Kronikë e zezë

Gjendet çifti francez që kishte humbur në një pyll në Shqipëri

Të dy shtetaset nuk kanë pësuar asnjë lëndim dhe ndodhen në gjendje të mirë shëndetësore.

Published

5 years ago

July 23, 2021

Betim Gashi

Është gjetur çifti i turistëve i cili kishte lëshuar sinjalin SOS gjatë paradites. Mësohet se çifti është gjetur në afërsi të gjirit të Gramës pas 14 orë kërkimesh.

Sipas policisë dy personat ishin në gjendje të mirë shëndetësore , por pa ushqim dhe ujë.

Dy turistët ishin nisur sot paradite nëpërmjet shtigjeve të pyllit të Llogorasë duke u ngjitur Karaburunit për të zbritur në gjirin e Gramës.

Njoftimi i policisë;

Policia u vjen në ndihmë dy turisteve të huaj, të cilat kishin humbur rrugën në një zonë të thellë në Llogara.

Në orët e mbrëmjes së djeshme, dy turiste të huaja, një shtetas francez dhe një shtetase australiane duke eksploruar zonat malore në Llogara, kanë humbur rrugën e kthimit duke ngelur të bllokuara.

Menjëherë janë organizuar shërbimet e Drejtorisë Vendore të Policisë Vlorë në bashkëpunim me shërbimet e Zonave të Mbrojtura dhe shërbimet e Policisë Kufitare, të cilët filluan kërkimet për gjetjen e tyre, në rrugë tokësore dhe detare. Pas 14 orë kërkimesh, është bërë e mundur gjetja e tyre rreth 2.5 Km në vijë ajrore larg gjirit të “Gramës”.

Të dy shtetaset nuk kanë pësuar asnjë lëndim dhe ndodhen në gjendje të mirë shëndetësore dhe po transportohen në stacionin e Policisë Orikum.

Kronikë e zezë

Dhunim në Rahovec, i dyshuari në arrati

Published

9 minutes ago

March 12, 2026

UBTNews

Në raportin e fundit të Policisë së Kosovës është raportuar për një rast dhunimi të ndodhur në Rahovec.

Sipas raportit, ngjarja ka ndodhur të mërkurën rreth orës 14:00, ku viktima grua është dhunuar nga një burrë i dyshuar.

I dyshuari aktualisht gjendet në arrati, rasti është në procedurë hetimore deri në zbardhjen e plotë të rrethanave të ngjarjes.

“Është raportuar se viktima femër kosovare është dhunuar nga i dyshuari mashkull kosovar. I dyshuari gjendet në arrati. Rasti në procedurë hetimore”, thuhet në raport.

Kronikë e zezë

Hidhet mjet shpërthyes në oborrin e një shtëpie në Podujevë

Published

16 minutes ago

March 12, 2026

UBTNews

Në raportin e fundit të Policisë së Kosovës është raportuar se një mjet shpërthyes është hedhur në oborrin e një shtëpie në fshatin Sfeqël të Podujevës.

Ngjarja ka ndodhur rreth orës 02:21 pas mesnatës, kur persona deri më tani të panjohur kanë hedhur mjetin në pronën e viktimës grua.

Njësitë policore kanë dalë në vendin e ngjarjes, ndërsa për rastin është njoftuar edhe prokurori për hetime të mëtejshme.

Kronikë e zezë

Raportohet e zhdukur një grua në Fushë Kosovë

Published

38 minutes ago

March 12, 2026

UBTNews

Një grua nga Fushë Kosova është raportuar e zhdukur gjatë ditës së djeshme, sipas raportit njëditor të Policisë së Kosovës.

Sipas njoftimit të policisë, viktima grua është larguar nga shtëpia e saj rreth orës 09:00 të mëngjesit dhe që nga ai moment nuk ka asnjë informacion për vendndodhjen e saj.

Policia ka nisur procedurat e kërkimit dhe po merret me rastin për të zbardhur rrethanat e zhdukjes.

Kronikë e zezë

Lipjan: Arrestohet një shtetas turk për abuzim me fëmijë në rrjetet sociale

Published

44 minutes ago

March 12, 2026

UBTNews

Policia e Kosovës ka arrestuar të mërkurën një shtetas të Turqisë në Lipjan, nën dyshimin për shpërndarje të materialeve të jashtëligjshme.

Sipas raportit 24-orësh të Policisë, rasti ka ndodhur rreth orës 13:20.

I dyshuari akuzohet se përmes rrjeteve sociale ka shkarkuar dhe ka shpërndarë materiale me përmbajtje të shfrytëzimit dhe keqpërdorimit seksual të fëmijëve.

Me vendim të prokurorit i dyshuari është dërguar në mbajtje.