Lifestyle

Gjëja e duhur që duhet të bëni kur jeni të zemëruar!

Gjëja më e mirë që mund të bëhet në këto raste është aktiviteti fizik.

Published

on

Kur zemërimi godet, rrahjet e zemrës rriten ndjeshëm, bashkë me temperaturën e trupit.

Një njeri i zemëruar ndihet sikur do të shpërthejë sepse në brendësi zemërimi është i ngjashëm me një reaktor bërthamor.

Por për të penguar këtë ‘shpërthim’ që mund të marrë edhe nota të rrezikshme, është e nevojshme që njeriu të bëjë patjetër diçka.

Gjëja më e mirë që mund të bëhet në këto raste është aktiviteti fizik.

Si të shuash zemërimin nëpërmjet aktivitetit fizik? 

Studimet të cilave u referohet AgroWeb.org thonë se ushtrimet kardio janë më të mirat për të shuar zemërimin dhe për të rikthyer humorin e mirë.

Sipas këtyre studimeve, pas vetëm 30 minutave aktivitet fizik të një intensiteti mesatar dhe të lartë, njeriu nuk ndihet më i/e zemëruar, ose mëson të përballojë dhe ta mbajë atë nën kontroll.

Aktiviteti fizik, sipas ekspertëve, nxit sekretimin e serotoninës, hormonit të përfshirë në mënyrë të drejtpërdrejtë në humorin e mirë.

Ekspertët sqarojnë se njerëzit që kanë prirjen të zemërohen shpejt, duhet të merren patjetër me aktivitet fizik në mënyrë që të çlirojnë sa më shumë stres dhe të mbajnë nën kontroll mendimet e dhunshme.

Përfitimet e tjera të aktivitetit fizik 

Sipas ekspertëve, ndikimi i aktivitetit fizik në organizëm vërehet shumë në këto 4 aspekte.

Lumturia

Studimet kanë treguar se aktiviteti fizik nxit rritjen e niveleve të serotoninës, dopaminës dhe endorfinës në trup.

Këto substanca janë të lidhura ngushtë me humorin dhe përçojnë emocione përgjithësisht pozitive.

Më pak ankth dhe stres

Kur trupi është në kthetrat e stresit apo panikut, ai çliron kortizol. Aktiviteti fizik ul sasitë e kortizolit në organizëm, thonë ekspertët.

Për më tepër, lëvizjet fizike qetësojnë muskujt dhe largojnë ankthin e përgjithshëm në trup.

Gjumë më i mirë

Aktiviteti i rregullt fizik përmirëson dhe rregullon ciklin e gjumit. Të qenit aktivë ju ndihmon të jeni më energjikë, t’ju zërë gjumi më shpejt dhe të flini më mirë.

Gjumi i mirë është një nevojë e madhe për rigjenerimin e mendjes dhe të trupit.

Do të ndiheni më mirë

Mënyra se si e shohim veten ka një ndikim të madh në atë çfarë ndiejmë apo në gjendjen tonë emocionale.

Kryerja e rregullt e aktivitetit fizik na ndihmon të investojmë tek vetja, përmirëson vetëbesimin dhe vlerat.

Arritja e objektivave për një trup më në formë, ofron sensin e arritjes dhe aftësisë.

Të qenit aktivë na ndihmon të krijojmë edhe një marrëdhënie më pozitive me imazhin që kemi për trupin tonë./AgroWeb.org 

Lifestyle

Si të ndaloni së krahasuari veten me të tjerët?

Published

on

A e krahasoni pamjen tuaj me njerëzit që ndiqni në Instagram? Ose mbase e krahasoni pagën tuaj me atë që fiton shoku juaj. Teoria e krahasimit social shpjegon se bërja e krahasimeve është e natyrshme.

Por, nuk ka të ngjarë të ndihmojë në rritjen e vetëbesimit tuaj. Mund të ketë edhe efektin e kundërt.

Një studim i vitit 2018 i botuar në Personality and Individual Differences gjeti një lidhje midis zilisë dhe mënyrës si ndihemi për veten.

Në mënyrë të veçantë, studiuesit vunë re se kur njerëzit e krahasojnë veten me të tjerët, përjetojnë zili, sa më shumë zili të kenë, aq më keq ndihen për veten e tyre. Si e ndërtoni vetëbesimin kur vini re se po bëni krahasime?

Së pari, kujtojini vetes se ta bësh këtë nuk është e dobishme. Të gjithë po vrapojnë në garën e tyre dhe jeta nuk është një garë.

Nëse ndiheni ziliqarë për jetën e dikujt tjetër, është e dobishme të mbani mend pikat e forta dhe sukseset tuaja.

Mbani një ditar mirënjohjeje për të kujtuar më mirë fushat në jetë ku jeni të bekuar, kjo ju ndihmon të përqendroheni në jetën tuaj kundrejt përqendrimit në jetën e të tjerëve.

Continue Reading

Lifestyle

Si të përdorni rigonin për shëndetin e flokëve dhe thonjëve?

Published

on

Rigoni është një erëzë e përdorur në kuzhinë dhe shumë e njohur në vendin tonë. Vendlindja e rigonit është Evropa, por ajo është përhapur ndjeshëm në shumë zona të botës.

Por, në artikullin e sotëm nuk do të flasim për rigonin si një përbërës që ju jep më shumë shije ushqimeve apo shëndet trupit.

Rigoni mund të përdoret fare mirë edhe për bukurinë e jashtme për flokë apo thonjë më të fortë.

Se si ta përdorni për të kuruar flokët ky artikull u’a tregon në vijim.

Për thonjtë e infektuar

Për të larguar infeksionet fungale nga thonjtë mjafton të përzieni gjysmë gote me kripë të trashë me një filxhan kafe sodë buke në një legen me ujë të vakët dhe zhysni këmbët apo duart në të. Lërini të qetësohen për 20-30 minuta e më pas thajini ato me një peshqir.

Merrni vaj rigoni në duar e lyeni gjithë zonën ku keni infeksionin. Ky ilaç i pazakontë mund të shkrijë yndyrën e barkut.

Në mënyrë që thonjë tuaj të shërohen, mundohuni të mos kenë lagështi e t’i lyeni me vaj 3 herë në ditë.

Kundër zbokthit dhe skalpit të thatë

Hidhni në duar  2-3 pika vaj rigoni, fërkoni mirë e masazhoni me kokën me lëvizje rrethore. Mund të shtobi edhe disa pika vaj bajamesh, kokosi apo ulliri. Lëreni këtë masë të veprojë në kokë për 45 minuta e më pas shplani flokët me shampo.

Gjithashtu mund të hidhni 2-3 pika vaj rigoni në shampon tuaj dhe ta masazhoni kokën disa minuta teksa lani flokët.

Për flokë të butë

Mjafton të përzieni në një gotë me ujë 1-2 lugë gjelle rigon të thatë e 1 lugë gjelle ekstrakt vanilje. Këtë masë ngroheni për 45 sekonda ose për 30 sekonda në mikrovalë e lëreni të ftohet. Hidheni masën në një shisha me spruco dhe spërkasni flokët pasi të dilni nga dushi.

Këtë trajtim duhet ta ruani të mbyllur në frigorifer për jo më shumë se 1 javë.

Përgatiti: A.Z. /UBT News/

Continue Reading

Lifestyle

Vjeshta po vjen! 4 hapa për një mendje të gjallëruar

Published

on

Vjeshta është stinë që të shumtë persona nuk e duan sepse ka shi. Në ditët e para të kësaj stine, njerëzit pastrojnë shtëpinë, dollapet dhe gjithçka tjetër materiale.

Pastrimi në thelb është diçka që nuk duhet orientuar vetëm tek sendet materiale që na rrethojnë.

Ne mund të pastrojmë edhe trurin. Po, trurin!

4 hapat për një mendje të gjallëruar

Bëni një gjumë të mirë – Gjumi është i një rëndësie thelbësore për shëndetin e trurit. Ai përmirëson kujtesën dhe vëmendjen.

Studimet thonë se mungesa e tij mund të shkaktojë dëmtime në tru duke shkatërruar qeliza dhe neurone të rëndësishme.

Kryeni aktivitet fizik – Të pasurit një formë të shëndetshme trupore në rini ka ndikim në aftësitë e të nxënit në moshën e mesme thotë një studim i Harvardit. Njerëzit mbipeshë pësojnë një humbje masive të volumit të trurit në moshën e tretë dhe të mëvonshme.

Aktiviteti fizik është i rëndësishëm sepse të bën më të zgjuar, thonë ekspertët.

Ushqehuni mirë – Një regjim i shëndetshëm ushqimor është i lidhur fort me shëndetin mendor. Problemet me kujtesën ndodhin rëndom si pasojë e mungesës së vitaminave të kompleksit B. Vitamina B12 është ndër më të rëndësishmet për shumë prej funksioneve nervore.

Truri ka nevojë edhe për acidet yndyrore.

Peshku, arrorët dhe farat janë ndër burimet më të rëndësishme të këtyre acideve.

Kujdesuni për stresin – Stresi është shkatërrimtar për trurin por edhe për imunitetin dhe cilësinë e gjumit e cila është kaq e nevojshme.

Ai është i paevitueshëm por i menaxhueshëm. Identifikoni burimin e stresit e përpiquni të gjeni mënyrat më të lehta për ta luftuar atë siç është meditimi por edhe frymëmarrja e thellë. Muzika është mënyrë e shkëlqyer për të hequr stresin dhe nxitur qetësinë mendore.

Continue Reading

Lifestyle

Hulumtimi 75 vjeçar nga Harvardi zbulon faktorin më të rëndësishëm për lumturinë e njerëzve

Published

on

A keni dëgjuar ndonjëherë për studimin e Harvardit, i cili ka zgjatë 75 vite vetëm për të zbuluar se çfarë na bën neve të lumtur? Është studim revolucionar në psikologji?

Studimi i ka monitoruar jetët e dy grupeve me meshkuj për mbi 75 vite, ka arritur të zbulojë faktorin më të rëndësishëm për lumturinë e njerëzve. Pra, çfarë na bën njerëzve të lumtur dhe të shëndetshme përgjatë jetës?

Nëse mendoni se fama dhe paratë, nuk jeni vetëm – por, sipas psikiatrit Robert Waldinger, e keni gabim.

Sipas Waldinger, faktori numër një i lumturisë dhe mirëqenies janë lidhjet e mira me tjerët, ky është mesazhi që e kishin marrë nga hulumtimi. Pra, parashikuesi më i mirë i lumturisë dhe përmbushjes së përgjithshme në jetën tuaj është dashuria.

Për të qenë më specifik, hulumtimi ka treguar se duke e pasur dikë në të cilin/cilën mbështetni ndihmon në relaksimin e sistemit nervor, dhe e ndihmon trurin të qëndrojë i shëndetshëm, e gjithashtu i zvogëlon dhimbjet emocionale.

Të dhënat e studimit kanë treguar se ata të cilët ndihen të vetmuar janë më të prirë të vuajnë nga shëndeti i dobët fizik më herët se tjerët dhe të vdesin më të rinj.

“Nuk është vetëm numri i miqve që ndikon në këtë, por është kualiteti i lidhjeve të afërta ai që ka rëndësi”, ka treguar Waldinger.

Continue Reading

Të kërkuara