Sport

Gjashtë trajnerët në garë për çmimin e më të mirit të sezonit në Premier Ligë

Votat nga publiku do të kombinohen me ato të një paneli ekspertësh të futbollit.

Published

3 years ago

on

Gjashtë trajnerët më të mirë të sezonit 2022/23 tani janë nominuar për çmimin e trajnerit më të mirë të sezonit në Premier Ligë.

Tifozët kanë kohë deri më 22 maj në ora 13:00 me kohën tonë lokale që të zgjedhin favoritin mes Mikel Artetas, Roberto De Zerbit, Unai Emeryt, Pep Guardiolas, Eddie Howe dhe Marco Silvas.

Votat nga publiku do të kombinohen me ato të një paneli ekspertësh të futbollit për të vendosur fituesin, i cili do të shpallet më datën 30 maj.

Më poshtë i gjeni statistikat e deritanishme të secilit trajner të niminuar për ta fituar çmimin e më të mirit për sezonin 2022/23 të Premier Ligës.

Mikel Arteta (Arsenal) – 36 ndeshje – 25 fitore, gjashtë barazime dhe pesë humbje

Sezonin e kaluar nuk arriti ta sigurojë top 4, ndërsa këtë sezon garoi kokë më kokë me Manchester Cityn për titull. Një fitore më shumë do të barazojë rekordin e klubit për më së shumti brenda një sezoni, ndërkohë që “Topçinjtë” tashmë janë kualifikuar në Ligën e Kampionëve të sezonit të ardhshëm.

Roberto De Zerbi (Brighton) – 28 ndeshje – 13 fitore, gjashtë barazime dhe nëntë humbje

Pasi mori drejtimin në tetor, italiani ka lënë shenjën e tij te Brightoni, duke luajtur një futboll të shkëlqyer dhe duke sfiduar për një përfundim në top gjashtëshen, duke mposhtur Arsenalin, Manchester United dhe Liverpool gjatë sezonit.

Unai Emery (Aston Villa) – 23 ndeshje – 14 fitore, tre barazime dhe gjashtë humbje

Spanjolli ka shijuar një rikthim fantastik në Premier Ligë, duke marrë drejtimin e Aston Villas që ishte në zonën e rrezikut ndërsa tani po garon për një vend në garat evropiane në vendin e tetë.

Pep Guardiola (Manchester City) – 35 ndeshje – 27 fitore, katër barazime dhe katër humbje

Guardiola është në garë për t’u bërë vetëm trajneri i dytë në historinë e Premier Ligë, pas Sir Alex Ferguson, që fiton deri në katër çmime trajnerit më të mirë të sezonit. Skuadra e tij, Manchester City është në rrugën e duhur për të fituar tripletën.

Eddie Howe (Newcastle United) – 35 ndeshje – 18 fitore, 12 barazime dhe pesë humbje

Pasi e ndihmoi Newcastle United të largohej nga zona e rrezikut për të përfunduar në vendin e 11-të sezonin e kaluar, Howe e ka çuar ekipin e tij në vendin e tretë këtë sezon, si dhe duke e vënë në garë serioze për një vend në Ligën e Kampionëve të sezonit të ardhshëm.

Marco Silva (Fulham) – 36 ndeshje – 15 fitore, gjashtë barazime dhe 15 humbje

Pasi që siguroi hyrjen në Premier Ligë për sezonin 2022/23, Fulhami i Marco Silvas ka arkëtuar 51 pikë deri tani, dhe është në garë për të përfunduar në mesin e tabelës në këtë sezon.

Related Topics:
Continue Reading

Lajmet

Talenti kosovar i Bayern Munich, Erblin Osmani, viziton FFK-në dhe ndjek stërvitjen e Kombëtares

Published

14 hours ago

on

June 1, 2026

By

Futbollisti i ri dhe premtues kosovar, Erblin Osmani, i cili është pjesë e klubit gjerman Bayern Munich, ka vizituar sot Federatën e Futbollit të Kosovës (FFK).

Osmani, i cili po qëndron në Kosovë për pushimet verore, u prit në ambientet e FFK-së, ku pati rastin të njihet më nga afër me aktivitetet e federatës dhe të ndjekë seancën stërvitore të Kombëtares së Kosovës në stadiumin “Fadil Vokrri”.

Sipas FFK-së, vizita e tij përfaqëson lidhjen e fortë që talentët kosovarë, të cilët po zhvillojnë karrierën e tyre në klubet më të njohura evropiane, vazhdojnë ta ruajnë me vendlindjen.

Erblin Osmani konsiderohet një nga talentët e rinj që po ndërton karrierën e tij në futbollin evropian, ndërsa Federata e Futbollit e Kosovës e vlerësoi si pjesë të gjeneratës së re që po promovon Kosovën në arenën ndërkombëtare të futbollit.

FFK i ka uruar Osmanit suksese të mëtejshme dhe arritje të reja në karrierën e tij sportive.

 

Continue Reading

Sport

Dardanët rikthehen në stërvitje, fokus te sfida ndaj Andorrës

Published

19 hours ago

on

June 1, 2026

By

Kombëtarja e Kosovës ka rikthyer fokusin te sfida e radhës pas ndeshjes miqësore të zhvilluar të enjten në Pragë ndaj Çekisë. Dardanët kanë vazhduar përgatitjet për përballjen e ardhshme kundër Andorrës, me stafin teknik që po punon për ta mbajtur ekipin në formën optimale.

Seanca e sotme stërvitore u zhvillua në stadiumin Stadiumi Fadil Vokrri, ku morën pjesë 11 futbollistë. Ndërkohë, pjesa tjetër e skuadrës ndoqi një program rigjenerues në hotel, pas angazhimit në ndeshjen e fundit ndaj Çekisë.

Stërvitja u fokusua në aspektet taktike dhe fizike, ndërsa atmosfera në kampin e Kosovës mbetet pozitive para miqësores së dytë. Stafi teknik synon të shfrytëzojë këto ditë për të përgatitur sa më mirë ekipin dhe për t’u dhënë mundësi lojtarëve të ruajnë ritmin e garës.

Dardanët do të vazhdojnë me seancat stërvitore në ditët në vijim, me fokus maksimal te ndeshja kundër Andorrës, e cila do të shërbejë si një tjetër test i rëndësishëm për ekipin kombëtar.

Continue Reading

Sport

Nga Drenica te Napoli, rrugëtimi i jashtëzakonshëm i Amir Rrahmanit

Published

19 hours ago

on

June 1, 2026

By

Kapiteni i Kosovës, Amir Rrahmani, vazhdon të shkëlqejë në futbollin italian, duke u konfirmuar si një nga mbrojtësit më të mirë në Serie A. Pas një sezoni të jashtëzakonshëm me SSC Napoli, ai është përfshirë në formacionin më të mirë të sezonit 2025/26 nga SofaScore, falë paraqitjeve të qëndrueshme dhe rolit të tij kyç në repartin defensiv të skuadrës napolitane.

Rrahmani, i lindur në Prishtinë më 24 shkurt 1994, karrierën e nisi në Kosovë me Ramiz Sadikun dhe Drenicën, për të vazhduar më pas te Partizani në Shqipëri. Më vonë ai u transferua në Kroaci, ku luajti për RNK Split dhe Dinamo Zagreb, duke fituar dy tituj kampionë dhe Kupën e Kroacisë. Pas aventurës së suksesshme te Hellas Verona, në vitin 2020 ai iu bashkua Napolit, ku u shndërrua në një nga lojtarët më të rëndësishëm të skuadrës.

Me Napolin, Rrahmani ka fituar dy tituj të Serie A dhe është bërë një nga liderët e ekipit. Deri më tani ai ka zhvilluar mbi 180 ndeshje me fanellën e klubit italian dhe ka realizuar më shumë se 10 gola, shifra mbresëlënëse për një mbrojtës qendror. Në sezonin e fundit ai u dallua veçanërisht në fitoren 3:0 ndaj Pisës, ku u shpall “Lojtari i Ndeshjes”. Mbrojtësi kosovar realizoi një gol me kokë pas asistimit të Eljif Elmasit dhe u vlerësua me notën 9.3 nga SofaScore, pasi përveç golit dominoi edhe në fazën mbrojtëse.

Përveç suksesit në nivel klubesh, Rrahmani mbetet një figurë kyçe për Përfaqësuesen e Kosovës. Si kapiten i ekipit kombëtar, ai ka zhvilluar dhjetëra ndeshje ndërkombëtare dhe ka kontribuar me disa gola, duke u shndërruar në një nga futbollistët më të rëndësishëm në historinë e futbollit kosovar.

Në një intervistë të fundit për Radio CRC, Rrahmani foli për lidhjen e tij të veçantë me Napolin, duke deklaruar se pas kaq shumë vitesh në qytetin italian, ai e konsideron Napolin si shtëpinë e tij të parë. Ai gjithashtu theksoi se synon të vazhdojë të kontribuojë për klubin dhe të arrijë sa më shumë paraqitje me fanellën e kaltër.

Falë profesionalizmit, paraqitjeve të qëndrueshme dhe rolit të liderit si te Napoli ashtu edhe te Kosova, Amir Rrahmani vazhdon të jetë një nga emrat më të respektuar të futbollit shqiptar në arenën ndërkombëtare.

Continue Reading

Sport

Gresa Bakraqi fiton medaljen e argjendtë në Kampionatin Evropian në Monako

Published

19 hours ago

on

June 1, 2026

By

Atletja kosovare Gresa Bakraqi ka arritur një sukses të rëndësishëm ndërkombëtar, duke fituar medaljen e argjendtë në Kampionatin Evropian të shteteve në zhvillim, që u mbajt në Monako.

Bakraqi shkëlqeu në disiplinën e 1500 metrave, ku siguroi vendin e dytë dhe medaljen e argjendtë, duke u bërë e vetmja garuese nga Kosova që u ngjit në podium në këtë kampionat.

Atletja kosovare, e cila është bursiste e Komiteti Olimpik i Kosovës në kuadër të programit për përgatitjet drejt Lojërat Olimpike Los Angeles 2028, vazhdon të tregojë formë të lartë dhe potencial të madh në arenën ndërkombëtare.

Suksesi i Bakraqit përbën një tjetër arritje të rëndësishme për atletikën kosovare dhe një motiv shtesë për përfaqësimin e Kosovës në garat e ardhshme evropiane dhe botërore.

Me këtë rast, urime për medaljen e fituar iu drejtuan Gresës dhe Federata Atletike e Kosovës për paraqitjen e suksesshme në këtë kampionat.

Continue Reading

Të kërkuara