Lajmet

Gjermania paralajmëron Izraelin për dënimin me vdekje

Ky reagim erdhi pasi një komitet ministror mbështeti idenë që shteti të zbatohet dënimin me vdekje.

Published

on

Gjermania ka paralajmëruar Izraelin se “do të ishte gabim i madh” shqiptimi i dënimit me vdekje për ata që gjenden fajtorë për vrasjen e qytetarëve izraelitë.

Ky reagim i Berlinit erdhi pasi një komitet ministror i Izraelit mbështeti idenë që shteti të zbatohet dënimin me vdekje.

Ministrja e Jashtme gjermane, Annalena Baerbock, pas bisedimeve në Berlin me homologun e saj izraelit, Eli Cohen, tha se “ne e shohim veçanërisht shqetësuese planin për të zbatuar” ndëshkimin kapital.

“Ne jemi kundër dënimit me vdekje dhe ne po e ngremë këtë çështje në mbarë botën”, tha ajo gjatë konferencës të përbashkët për media me Cohen.

Të dielën, komiteti ministror izraelit për legjislacion mbështeti një projektligj që synon që dënimi me vdekje të zbatohet. Ky vendim është pjesë e marrëveshjes së koalicionit qeverisës të arritur midis kryeministrit Benjamin Netanyahu dhe partnerëve të tij politikë të ekstremit të djathtë.

Në projektligj thuhet se kushdo që vret një qytetar izraelit “për shkak të racizmit apo armiqësisë… dhe synon të dëmtojë shtetin e Izraelit dhe rivendosjen e popullit hebre në tokën e tyre, duhet të dënohet me vdekje dhe vetëm me këtë dënim”.

Baerbock theksoi se gjermanët mësojnë në shkollë se Izraeli – edhe pse “i kërcënuar si asnjë shtet tjetër nga terrorizmi” – nuk ka kryer asnjë ekzekutim që nga viti 1962, kur ishte varur krimineli nazist i luftës, Adolf Eichmann.

“Ky ka qenë gjithmonë një argument mbresëlënës për ne që e kemi mbrojtur Izraelin në skenën ndërkombëtare kundër kritikave të padrejta”, tha ajo.

“Jam e bindur se do të ishte një gabim i madh që do të shkëputeshim nga kjo histori”, shtoi kryediplomatja gjermane.

Edhe në të kaluarën ka pasur tentativa për të kaluar projektligje të ngjashme, edhe pse projektligji i fundit dallon, pasi aty përfshihet dënimi i detyrueshëm me vdekje.

Megjithatë, projektligji ka pak të ngjarë të kalojë, pasi partitë ultra-ortodokse të koalicionit qeverisës izraelit pritet të votojnë kundër për arsye fetare.

Izraeli ka larguar dënimin me vdekje në gjykatat civile më 1954, edhe pse teorikisht ky dënim mund të shqiptohet për krimet e luftës, krimet kundër njerëzimit, gjenocidit, tradhtisë dhe krimeve kundër popullit hebre.

Izraelitët për javë të tëra kanë organizuar protesta masive kundër reformave ligjore të prezantuara nga Qeveria, që kritikët i kanë parë si kërcënim për demokracinë.

Kryeministri izraelit, Benjamin Netanyahu, ka argumentuar se reformat e fundit janë kyçe në rivendosjen e balancës në mes të degëve të Qeverisë./REL

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara