Në  Raportin njëditor të Policisë së Kosovës janë raportuar tri raste të ndara të vjedhjeve të rënda në komunat e Lipjanit dhe Podujevë.

Sipas njoftimeve zyrtare, në Lipjan janë evidentuar dy raste të njëjta, ku persona të panjohur dyshohet se kanë depërtuar me forcë brenda objekteve fetare.

Nga këto objekte është vjedhur arka e bamirësisë që përmbante një shumë të pacaktuar parash të gatshme. Rrethanat e sakta të ngjarjeve janë duke u hetuar, ndërsa rastet janë në procedurë hetimore nga organet kompetente.

Ndërkohë, në Podujevë, rreth orës 18:40, një qytetar ka raportuar se persona të panjohur kanë hyrë me forcë në shtëpinë e tij dhe kanë vjedhur tri armë zjarri me leje përkatëse, në vlerë prej rreth 2,150 euro.

Lidhur me këtë rast është njoftuar prokurori kujdestar, i cili ka urdhëruar nisjen e hetimeve.

Dy persona janë arrestuar në Gjilan nën dyshimin për veprat penale “Vrasje në tentativë” dhe “Pjesëmarrje në rrahje”.

Sipas raportit shtesë të Policisë se Kosovës, rasti ka ndodhur më 28 shkurt 2026 rreth orës 22:40 në Gjilan.

Pas zhvillimit të hetimeve, më 1 mars 2026 janë arrestuar dy të dyshuar burra.

Me vendim të prokurorit kompetent, të dyshuarit janë dërguar në mbajtje, ndërsa hetimet lidhur me rastin janë duke vazhduar.

Një rast i sulmit ndaj personit zyrtar është raportuar mbrëmjen e 1 marsit në Viti, sipas Raportit një ditorë të Policisë se Kosovës.

Sipas informacionit zyrtar, tre persona të dyshuar kanë sulmuar një person brenda një lokali. Si pasojë e sulmit, viktima ka pësuar lëndime trupore dhe ka pranuar tretman mjekësor.

Njëri nga të dyshuarit është shoqëruar në stacionin policor, por me vendim të prokurorit është liruar në procedurë të rregullt. Ndërkaq, dy të dyshuarit e tjerë janë shpallur në kërkim policor.

Rasti është duke u hetuar nga organet kompetente.

Gjatë 24 orëve të fundit, Policia e Kosovës ka raportuar për tetë raste të dhunës në familje në disa komuna të vendit, ku disa persona janë arrestuar e dërguar në mbajtje, ndërsa të tjerë janë liruar në procedurë të rregullt.

Sipas raportit policor, në Fushë Kosovë më 1 mars rreth orës 15:30, dy gra janë shoqëruar në stacion policor pas një konflikti mes tyre. Me vendim të prokurorit, pas intervistimit, ato janë liruar dhe rasti po trajtohet në gjendje të lirë.

Në Prishtinë, po ashtu një burrë është shoqëruar në polici pasi dyshohet se pas një mosmarrëveshjeje kishte sulmuar një grua. Pas intervistimit, palët janë liruar dhe rasti vazhdon në procedurë të rregullt.

Një arrestim është bërë në Podujevë, ku më 28 shkurt rreth orës 19:00 një burrë dyshohet për dhunë në familje ndaj një gruaje. Me vendim të prokurorit, i dyshuari është dërguar në mbajtje.

Në Gjilan, po ashtu është arrestuar një burrë nën dyshimin për dhunë në familje ndaj viktimave meshkuj. I njëjti është dërguar në mbajtje.

Arrestim ka pasur edhe në Prizren më 1 mars rreth orës 17:30, ku një burrë dyshohet për dhunë në familje ndaj viktimave kosovarë. Me urdhër të prokurorit, ai është dërguar në mbajtje.

Në Pejë, po ashtu për dhunë në familje është arrestuar një burrë pasi dyshohet se kishte sulmuar fizikisht një grua, e cila ka refuzuar tretmanin mjekësor. I dyshuari është liruar në procedurë të rregullt.

Ndërkaq, në Istog më 1 mars rreth orës 21:20, një burrë është arrestuar nën dyshimin se ka sulmuar dy gra, të cilat kanë pranuar trajtim mjekësor. I dyshuari është dërguar në mbajtje.

Po ashtu, në Klinë më 1 mars rreth orës 21:00, një burrë është shoqëruar në polici për dhunë në familje ndaj një gruaje. Me vendim të prokurorit ai është liruar dhe rasti po hetohet në gjendje të lirë.

Autoritetet kanë bërë të ditur se rastet janë duke u trajtuar në koordinim me prokurorinë kompetente.