Kronikë e zezë

Gjashtë raste të dhunës në familje brenda 24 orëve në Kosovë

Published

on

Në raportin një ditor të Policia e Kosovës, brenda 24 orëve të fundit janë raportuar gjashtë raste të dhunës në familje.

Dy raste janë regjistruar në Gjakovë, dy në Prishtinë, një në Pejë dhe një në Rahovec.

Në rastin e parë në Gjakovë një burrë është arrestuar pasi ka sulmuar viktimën grua. Viktima ka pësuar lëndime të lehta trupore ndërsa i dyshuari me vendim të prokurorit është dërguar në mbajtje.

Ndërsa, në rastin e dytë është arrestuar një burrë dhe një grua pasi që të njëjtit pas një mosmarrëveshje janë përleshur mes veti. Viktimat nuk kanë pranuar tretman mjekësor, ndërsa Policia njofton se në vendin e ngjarjes ka konfiskuar një thikë. I dyshuari burrë pas intervistimit është dërguar në mbajtje ndërsa e dyshuara është liruar.

Ndërkohë, në dy raste të ndara në Prishtinë, në njërin rast është raportuar se një femër është sulmuar fizikisht nga i dashuri i saj. Palët janë intervistuar dhe me vendim të prokurorit rasti ka vazhduar në procedurë të rregullt.

Në rastin tjetër në Prishtinë, një mashkull dyshohet se ka ushtruar dhunë psikike ndaj nënës së tij dhe ka demoluar shtëpinë. Edhe në këtë rast, pas intervistimit të palëve, me vendim të prokurorit rasti vazhdon në procedurë të rregullt.

Në Pejë, dy viktima, nënë e djalë, kanë raportuar se djali, respektivisht vëllai i tyre, ka ushtruar dhunë fizike ndaj tyre. I dyshuari, i cili ishte nën ndikimin e alkoolit, gjatë arrestimit nuk u është bindur urdhrave të policisë dhe ka sulmuar fizikisht dy zyrtarë policorë. Me vendim të prokurorit i dyshuari është dërguar në mbajtje.

Ndërsa në Rahovec është arrestuar një femër, pasi dyshohet se ka dëbuar nga shtëpia bashkëshortin e saj dhe e ka kanosur atë. Me vendim të prokurorit, pas intervistimit, e dyshuara është liruar në procedurë të rregullt.

Continue Reading

Kronikë e zezë

Gjashtë raste të dhunës në familje raportohen brenda dy ditëve në Kosovë

Published

on

By

Policia e Kosovës ka raportuar disa raste të dhunës në familje gjatë 8 dhe 9 qershorit, ku janë përfshirë konflikte verbale, dhunë fizike dhe keqtrajtim ndaj viktimave.

Në Obiliq, një burrë ka raportuar se është fyer dhe ofenduar nga bashkëshortja e tij. Të dy palët janë intervistuar nga policia dhe, në konsultim me prokurorin, rasti është proceduar në procedurë të rregullt.

Një rast tjetër është raportuar në Pejë, ku një e mitur ka deklaruar se është dhunuar fizikisht nga një i dyshuar, i cili më pas ishte larguar nga shtëpia. I dyshuari është paraqitur në stacion policor dhe, pas intervistimit, me urdhër të prokurorit është liruar në procedurë të rregullt.

Në Istog janë regjistruar dy raste të ndara. Në rastin e parë, një grua ka raportuar se ishte sulmuar fizikisht nga një i dyshuar. Pas intervistimit, i dyshuari është liruar në procedurë të rregullt me urdhër të prokurorit.

Ndërkaq, në rastin e dytë në Istog, policia ka arrestuar një burrë nga Kosova dhe një shtetase të Shqipërisë, pasi dyshohet se ishin përleshur mes vete. Të dy kanë marrë trajtim mjekësor. Me vendim të prokurorit, burri është dërguar në mbajtje, ndërsa gruaja është liruar.

Në Gjakovë, policia ka arrestuar një të dyshuar nën dyshimin për keqtrajtim të një viktime. Viktimës i është ofruar ndihmë mjekësore, ndërsa i dyshuari, pas intervistimit, është dërguar në mbajtje me vendim të prokurorit.

Ndërkohë, në Malishevë është arrestuar një person i dyshuar për ushtrim të dhunës fizike dhe psikike ndaj një gruaje. Pas intervistimit dhe konsultimit me prokurorin, ai është liruar në procedurë të rregullt.

Policia e Kosovës vazhdon t’u bëjë thirrje qytetarëve që të raportojnë çdo rast të dhunës në familje dhe të bashkëpunojnë me institucionet për parandalimin e kësaj dukurie shqetësuese.

Continue Reading

Lajmet

Kontrabandim në pejë, sekuestrohen mallra rreth 30 mijë euro

Published

on

Sipas raportit policor, të martën në pejë  rreth orës 10:00, njësitë relevante të policisë në bashkëpunim me prokurorinë themelore në pejë, inspektorët e administratës tatimore të kosovës dhe njësinë anti-kontrabandë të doganës së kosovës kanë realizuar një kontroll në objektin dhe veturën e një të dyshuari mashkull kosovar.

Gjatë kontrollit janë gjetur dhe sekuestruar mallra të ndryshme elektronike të dyshuara si të kontrabanduara, përfshirë pajisje samsung, një ipad, 160 koka mbushëse të tipit apple 20, 13 telefona iphone modele të ndryshme, 13 telefona celularë të tjerë, si dhe 2 apple watch.

Sipas vlerësimit, mallrat e sekuestruara kapin vlerën rreth 30,000 euro.

I dyshuari, pas intervistimit dhe me udhëzim të prokurorit, është liruar në procedurë të rregullt, ndërsa lënda do të trajtohet nga organet kompetente./A.K/

Continue Reading

Lajmet

Arratisje nga qendra korrektuese në lipjan – dy të arrestuar, njëri i mitur

Published

on

Sipas raportit policor, në lipjan më 09.06.2026 rreth orës 09:15 janë arrestuar dy të dyshuar meshkuj kosovarë, njëri prej tyre i mitur, nën dyshimin se janë arratisur nga qendra korrektuese në lipjan.

Sipas të njëjtit raport, të dyshuarit dyshohet se janë larguar derisa ishin duke e shfrytëzuar kohën e shëtitjes brenda oborrit të qendrës korrektuese.

Pas arrestimit dhe intervistimit, të dyshuarit janë dërguar sërish në qendrën korrektuese, ndërsa për rastin është njoftuar prokurori kompetent./A.K/

Continue Reading

Lajmet

Pesë të arrestuar në operacionin “White Star”, sekuestrohen armë, drogë dhe pasuri e madhe

Published

on

Pesë persona janë arrestuar gjatë një operacioni të Policisë së Kosovës dhe Prokurorisë Speciale, i zhvilluar në disa qytete të vendit nën emrin “White Star”.

Aksioni është realizuar në Prishtinë, Pejë, Prizren, Viti dhe Drenas, nën mbikëqyrjen e Prokurorisë Speciale dhe në bazë të urdhrit të Gjykatës Themelore.

Të dyshuarit janë ndaluar me vendim të prokurorit special për 48 orë, nën dyshimin për pjesëmarrje ose organizim të grupit kriminal të organizuar, si dhe për blerje, posedim, shpërndarje dhe shitje të paautorizuar të narkotikëve dhe përfshirje në pastrim parash.

Gjatë kontrolleve në lokacione të ndryshme janë sekuestruar:

  • 6 armë zjarri
  • 5 karikatorë dhe 239 fishekë
  • Lëndë narkotike (kokainë dhe fara marihuane)
  • 25 telefona mobilë
  • 7,595 euro para të gatshme
  • 10 automjete dhe 1 motoçikletë
  • 10 kompjuterë
  • 13 USB dhe 1 DVR
  • 16 ora dore

Operacioni është mbështetur nga EUROPOL-i dhe autoritetet e Belgjikës, Francës dhe Holandës, të cilat kanë qenë të pranishme dhe kanë monitoruar zhvillimin e aksionit në terren së bashku me prokurorin e rastit.

Prokuroria Speciale dhe Policia e Kosovës kanë theksuar se ky operacion paraqet goditje të rëndësishme ndaj krimit të organizuar dhe se veprimet hetimore do të vazhdojnë në drejtim të zbardhjes së plotë të rastit dhe identifikimit të të gjithë të përfshirëve. /A.K/

Continue Reading

Të kërkuara