Sport

Gjermania shpallet kampione e EuroBasket 2025

Published

12 months ago

on

Gjermania është përsëri skuadra më e fortë në Evropë pas 32 vitesh, duke fituar titullin e dytë evropian. Të dielën në Riga, skuadra gjermane mposhti Turqinë 88-83 në finalen e EuroBasket 2025, pas një ndeshjeje të mbushur me emocione dhe përmbysje.

Turqia udhëhoqi për pjesën më të madhe të takimit, por në momentet vendimtare u shfaq kapiteni Dennis Schröder. Ylli i Sacramento Kings në NBA shënoi gjashtë pikët e fundit të Gjermanisë dhe e mbylli ndeshjen me 16 pikë e 12 asistime, duke u shpallur edhe Lojtari më i Vlefshëm (MVP) i turneut.

Isaac Bonga, ish-lojtar i Los Angeles Lakers, ishte më i miri në sulm për gjermanët me 20 pikë. “E kupton sa shumë punon për këtë. Si fëmijë, ëndërron të shënosh në një ndeshje të tillë,” tha ai për RTL, duke mos fshehur emocionet.

Presidenti i Federatës Gjermane të Basketbollit, Ingo Weiss, e cilësoi suksesin si të jashtëzakonshëm: “Djemtë e donin vërtet dhe luftuan deri në fund. Ky ekip është yll.”

Ky është trofeu i dytë i EuroBasket-it për Gjermaninë, pas triumfit të parë në vitin 1993. Skuadra kishte arritur në finale edhe në vitin 2005, por u mposht atëherë.

Finalen e ndoqi nga afër presidenti Frank-Walter Steinmeier, ndërsa kancelari Friedrich Merz e përgëzoi ekipin për “performancën sensacionale” me një postim në X. “Jemi krenarë për ju. Ju jeni frymëzim për brezin e ri të sportistëve,” shkroi ai./D.B/UBTNews/DW

Related Topics:
Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

7 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

7 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

7 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

10 hours ago

on

August 28, 2026

By

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Continue Reading

Të kërkuara