Lajmet

Gjermani: Çfarë i bashkon e çfarë i ndan të Gjelbrit dhe FDP

Të Gjelbrit dhe FDP po kërkojnë përbashkësi, para se të hyjnë në bisedime të mundshme me CDU/CSU dhe SPD.

Published

5 years ago

September 28, 2021

Betim Gashi

Pas zgjedhjeve të Bundestagut, të Gjelbrit dhe FDP do të vendosin se cila parti do ta ketë kancelarin. Pa këto parti, vështirë se mund të formohet një qeveri. CDU/CSU kanë nevojë për të dyja, dhe SPD ka nevojë për to.

E gjelbër dhe e verdhë – a shkon kjo së bashku? E vështirë, por e mundur, thotë lideri i Partisë së Gjelbër Robert Habeck, i cili tashmë ka një përvojë suksesi në negocimin e një koalicioni me CDU dhe FDP-në në Schleswig-Holstein. Në përvojën e tij, ka kuptim “që palët që janë fillimisht më të largëta të shohin nëse mund të afrohen”, tha ai për NDR. Ky është rasti i liberalëve të FDP dhe të Gjelbërve – “ne kemi pozicion vërtet të kundërta në çështjet e politikave sociale, tatimore dhe financiare”, tha kryetari i Të Gjelbërve.

Diskutimi të ndihmon, me sa duket kështu mendon edhe FDP – prandaj vendosi të ndërmarrë “konsultime paraprake” me të Gjelbrit për një bashkëpunim të mundshëm qeveritar.

Ku ka ngjashmëri në përmbajtje, ku janë dy palët shumë larg njëra -tjetrës? Një përmbledhje:

Gjërat bëhen të vështira kur bëhet fjalë për çështjen e parave. FDP e përjashton ngritjen e taksave. Për më tepër, taksat duhet të ulen, madje edhe për ata që kanë të ardhura të larta. Qasja e të Gjelbërve është krejtësisht e ndryshme; ata duan të rrisin normën maksimale tatimore dhe të rrisin edhe taksën e trashëgimisë për shtetin. Ata duan të heqin frenën e marrjes së borxhit për investime që mbrojnë klimën.

FDP dhe të Gjelbrit kanë gjithashtu pozicione të ndryshme për çështjen e drejtësisë sociale. Një pagë minimale ligjore, më shumë ndihmë për të ardhurat bazë për punëkërkuesit, një sigurim bazë shtetëror për fëmijët – FDP-ja nuk do t’i mbështesë të gjitha këto propozime të Gjelbra, përkundrazi. Ajo madje dëshiron ta zbusë mbrojtjen nga pushimi nga puna.

Robert Habeck dhe Christian Lindner

Edhe pse të dyja palët janë në favor të mbrojtjes më të mirë të klimës: mënyra për ta arritur këtë është shumë e ndryshme për FDP dhe të Gjelbrit. Të Gjelbrit duan ta arrijnë këtë me fondet shtetërore dhe gjithashtu të ndalojnë disa gjëra në të ardhmen, për shembull motorët me djegie. FDP mbështetet në inovacionin dhe iniciativën e vetë industrisë.

Në përgjithësi, të dyja partitë kanë një pikëpamje shumë të ndryshme për shoqërinë: të Gjelbrit e shohin shtetin si një aktor për komunitetin. FDP e sheh shtetin më shumë si një frenues dhe iniciativën për veprim e sheh më shumë me sektorin privat.

Ka gjithashtu shumë të përbashkëta midis të Gjelbërve dhe FDP – për shembull, për digjitalizimin, politikën e jashtme dhe të drejtat civile. Prej vitesh, të dyja palët kanë shkëmbyer rregullisht pikëpamje në një grup diskutimi joformal. Emri i grupit: “Lebensstern” (Ylli i jetës), si një bar i Berlinit Perëndimor.

Pikat kryesore të takimit midis të Gjelbërve dhe FDP përfshijnë shprehimisht respektin për stilin e jetës individuale, siç është martesa për të gjithë. Të dy gjithashtu kanë pozicione liberale në fusha të tjera, të tilla si aborti. Përsa i përket politikës së jashtme, të dy duan më shumë kontakte me Rusinë, por lidhjet e Gjermanisë me Perëndimin duhet të ruhen.

Për sa i përket digjitalizimit, të Gjelbrit dhe FDP bëjnë thirrje për më shumë shpejtësi, dhe ata nuk flasin vetëm për zgjerimin e rrjetit. Përkundrazi, ata bien dakord se digjitalizimi mund të nënkuptojë gjithashtu një cënim të të drejtave qytetare dhe se gjithashtu duhet të ketë mekanizma mbrojtës në këtë fushë.

Për imigrimin, të dyja palët bëjnë thirrje për një marrje më të lehtë të nënshtetësisë: FDP -ja sheh përparësi për tregun e punës dhe për këtë arsye dëshiron kritere të performancës. Të Gjelbërit duan nënshtetësi të dyfishtë dhe të drejtën lokale të votës për emigrantët.

Lajmet

BE-ja mbështet Specialen, nuk komenton nismën e PDK-së për ndryshimin e ligjit

Published

8 hours ago

September 22, 2026

UBT News

Bashkimi Evropian nuk ka komentuar nismën e Partisë Demokratike të Kosovës (PDK) për plotësim-ndryshimin e Ligjit për Dhomat e Specializuara të Kosovës, e cila është dorëzuar në Kuvend.

Zëdhënësi i BE-së për Politikë të Jashtme dhe Siguri, Christian Wigand, ka thënë se BE-ja nuk komenton njoftime apo plane të tilla, por ka theksuar se mbështetja e Bashkimit Evropian për Dhomat e Specializuara mbetet e qëndrueshme.

“Gjykata Speciale është institucion i pavarur juridik, që operon brenda sistemit ligjor të Kosovës dhe puna e saj është përkrahur nga BE-ja”, ka deklaruar Wigand në konferencën për media të martën.

Ai ka theksuar se personat e dënuar në shkallën e parë kanë të drejtë të apelojnë aktgjykimet para një paneli të pavarur të Apelit në kuadër të Dhomave të Specializuara.

“Personat e dënuar në shkallën e parë kanë të drejtë ta apelojnë aktgjykimin para gjyqtarëve të pavarur të Apelit. Mbështetja jonë për Dhomat është e qëndrueshme dhe do të vazhdojë”, ka thënë Wigand.

Sipas tij, Dhomat e Specializuara po zhvillojnë procedura gjyqësore të drejta, të paanshme dhe të pavarura, bazuar në parimin e përgjegjësisë individuale.

Më 16 shtator, Gjykata Speciale dënoi me gjithsej 81 vjet burgim ish-krerët e Ushtrisë Çlirimtare të Kosovës. Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet dhe Rexhep Selimi me 13 vjet.

Ndërkohë, PDK-ja synon përmes ndryshimeve ligjore kufizimin e mandatit të Speciales dhe përfshirjen e një mekanizmi ndërkombëtar monitorimi.

Kryetari i PDK-së, Bedri Hamza, ka thënë se synimi është që rastet që lidhen me krimet e luftës të trajtohen në Kosovë, ndërsa në Hagë të mbeten çështjet e ngritura në raportin e Dick Martyt./A.K/

Lajmet

Protesta kundër aktgjykimit të Speciales vazhdon për të shtatën ditë

Published

8 hours ago

September 22, 2026

UBTNews

22:00

Edhe sonte, protesta në Prishtinë kundër aktgjykimit të Dhomave të Specializuara në Hagë ka mbledhur mijëra qytetarë.

Në mesin e të pranishmëve pati qytetarë nga vende të ndryshme, të cilët u mblodhën në sheshin “Skënderbeu” për të shprehur kundërshtimin e tyre ndaj aktgjykimit ndaj ish-krerëve të UÇK-së.

Gjatë protestës ka performuar këngëtari i njohur Ramë Lahaj, ndërsa para protestuesve ka folur edhe Gentiani, nipi i Rexhep Selimit. Tubimi është shoqëruar me pankarta dhe thirrje për drejtësi.

Protesta e sontme është zhvilluar në vazhdën e tubimeve të organizuara prej disa ditësh në Prishtinë, pas aktgjykimit të 16 shtatorit ndaj Hashim Thaçit, Kadri Veselit, Rexhep Selimit dhe Jakup Krasniqit.

Protestat në Prishtinë kundër aktgjykimit të Dhomave të Specializuara në Hagë ndaj ish-krerëve të UÇK-së vazhdojnë edhe sonte, për të shtatën ditë me radhë.

Qytetarët pritet të mblidhen sërish në sheshin “Skënderbeu”, pas gjashtë netëve radhazi të tubimeve në kryeqytet. Protesta e së hënës ishte e gjashta dhe u zhvillua me pjesëmarrje të madhe qytetarësh.

Tubimet kanë nisur pas aktgjykimit të shpallur më 16 shtator ndaj Hashim Thaçit, Kadri Veselit, Rexhep Selimit dhe Jakup Krasniqit, të cilët u dënuan me gjithsej 81 vjet burgim.

Organizatorët kanë bërë të ditur se protestat do të vazhdojnë edhe në ditët në vijim, ndërsa gjatë netëve të kaluara tubimet në Prishtinë janë zhvilluar pa incidente të raportuara.

Protestat janë shoqëruar me pankarta dhe thirrje për drejtësi, ndërsa në mesin e pjesëmarrësve kanë qenë qytetarë nga Kosova dhe diaspora.

D.L

Lajmet

39 inspektorë dhe mbledhës borxhesh i bashkohen ATK-së

Published

8 hours ago

September 22, 2026

UBTNews

Administratës Tatimore të Kosovës (ATK) i janë bashkuar sot 39 punonjës të rinj, 32 inspektorë fillestarë dhe 7 mbledhës të borxheve me qëllim fuqizimin e kapaciteteve profesionale dhe operacionale të institucionit.

Gjatë mikpritjes së punonjësve të rinj, Drejtori i Përgjithshëm i ATK-së, Mentor Hyseni, nënvizoi përgjegjësinë e madhe që ata marrin për të dëshmuar integritet dhe profesionalizëm në shërbim të shtetit dhe tatimpaguesve.

Përzgjedhja e tyre u bë përmes një procesi konkurrues publik ku morën pjesë mbi 1,800 kandidatë në fazat vlerësuese, ndërsa vlerësimi u realizua nga një komision i jashtëm mbi bazën e meritokracisë dhe transparencës. Me këtë rekrutim, ATK synon rritjen e efikasitetit në mbledhjen e detyrimeve tatimore dhe menaxhimin e borxheve. / E.A/

Lajmet

MINTI intensifikon kontrollet në Prishtinë e Gjilan për mbrojtjen e të drejtës së autorit

Published

9 hours ago

September 22, 2026

UBTNews

Ministria e Industrisë, Ndërmarrësisë, Tregtisë dhe Inovacionit (MINTI), përmes Inspektoratit Qendror të Mbikëqyrjes së Tregut (IQMT), ka zhvilluar sot një aksion inspektimi në rajonin e Prishtinës dhe Gjilanit për të mbikëqyrur zbatimin e ligjit për të drejtën e autorit.

Fokusi i këtyre kontrolleve ishte te bizneset që ushtrojnë veprimtari të fotokopjimit, riprodhimit dhe shpërndarjes së materialeve të mbrojtura me e drejtë autori. Qëllimi kryesor i aksionit është parandalimi i piraterisë, verifikimi i respektimit të kërkesave ligjore dhe mbrojtja e veprave të autorëve.

Inspektimet janë mbështetur në Ligjin për të Drejtën e Autorit dhe ato do të vazhdojnë edhe në rajone të tjera të Kosovës, duke u bazuar në informacionet dhe ankesat e pranuara nga konsumatorët.