor.

Gjimnazi ‘UBT’ krahas mësimit kurrikular u mundëson nxënësve që të punojnë edhe në projekte të veçante, në aktivitete jashtëshkollore, të angazhohen në ngjarje të ndryshme e të zhvillojnë talentet e tyre në laboratorët e ndryshme të Parkut Shkencor e Inovativ të UBT-së.

Pishinë noti e ushtrimesh fizike, salla tenisi e fusha futbolli, basketbolli e volejbolli, laboratorë mjekësorë e sera të veçanta të prodhimeve bio ushqimore, do të krijojnë momente të paharrueshme e atmosferë të papërshkrueshme pozitive e frymëzuese për secilin nxënës.

Gjimnazi ‘UBT’ do të jetë i bazuar në shkollat më të mira evropiane dhe amerikane duke gërshetuar brenda një sistemi përvojat më të mira.

Për informacione më të hollësishme rreth Gjimnazit ‘UBT’ ju lutem klikoni në linkun: Gjimnazi UBT

Ndërkaq për të bërë aplikimin vizitoni linkun: Apliko – Gjimnazi UBT

Lajmet

Tensione te Kuvendi për ndryshimet në ligjin për Specialen

Published

9 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Lajmet

Përfundon takimi mes Kurtit dhe Hamzës

Published

10 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Lajmet

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

10 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/