Lajmet

Gjermanët nuk besojnë në kthim në normalitet as vitin e ardhshëm

Kështu tregojnë rezultatet e sondazhit të kryer nga kompania YouGov.

Publikuar

2 vjet më parë

më

Në fund të vitit 2021, optimizmi në Gjermani është në nivel shumë të ulët, rrjedhimisht vetëm 15% e gjermanëve besojnë se pandemia do të përfundojë pjesërisht apo krejtësisht përgjatë vitit 2022, tregojnë rezultatet e sondazhit të kryer nga kompania YouGov.

Rreth 79% e të anketuarve të intervistuar nga 21 deri më 23 dhjetor besojnë se koronavirusi së paku pjesërisht do të ndikojë në jetën e përgjithshme të qytetarëve edhe gjatë vitit 2022. Rreth 34 për qind presin që ndikimi i pandemisë do të jetë më i madh.

Krahas kësaj disponimi i të anketuarve ishte edhe më i keq një vit më parë kur YouGov llogariti se vetëm 26 për qind e gjermanëve “shihnin dritë në fund të tunelit”.

Atëkohë, Gjermania ishte në izolim, por fushata e sapofilluar e vaksinimit konsiderohej arsye për shpresë.

Megjithatë, Gjermania ditëve të fundit është duke regjistruar shifra rekorde të rasteve të reja me koronavirus dhe kufizimet mbesin në fuqi, qoftë për persona të vaksinuar, qoftë për ata të pavaksinuar.

Kriza aktuale me koronavirus në Gjermani është e vështirë të përcillet për shkak të vonesave në testime dhe paraqitje të rasteve të reja si pasojë e festave të fundvitit, deklaruan autoritetet shëndetësore ditëve të fundit.

Meqë vaksinat e para arritën në shtet në dhjetor të vitit 2020, ministri i Shëndetësisë, Jens Spahn, kishte thënë që vjeshta dhe dimri i vitit të ardhshëm nuk do të jenë më nën ndikimin e pandemisë.

Por, më 30 dhjetor Instituti Robert Koch njoftoi për 42,770 raste të reja me koronavirus dhe 3,838 raste të vdekjes. Javën e shkuar shifrat ishin 44,927 me 425.

Masat kundër përhapjes së pandemisë të përcaktuara më 21 dhjetor vlejnë për kufizim të kontaktit me qëllim të parandalimit të përhapjes së variantit, Omicron, hynë në fuqi më 28 dhjetor në gjithë territorin e Gjermanisë./REL

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

3 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

5 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

7 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

9 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara