Lajmet

Gjenden eshtra në Suhodoll, dyshohet se mund të jenë të ndonjë viktime të luftës

Published

2 months ago

on

Pas gërmimeve në Suhodoll të Mitrovicës së Veriut, sot janë gjetur dhe zhvarrosur mbetjet mortore të një viktime, i cili thuhet se mund të jetë në Listën e Personave të Zhdukur.

“Mbetjet mortore të zhvarrosura do të dërgohen për ekzaminimet e nevojshme mjekoligjore dhe identifikimin përmes analizës shkencore të ADN-së”, thuhet në komunikatën e Komisionit Qeveritar për Persona të Zhdukur.

Edhe para dy muajsh, ky Komision kishte njoftuar për një aksion të ngjashëm, pasi një ekip mjekoligjor kishte tërhequr mbetje mortore nga një lokacion në veri të vendit dhe i kishte dërguar ato për ekzaminim të mëtejmë mjekoligjor.

Gjatë luftës së viteve 1998/’99 në Kosovë u vranë rreth 13.000 njerëz, 10.794 shqiptarë, 2.119 serbë, ndërsa të tjerët u përkasin etnive të tjera.

Nga rreth 6.000 njerëzit e zhdukur me forcë atëkohë, të pagjetur sot mbeten edhe më shumë se 1.600 njerëz. Shumë prej të zhdukurve u gjetën ndër vite nëpër varreza masive në Serbi.

Kosova dhe Serbia u pajtuan më 2023 për Deklaratën e përbashkët për personat e zhdukur, në kuadër të dialogut për normalizimin e marrëdhënieve të ndërmjetësuar nga Bashkimi Evropian.

Zotimet që u bënë me këtë deklaratë, përfshijnë: qasje të plotë në informacione të besueshme, mes tyre edhe ato me status të klasifikuar; vënie në dispozicion të të gjitha dokumenteve me rëndësi për përcaktimin e fatit të personave të zhdukur, si dhe punë të përbashkët përmes një komisioni të kryesuar nga Bashkimi Evropian.

Një vit pas, asgjë prej këtyre nuk është realizuar në praktikë, të gjitha kanë mbetur vetëm në letër.

Related Topics:
Continue Reading

Lajmet

Kroatët s’ndalen, përgatiten për bojkotimin e ri

Published

3 hours ago

on

February 5, 2025

By

Platforma kroate “Përshëndetje, Inspektor” ka njoftuar për një tjetër bojkot në Kroaci. Sipas njoftimit, një bojkot i përgjithshëm do të zhvillohet të premten, duke përfshirë të gjitha produktet dhe shërbimet. Të shtunën, do të bojkotohet një zinxhir i shitjes me pakicë, i cili do të zgjidhet nga qytetarët përmes një sondazhi të organizuar nga platforma.

Kreu i platformës, Josip Kelemen, ka theksuar se qëllimi i këtij bojkoti është të tregojnë se kroatët mund të shpenzojnë më pak dhe të refuzojnë shërbimet që nuk i konsiderojnë të drejta. Kelemen ka përmendur gjithashtu se disa vende të tjera të Ballkanit, përfshirë Kosovën, Maqedoninë e Veriut, Bosnjën dhe Serbinë, janë bashkuar tashmë në këtë lëvizje bojkoti./UBTNews/

 

Continue Reading

Bota

Trump rifillon presionin maksimal ndaj Iranit

Published

4 hours ago

on

February 5, 2025

By

Presidenti i SHBA, Donald Trump, ka rifilluar fushatën e tij të “presionit maksimal” ndaj Iranit, duke nënshkruar një memorandum presidencial që synon të parandalojë Teheranin të zhvillojë armë bërthamore dhe të kundërshtojë ndikimin e tij keqdashës në rajon. Shtëpia e Bardhë njoftoi se ky memorandum ka për qëllim të mbyllë të gjitha mundësitë për Iranin të zhvillojë armë bërthamore dhe për të frenuar aktivitetet destabilizuese të këtij shteti.

Trump, gjatë nënshkrimit të dokumentit, e përshkroi atë si një masë të ashpër dhe tha se ishte i gatshëm të negociojë një marrëveshje me Iranin, por nënvijoi se ishte detyruar të vepronte kështu për shkak të nevojës për të mbajtur forcën dhe vendosmërinë. Ai theksoi se gjatë mandatit të tij, Irani nuk do të mund të zhvillonte armë bërthamore, një qëndrim që ai e ka mbajtur gjithmonë.

Në dhjetor, Agjencia Ndërkombëtare e Energjisë Atomike raportoi se Irani kishte rritur prodhimin e uraniumit të pasuruar, një hap që mund të ndihmojë në zhvillimin e armëve bërthamore. Megjithatë, Irani e ka mohuar se është duke punuar për të blerë ose zhvilluar armë bërthamore.

Përveç kësaj, Trump kërcënoi Iranin me pasoja të rënda nëse ai do të ndërmerrte një akt hakmarrjeje ndaj SHBA-ve, duke theksuar se nëse Irani do të tentonte të vriste amerikanë, “do të zhdukej”. Ky vendim erdhi pas tërheqjes së Trump nga marrëveshja bërthamore me Iranin dhe vendosjes së sanksioneve të ashpra ndaj këtij shteti./UBTNews/

 

Continue Reading

Lajmet

Supremja rrëzon gjobën e PZAP-së ndaj Koalicionit për Familjen

Published

4 hours ago

on

February 5, 2025

By

Gjykata Supreme e Kosovës ka aprovuar ankesën e Koalicionit për Familje, pas gjobës prej 7 mijë eurosh, pasi organizata Dylberizm ushtroi ankesë në Panelin Zgjedhor për Ankesa dhe Parashtresa.

“Pranohet si e themeltë ankesa e subjektit politik Koalicioni për Familje, me seli në Prishtinë, ndryshohet vendimi i Panelit Zgjedhor për Ankesa dhe Parashtresa (PZAP) A.nr.183/2025 i datës 27.01.2025, dhe vendoset ashtu që: Refuzohen të pathemelta ankesat e organizatës joqeveritare Dylberizm dhe Qendra për Barazi Gjinore (CEL Kosova), me seli në Prishtinë, A.nr.183/2025 e datës 24.01.2025 dhe A.nr.196/2025 e datës 25.01.2025”, thuhet në vendimin e Supremes.

Në vendimin e Supremës, konfirmohet se shprehjet “Turp ju qoftë”, “Mbrojtja e dinjitetit njerëzor dhe vazhdimësisë së jetës, si dhe e ardhmja e fëmijëve nga degjenerimi dhe prishja”, si dhe “Anomali sociale dhe dukuri degjeneruese”, janë brenda kufijve të lirisë së shprehjes.

Pas këtij vendimi, ka reaguar edhe Koalicioni për Familjen, duke e cilësuar këtë si një fitore të madhe për lirinë e shprehjes.

“Kjo është një fitore e madhe për lirinë e shprehjes dhe një precedent i rëndësishëm për të drejtat themelore demokratike. Ankesa u pranua si e bazuar, e ligjshme dhe e drejtë, duke vulosur një standard të ri në mbrojtje të vlerave dhe të drejtës për të mbrojtur familjen!” thuhet në reagimin.

Continue Reading

Lajmet

​Arrestohet i dyshuari që komprometoi mbi 300 mijë kartela bankare në një shtet të BE-së

Published

4 hours ago

on

February 5, 2025

By

Policia e Kosovës, në bashkëpunim me Prokurorin e Shtetit të Kosovës dhe autoritetet e një shteti të BE-së, ka zhvilluar një operacion të suksesshëm hetimor në Prishtinë dhe Ferizaj, ku është arrestuar një i dyshuar për hyrje të paautorizuar kompjuterike në një bankë të një shteti të BE-së.

Ky veprim ka rezultuar në komprometimin e të dhënave të mbi 300 mijë kartelave bankare, duke shkaktuar dëm të konsiderueshëm.

I dyshuari dyshohet se i ka postuar për t’i shitur këto të dhëna në një platformë online për përfitime të kundërligjshme, njofton Policia e Kosovës.

Gjatë realizimit të operacionit të kontrollit janë sekuestruar katër kompjuterë, tre telefona, një USB dhe dokumente të rëndësishme.

Bashkëpunimi i ngushtë ndërkombëtar dhe profesionalizmi i lartë i Policisë së Kosovës kanë qenë kyç në këtë operacion.

Me vendim të prokurorit, i arrestuari është ndaluar për 48 orë, për procedura të mëtejme.

Hetime tjera janë në proces në bashkërendim me autoritetet për të zbardhur rastin.

Continue Reading

Të kërkuara