Kronikë e zezë

Gjenden parat dhe ari me vlerë rreth 33 mijë euro që ishin raportuar si të vjedhura

Rasti dyshohet se ka ndodhur në Has të Prizrenit.

Published

4 years ago

on

Një qytetar nga fshati Kushnin i Hasit (Prizren) ka raportuar një rast vjedhjeje e rëndë që dyshohet se i kishte ndodhur në oborrin e shtëpisë së tij.

Ankuesi ka deklaruar se para se të shkonte në Bosnje, më datë 17.12.2022, për një vizite mjekësore, në oborrin e tij i kishte groposur në tokë dy tasa xhami me stoli ari me vlerë 6 deri 7 mijë euro dhe para 26 mijë euro.

Sipas Policisë, pasi që është kthyer nga Bosnja më datën 14.02.2023, ankuesi ka dashur të nxjerrë stolitë e arit dhe shumën e parave që i kishte groposur, por përveç një ene me stoli ari që e kishte gjetur, sipas tij, mungonte ena tjetër me para 26 mijë euro.

“Rasti nuk është hap menjëherë pasi që është dashtë të kryhen hetime preliminare dhe mbledhjen e dëshmive tjera lidhur me rastin. Me datë 22.02.2023 në Stacionin Policor Prizren, ka ardhur përsëri ankuesi, i cili ka deklaruar se vjedhjen e parave dhe stolive të arit dyshon se e ka kryer një i dyshuari –fqinjë i tij, të cilën ankuesi para se të shkonte në Bosnje ka deklaruar se e ka angazhuar që të kujdeset për pulat e tij. I dyshuari , i cili pranon se gjate kohës sa ankuesi kishte shkuar në Bosnje, e kishte angazhuar që të kujdeset për pulat e ankuesit, por mohon kategorikisht se e ka kryer ketë rast të vjedhjes. Në lidhje me rastin dhe deklaratat e marra, veprimeve hetimore në teren është informuar prokurori kujdestar/ departamenti për krime të përgjithshme , i cili ka udhëzuar që të iniciohet rasti “ vjedhja e rende” , të kryhen veprime hetimore në drejtim të ndriçimit të rastit, ndërsa i dyshuari për momentin të lirohet në procedure të rregullt. Më datë 25 shkurt pronari i sendeve te vjedhura ka raportuar se pasi që edhe një herë ka kontrolluar vendin e ka gjetë edhe enën tjetër me para, në vendin ku e ka gropos, herën e parë kur i ka kërkuar parat e ka ngatërruar vendin”, thuhet në njoftim.

Related Topics:
Continue Reading

Lajmet

Sekuestrohet pushkë gjysmëautomatike dhe 40 fishekë në Junik

Published

3 days ago

on

August 28, 2026

By

Sipas Policisë së Kosovës, një person është arrestuar në Junik nën dyshimin për veprën penale “Mbajtja në pronësi, kontroll ose posedim i paautorizuar i armës”.

Policia, përmes Drejtorisë së Hetimit të Trafikimit me Narkotikë në Pejë, në bashkëpunim me Njësinë për Reagim të Shpejtë dhe Stacionin Policor në Junik, ka zbatuar më 28 gusht një urdhëresë të Prokurorisë Themelore në Pejë për kontroll të një shtëpie në rrugën “Lush Musa” në Junik.

Gjatë kontrollit janë gjetur dhe sekuestruar një pushkë gjysmëautomatike dhe 40 fishekë të kalibrit 7.62×39 mm.

Policia ka sekuestruar gjithashtu katër thika, një boks metalik, një sprej dhe një set pajisjesh për pastrimin e armës.

I dyshuari është arrestuar dhe, pas intervistimit nga hetuesit, me vendim të Prokurorit të Shtetit është liruar në procedurë të rregullt./A.K/

Continue Reading

Lajmet

U mbyt në lumin Drin, gjendet pas disa orë kërkimesh trupi i pajetë i 7-vjeçares

Published

3 days ago

on

August 28, 2026

By

Është gjetur mëngjesin e sotëm trupi i pajetë i 7-vjeçares, e cila dyshohet se u mbyt në lumin Drini i Zi, pasi mbeti e bllokuar së bashku me disa fëmijë dhe një të afërm të tyre.

Ngjarja është shënuar në zonën Bulqizë-Klos, ndërsa kërkimet për të miturën nisën mbrëmjen e djeshme, pas njoftimit për bllokimin e grupit si pasojë e rritjes së nivelit të ujit në lumë.

Shërbimet e Policisë dhe Emergjencës arritën të shpëtonin katër persona, ndërsa 7-vjeçarja nuk ishte gjetur dhe vijoi kërkimi për të.

Pas disa orësh kërkime, rreth orës 09:45 të ditës së sotme, shërbimet e angazhuara në operacion kanë bërë të mundur gjetjen e trupit të pajetë të të miturës.

Grupi hetimor vijon veprimet për dokumentimin e plotë të ngjarjes dhe sqarimin e rrethanave në të cilat humbi jetën 7-vjeçarja./A.K/

 

Continue Reading

Lajmet

Prokuroria jep detaje për vrasjen e 14-vjeçarit në Prizren, i dyshuari dërgohet në mbajtje

Published

3 days ago

on

August 28, 2026

By

Prokuroria Themelore në Prizren ka dhënë detaje zyrtare lidhur me ngjarjen e ndodhur më 27 gusht 2026, rreth orës 23:41, ku ka humbur jetën një 14-vjeçar.

Sipas njoftimit zyrtar nga Departamenti për të Mitur, njësitet e Policisë, hetuesit, krim-teknika dhe Mjekësia Ligjore kanë dalë menjëherë në vendngjarje për ekzaminime dhe marrjen e provave materiale.

“Bazuar në të dhënat fillestare të hetimit, i mituri 17 vjeçar, dyshohet se ka privuar nga jeta të miturin 14 vjeçar, duke therur me thikë, i cili është hasur në vendin e ngjarjes dhe nga i njëjti është sekuestruar një thikë e cila dyshohet se është përdorur për ta kryer veprën penale”, thuhet në njoftimin e Prokurorisë.

Trupi i viktimës është dërguar për obduksion në IML, ndërsa ndaj të dyshuarit është caktuar masa e ndalimit prej 24 orësh.

“Me vendim të prokurorit të shtetit, i mituri 17 vjeçar, është ndaluar për 24 orë, për shkak të dyshimit të bazuar se ka kryer veprat penale ‘Vrasja e rëndë’ dhe ‘Mbajtja në pronësi, kontroll ose posedim të paautorizuar të armëve’. Brenda afatit ligjor, Prokuroria do të parashtrojë kërkesë për caktimin e masës për sigurimin e të miturit në procedurë”, njofton organit i ndjekjes.

Prokuroria Themelore në Prizren bëri të ditur se në bashkëpunim me Policinë e Kosovës po vazhdojnë hetimet intensive për zbardhjen e motiveve dhe rrethanave të plota të kësaj ngjarjeje. /E.A/

 

Continue Reading

Lajmet

Hajnat depërtojnë në një shtëpi në Vushtrri, vjedhin dy pushkë gjuetie dhe 82 fishekë

Published

3 days ago

on

August 28, 2026

By

Sipas raportit të Policisë së Kosovës, një person në Vushtrri ka raportuar se persona të panjohur kanë depërtuar në shtëpinë e tij përmes një dritareje dhe kanë vjedhur armë dhe municion.

Rasti ka ndodhur më 27 gusht 2026, rreth orës 14:00, në rrugën “Murat Rashica”.

Sipas Policisë, nga shtëpia janë vjedhur dy pushkë gjuetie me leje dhe 82 fishekë.

Njësitet përkatëse policore kanë dalë në vendin e ngjarjes, ndërsa rasti vazhdon të hetohet./A.K/

Continue Reading

Të kërkuara