Lajmet

Gjashtë këshilla të rëndësishme për gjunjë më të fortë

Në këtë artikull do të mësoni këshillat më të mira për të përmirësuar shëndetin e gjunjve.

Published

4 years ago

October 16, 2021

Betim Gashi

Gjunjtë janë nyjet më të mëdha të trupit të njeriut. Ato ofrojnë mbështetje, fleksibilitet dhe qëndrueshmëri. Shëndeti i gjunjëve përkeqësohet me kalimin e moshës duke ndikuar fort në lëvizshmërinë e njeriut. Shëndeti i gjunjëve rrezikohet nga shumë faktorë siç janë nivelet e larta të kripës, përdorimi i tepruar i pijeve, osteoartriti dhe mungesa e ushqyesve. Në këtë artikull do të mësoni këshillat më të mira për të përmirësuar shëndetin e gjunjëve.

Më shumë kalçium: Kalçiumi është i rëndësishëm për forcimin e kockave dhe parandalimin e osteoporozës. Kalçiumi mund të merret nëpërmjet suplementëve ose duke konsumuar më shumë barishte, sardele, bajame dhe produkte të bulmetit.

Më shumë not: Njerëzit që kanë probleme me gjunjtë duhe të kryejnë aerobi të një intensiteti të lehtë për të forcuar kockat. Megjithatë, noti mbetet aktiviteti më i mirë fizik për gjunjtë. Njerëzit rekomandohet të notojnë gjysëm ore në ditë për 5 ditë të javës por mos e stërmundoni trupin. Përveç notit, njeriu mund të bëjë edhe ushtrime specifike që shënjestrojnë gjurin dhe kockat të cilat duhen bërë me ndihmën e një trajneri profesionist.

Vitamina D: Mungesa e vitaminës D shkakton probleme në përthithjen e kalçiumit. Ekspozimi në diell rrit nivelet e vitaminës D në trup, ndaj ekspertët rekomandojnë ekspozimin në diellin e mëngjesit për të paktën 15 minuta. Vaji i mëlçisë së merlucit, e verdha e vezës dhe produktet e bulmetit ju ndihmojnë të rrisni sasinë e vitaminës D në trup.

Vaji i Peshkut: Ky suplement është shumë i pasur me acide yndyrore omega-3. Për rrjedhojë, vaji i peshkut përmirëson dendësinë e kockave dhe lufton inflamacionin. Përveç këtij suplementi, ju mund të hani më shumë skumbri, salmon dhe peshk ton.

Vitamina C: Kjo vitaminë është thelbësore për sintetizimin e kolagjenit që mbështjell kockat. Kjo vitaminë është e rëndësishme sepse ul rrezikun e frakturave dhe përmirëson dendësinë kockore. Ushqime të pasura me këtë vitaminë janë: brokoli, portokallet, frutat e pyllit, kivi, specat, limoni, spinaqi dhe lulelakra. Përpos tyre, ekspertët këshillojnë edhe konsumin e ushqimeve që luftojnë inflamacionin në mënyrë natyrale. Këto përfshihen: patatet e ëmbla, avokadot, farat e linit, xhenxhefili, spinaqi dhe vaji i ullirit.

Kujdes me peshën: Pesha e tepërt është stërmunduese për gjunjtë dhe rrjedhimisht ndikon tek lëvizshmëria. Njerëzit që janë mbipeshë duhet të ushtrohen rregullisht dhe të ushqehen shëndetshëm për të arritur objektivin e humbjes së kilogramëve të tepërt./GazetaShëndeti

Aktualitet

Çitaku kritikon MPJD për arrestimin e ish-ushtarit të UÇK-së në Serbi

Published

46 minutes ago

July 23, 2025

UBT News

Sekretarja e përgjithshme e PDK-së, Vlora Çitaku ka reaguar lidhur me arrestimin e ish-ushtarit të UÇK-së në Serbi, Lulzim Halili duke thënë se misionet diplomatike duhet të jenë më të angazhuara për lirimin e ish-ushtarëve të UÇK-së nga autoritetet serbe.

Çitaku u shpreh se liria e lëvizjes duhet të jetë e garantuar, teksa kërkoi aktivizimin e misioneve diplomatike.

“Sigurisht që ne i ndjekim, e kemi parë dhe është lajm jashtëzakonisht shqetësues. Fatkeqësisht kjo tashmë është shndërruar në lajm të rregullt, sepse nuk është rasti i parë ka edhe ushtarë të tjerë të Ushtrisë Çlirimtare të Kosovës që po mbahen tash e disa muaj nëpër burgjet e Serbisë. Qeveria e Republikës së Kosovës, kjo në largim duhet të jetë shumë më aktive. Misionet tona diplomatike duhet të jenë shumë më të angazhuara në mënyrë që të vihen në funksion mekanizmat ndërkombëtarë për lirimin e tyre. Ata nuk janë njerëz pa atdhe, nuk duhet të trajtohen si njerëz pa atdhe, si njerëz pa institucione, si njerëz për fatin e të cilëve nuk brengoset askush”, tha ajo për media.

Kritika pati për Ministrinë e Punëve të Jashtme, për çka Çitaku tha se në vend se të merret me beteja të vogla të brendshme, duhet të jenë në funksion të qytetarëve.

Sipas Novosti-it, ish-luftëtarit të UÇK-së iu caktua masa e ndalimit prej 48 orëve nga Zyra e Prokurorit për Krime të Luftës. /Telegrafi

Aktualitet

Dështon përpjekja e 51-të për konstituim të Kuvendit

Published

48 minutes ago

July 23, 2025

UBT News

Edhe në përpjekjen e 51-të për konstituim të Kuvendit seanca dështoi nga kryesuesi Avni Dehari i cili ia ndërpreu fjalën deputetes Ganimete Musliu, ndërkaq që kanë mbetur edhe pak ditë deri te përfundimi i afatit kushtetues.

Deputetja e PDK-së Ganimete Musliut e nisi fjalimin e saj me “Nëse ke pak moral njerëzor…”, dhe kjo bëri që kryesuesi Dehari të ia ndërpres fjalën.

Musliu iu afrua fizikisht Deharit, u fjalosën dhe kryesuesi e shpalli të ndërprerë seancën duke ftuar deputetët të mblidhen sërish pas 48 orësh, më 25 korrik.

Kjo ka vë në pah se edhe më tej nuk ka pajtueshmëri midis Lëvizjes Vetëvendosje në njërën anë dhe partive të tjera në anën tjetër, për formimin e një komisioni për votim të fshehtë të kandidates për kryetare të Kuvendit, Albulena Haxhiu.

Kryeministri në detyrë Albin Kurti në fillimet e seancës nuk foli për media por vetëm kaloi në heshtje pranë gazetarëve,kurse ministri në detyrë, Hekuran Murati, nuk e ka komentuar kërkesën e presidentes Osmani drejtuar Gjykatës Kushtetuese, para seancës së 51-të konstituive.

Nga rradhët e PDK-së, deputetja Blerta Deliu-Kodra kritikoi Vetëvendssojen për moskonstitumi të Kuvendit të Kosovës, duke thënë se Kosova dhe qytetarët e saj po vuajnë për shkak të paaftësisë së tyre.

Kryetari i AAK-së, Ramush Haradinaj, ka thënë se gjendja nuk është e mirë, por sipas tij, pas kërkesës së presidentes që t’i drejtohet Gjykatës Kushtetuese lidhur me pasojat juridike që mund të lindin nëse Kuvendi i ri nuk konstituohet brenda 30-ditësh, krijohet hapësirë edhe disa ditë për Lëvizjen Vetëvendosje.

Gjithashtu edhe Kryetari i Nismës Socialdemokrate, Fatmir Limaj deklaroi se nuk do të kontribuojnë në zgjidhje gjysmake që do të shkaktonin zgjedhje duke theksuar se konstituimi i kuvendit pa pasur shumicë parlamentare mund të pasojë me zgjedhje të parakohshme.

Gjykata ka vendosur që deputetët e zgjedhur janë të obliguar që brenda 30 ditësh afat kohor që nga hyrja në fuqi e këtij aktgjykimi, të përfundojnë seancën konstituive përmes zgjedhjes së Kryetarit dhe nënkryetarëve të Kuvendit që i bie me datë 26 korrik.

Aktualitet

Musliu ia largoi mikrofonin Deharit, ndërpritet seanca

Published

1 hour ago

July 23, 2025

UBT News

Është ndërprerë seanca e sotme konstituive e Kuvendit të Kosovës me vendim të kryesuesit, Avni Dehari, pasi deputetja e PDK-së, Ganimete Musliu ia largoi mikrofonin. Dehari pasi këtij veprimi të Musliut tha se e ndërpret seancën dhe e njëjta vazhdon me 25 korrik në orën 11:00.

Paraprakisht, Musliu mori fjalën në emër të PDK-së për të propozuar anëtarin e komisionit verifikues për votim të fshehtë të kryeparlamentarit, mirëpo asaj ia ndali fjalën Dehari.

Kjo nxiti Musliun t’i shkojë te hapësira e kryesuesit të seancës duke ia marrë mikrofonin dhe ndal fjalën atij.

Aktualitet

Nura nga PDK: E votoj Limajn për kryetar të Kuvendit

Published

2 hours ago

July 23, 2025

UBT News

Deputeti i Partisë Demokratike të Kosovës, Jakup Nura, ka thënë se do të votonte Fatmir Limajn për kryetar të Kuvendit të Kosovës. Ai tha se lideri i Nisma Socialdemokrate është më i devotshëm sesa gjysma e deputetëve të LVV-së.

Nura duke hyrë në objektin e Kuvendit, në përpjekjen e 51-të për konstituimin e legjislaturës së nëntë, përsëriti qëndrimin e PDK-së se nuk do të votojnë për kryeparlamentar asnjë deputet të LVV-së i cili ka qenë anëtarë i kabinetit qeveritar, përfshirë edhe kandidaten e tanishme të LVV-së, Albulena Haxhiu.

“PDK e voton Fatmir Limajn duke e ditur se ai është më i devotshëm dhe ka dinjitet se gjysma e deputetëve të Lëvizjes Vetëvendosje. Ne kemi një qëndrim se vetëm ministrat nuk do t’i votojmë. Fatmir Limaj do të e meritonte votën e PDK-së”, tha Nura për media.