Kronikë e zezë

Gjendet pa shenja jete një femër në Kamenicë

Published

5 years ago

May 8, 2021

Betim Gashi

Një person ka raportuar se bashkëshortja e tij është gjetur pa shenja jete në një objekt përcjellës afër shtëpisë.

Në raportin 24 orësh të policisë, thuhet se rasti ka ndodhur të premten rreth orës 12:45 në fshatin Muqiverc, në Kamenicë.

Siç thuhet në raport, në vendin e ngjarjes kanë dalë njësitë përkatëse policore, ekipi i QKMF-së dhe prokurori i shtetit.

“Ankuesi mashkull kosovar ka raportuar se bashkëshortja e tij, viktima femër kosovare është gjetur pa shenja jete në një objekt përcjellës afër shtëpisë. Në vendin e ngjarjes kanë dalë njësitë përkatëse policore, ekipi i QKMF-së dhe prokurori i shtetit. Në vendin e ngjarjes, ekipi mjekësor ka konstatuar vdekjen e viktimës. Me urdhër të prokurorit kujdestar, trupi i pajetë i viktimës dërgohet në IML për obduksion”, thuhet në raport.

Lajmet

Arrestohet i kërkuari për falsifikim dokumentesh, në shtëpi i gjenden 45 fishekë

Published

24 minutes ago

August 18, 2026

UBT News

Një person është arrestuar në pikën kufitare në Jarinjë, në Leposaviq, pasi ishte i kërkuar lidhur me një rast të falsifikimit të dokumenteve.

Sipas Policisë së Kosovës, arrestimi është bërë më 17 gusht, rreth orës 12:20. Pas arrestimit, me urdhër të prokurorit është kontrolluar shtëpia e të dyshuarit.

Gjatë kontrollit, policia ka gjetur dhe sekuestruar 45 fishekë, si dhe disa pjesë të uniformës së Policisë së Kosovës. Në cilësi të provave materiale është sekuestruar edhe një telefon me SIM-kartë.

Pas intervistimit, me vendim të prokurorit, i dyshuari është dërguar në mbajtje./A.K/

Lajmet

Hetim ndaj një personi në Gjakovë për bashkëjetesë me një 16-vjeçare

Published

25 minutes ago

August 18, 2026

UBT News

Policia e Kosovës ka nisur hetimet ndaj një personi në Gjakovë, pasi dyshohet se prej disa muajsh ka bashkëjetuar me një vajzë 16-vjeçare.

Sipas raportit policor, më 17 gusht i dyshuari dhe vajza janë paraqitur së bashku në stacionin policor.

Pas konsultimit me prokurorin, rasti është iniciuar dhe do të trajtohet nga njësitë e hetimeve rajonale./A.K/

Lajmet

I ofroi policëve 50 euro që të mos e gjobisin, arrestohet i dyshuari

Published

28 minutes ago

August 18, 2026

UBT News

Një person është arrestuar në Gjakovë pasi dyshohet se u ka ofruar zyrtarëve policorë 50 euro ryshfet, në këmbim të mosshqiptimit të një gjobe për kundërvajtje në trafik.

Sipas Policisë së Kosovës, rasti ka ndodhur më 17 gusht, rreth orës 03:20, në rrugën “Nënë Tereza”.

I dyshuari është arrestuar dhe, pas intervistimit, me vendim të prokurorit është dërguar në mbajtje./A.K/