Sport

Gjashtë vjet nga anëtarësimi i Kosovës në FIFA

Me 28 vota pro, 24 vota kundër dhe 2 vota të pavlefshme Kosova u pranua në UEFA dhe FIFA.

Published

3 years ago

on

Me datën 3 maj të vitit 2016 Kosova u anëtarësua në UEFA dhe misioni i Federatës së Futbollit të Kosovës u kompletua më 13 maj të vitit 2016, kur Kosova u pranua me shumicë votash si anëtare e FIFA-s.

Rrugëtimi deri në UEFA/FIFA

Pas viteve të 40-ta në varësi të statusit, futbolli u organizua si aktivitet shoqëror e shumë pak i përfshirë nëpër organizata, por kjo mund të quhet si një zanafillë e re në këtë drejtim.

Gjatë këtyre viteve shpërthyen shumë lojtarë që ishin talent, shumë trajnerë të shquar, por nuk munguan as tifozët.

Përkeqësimi i situatës politike ndikoi që më 20 gusht të vitit 1991 të themelohet Federata e Kosovës për të marrë hapa të mëdhenjë në këtë drejtim.

U krijua edhe një ligë e pavarur ku merrnin pjesë 20 skuadra në Ligën e Parë, ndeshja e parë u zhvillua më 13 shtator të vitit 1991 në stadiumin e Flamurtarit në Prishtinë.

Ishte një situatë e rëndë, luhej nëpër fusha të improvizuara por dëshira e madhe për futbollin i mbulonte të gjitha.

Federata kishte nisur qysh atëherë kontaktet me FIFA/UEFA por ata kishin hezitime, nuk kishte një përmirësim deri në janar të vitit 2014, kur FIFA e lejoi Kosovën të luajë ndeshje miqësore kundër shteteve që ishin anëtare të FIFA-së, në nivele përfaqësuesesh dhe klubesh, por me kusht që të mos luajë kundër përfaqësueseve dhe ekipeve nga shtetet e ish Jugosllavisë. Kosova u paraqit me fusnotë dhe pa simbole e himn shtetëror.

Pranimi në UEFA/FIFA

Me 28 vota pro, 24 vota kundër dhe 2 vota të pavlefshme Kosova u pranua në UEFA dhe FIFA. Tani e kishte anëtarësimin me të drejtat e plota në dy asosacionet më të mëdha në botën e futbollit dhe nga ajo ditë flamuri i Kosovës valon nëpër të gjitha aktivitetet botërore sportive.

“Kjo është një datë shumë e rëndësishme për ne, pasi sot jemi pjesë e FIFA-s. Të gjithë në Kosovë i gëzohen këtij vendimi të Kongresit të FIFA-s. E kemi pritur një kohë të gjatë këtë vendim dhe jemi shumë të lumtur. Ju premtoj se ne do t’i mbrojmë vlerat e futbollit”, kishte deklaruar atë kohë Fadil Vokrri, kryetari historik i FFK-së, pas Kongresit.

Kosova tani e ka zërin, votën dhe ndikimin në FIFA/UEFA./UBTNews/

Related Topics:
Continue Reading

Sport

Ndeshjet e sotme në Champions League, spikat super dueli City-PSG

Published

3 hours ago

on

January 22, 2025

By

Magjia e Champions League vazhdon sot me nëntë takime të tjera, të cilat janë pjesë e javës së shtatë të fazës së grupeve. Ndeshjet e sotme premtojnë shumë emocione, me disa përballje interesante që do të mbajnë tifozët ngjitës pas ekranit.

Në fokus të takimeve të sotme është përballja mes Mançester Sitit dhe PSG-së, një duel që pritet të jetë spektakolar dhe do të zhvillohet në orën 21:00. Kjo është padyshim supersfida e mbrëmjes, me dy nga ekipet më të fuqishme evropiane që do të luftojnë për fitore.

Përveç këtij dueli të rëndësishëm, do të zhvillohen edhe ndeshje të tjera me ekipe të njohura si Milani, Arsenali, Bajerni, Real Madrid dhe Interi, të cilët gjithashtu premtojnë emocione të forta për tifozët.

Një tjetër moment interesant do të jetë derbi kuqezi, pasi dy shqiptarët Qazim Laçi te Sparta e Pragës dhe Kristjan Asllani tek Interi pritet të nisin nga minuta e parë, duke i shtuar një tjetër ngjyrim kombëtar kësaj jave të Champions League.

Të gjithë këto përballje janë të rëndësishme për të avancuar më tej në garën më të prestigjioze të futbollit evropian./UBTNews/

 

Continue Reading

Sport

Përmbysje epike e Barcelonës në ‘Da Luz’, Liverpool perfekt, Atletico mposht Leverkusenin

Published

3 hours ago

on

January 22, 2025

By

Në një përballje të pabesueshme, Barcelona arriti të shënonte një fitore të jashtëzakonshme 4-5 në fushën e Benfikës, pas një ndeshjeje të mbushur me emocione dhe ndryshime dramatike.

Pavarësisht se vendasit kryesuan me dy gola diferencë për pjesën më të madhe të ndeshjes, ‘blaugranat’ e kthenin gjithçka në fund, duke realizuar tri gola të shpejtë në minutat e fundit të ndeshjes. Benfica e mori epërsinë që në minutën e dytë me një gol të Pavlidis, dhe vazhdoi ta mbajë atë deri në minutën e 78, kur rezultati ishte 4-2. Megjithatë, një paraqitje heroike e Barcelonës në fund të takimit, me dy gola nga Lewandowskin (nga penallti), një autogol të Araujo dhe një gol të Eric Garcias dhe Raphinhas, mundësuan përmbysjen epike.

Me këtë fitore, Barcelona siguron një vend mes tetë ekipeve më të mira dhe avancon më tej në garën për titullin.

Në ndeshjet e tjera të zhvilluara, Liverpool vijoi serinë e fitoreve, duke mundur Lille-n 2-1, ndërsa Bologna realizoi një përmbysje të madhe për të mposhtur Dortmundin 2-1. Atletico Madrid vazhdoi formën e mirë, duke mposhtur Leverkusenin 2-1. Ndërkohë, ndeshja tjetër pa gola ishte ajo mes Club Brugge dhe Juventus, ndërsa PSV mposhti Crvena Zvezdën 2-3 në një ndeshje tjetër interesante./UBTNews/

Rezultatet e plota të ndeshjeve:

  • Atl. Madrid – Leverkusen: 2-1
  • Benfica – Barcelona: 4-5
  • Bologna – Dortmund: 2-1
  • Club Brugge – Juventus: 0-0
  • Crvena Zvezda – PSV: 2-3
  • Liverpool – Lille: 2-1
  • S. Bratislava – Stuttgart: 1-3

 

Continue Reading

Sport

Liverpool-Lille: Formacionet e mundshme, Zhegrova mungon në ‘Anfield’

Published

19 hours ago

on

January 21, 2025

By

Kryesuesit e Premier Ligës dhe UEFA Champions League (UCL), Liverpool, rifillojnë angazhimet e tyre evropiane duke u mburrur me një rekord të përsosur prej gjashtë fitoresh nga gjashtë ndeshje, ndërsa zotërojnë rekordin më të mirë të mbrojtjes në këtë kompeticion me vetëm një gol të pësuar.

Ky gol i vetëm erdhi në ndeshjen e parë kundër Milanit në shtator, që do të thotë se ata mund të bëhen vetëm skuadra e dytë në historinë e Kupës Evropiane/UCL pas Leeds në 1969/70 që fiton gjashtë ndeshje radhazi pa pësuar gol.

“Të kuqtë” do të ballafaqohen me skuadrën franceze Lille në “Anfield Road” duke synuar fitoren e radhës për të vazhduar kështu dominimin në fazën e ligës së Ligës së Kampionëve.

Përballjet e Lille kundër skuadrave angleze i japin besim etiketës së tyre të dobët, pasi ata kanë fituar vetëm një nga dhjetë ndeshjet e fundit të UCL kundër tyre dhe kanë humbur gjashtë të fundit radhazi.

Sulmuesi kosovar Edon Zhegrova nuk do të luajë në këtë ndeshje për shkak të lëndimit.

Kjo ndeshje do të zhvillohet nga ora 21:00 dhe këto janë formacionet e mundshme:

Liverpool: Alisson; Bradley, Endo, Van Dijk, Robertson; Gravenberch, Mac Allister; Salah, Szoboszlai, Gakpo; Nunez.

Lille: Chevalier; Meunier, Diakite, Ribeiro, Ismaily; Andre, Bouaddi; Bakker, Cabella, Sahraoui; David.

Continue Reading

Sport

Lara Colturi shkëlqen në pistën italiane, renditet e katërta në garën e sllallomit gjigant

Published

21 hours ago

on

January 21, 2025

By

Lara Colturi, skiatorja shqiptare, ka arritur një paraqitje të shkëlqyer në garën e Kupës së Botës në ski për femra, që u zhvillua sot në pistën e Kronplatz në Itali. Ajo mori pjesë në disiplinën e sllallomit gjigant dhe u rendit e katërta, duke konfirmuar sërish nivelin e lartë të konkurrencës së saj.

Në përfundim të dy zbritjeve, Colturi mbeti jashtë podiumit vetëm për pak të mijtat, duke regjistruar një kohë totale prej 1’56”50. Pas zbritjes së parë, ajo u kualifikua në vendin e tetë me kohën 57”00, ndërsa në zbritjen e dytë arriti të përmirësojë rezultatin dhe të kalojë disa pozita, duke ndaluar kronometrin në 59”50.

Për këtë sezon, Colturi ka siguruar dy vende të dyta dhe një vend të pestë, duke u renditur gjithmonë ndër skiatoret më të mira. Paraqitja e saj e shkëlqyer, në veçanti në garën e sotme, tregon për një të ardhme premtuese për 18-vjeçaren shqiptare. Ajo ka treguar se ka kapacitetin të kalojë me sukses zbritjen e parë, gjithmonë duke konkurruar për pozita të larta dhe renditje ndër më të mirat./UBTNews/

Continue Reading

Të kërkuara