Lajmet

Gjashtë gjërat që i ndodhin trupit tuaj nëse konsumoni çdo ditë lëng selinoje!

Disa përfitime që merrni nga konsumi i lëngut të selinosë çdo ditë.

Published

on

Selinoja është shumë e pasur në fibra, gjë që na bën të ndihemi të plotësuar për një kohë të gjatë. Lëngu i selinosë përmban shumë pak sheqer dhe kalori.

Më poshtë ju rendisim disa përfitime që merrni nga konsumi i lëngut të selinosë çdo ditë:

Parandalon problemet me shikimin
Selinoja është shumë e pasur me vitaminë A dhe kjo vitaminë luan një rol kritik në shikimin tonë. Mbron sipërfaqen e syrit nga bakteret dhe viruset. Vitamina A gjithashtu ndihmon në parandalimin e zhvillimit të problemeve që lidhen me shikimin.

Redukton rrezikun nga kanceri
Selinoja përmban luteolinë dhe studiuesit kanë zbuluar se ky element dobëson qelizat e kancerit dhe i bën ato më të ndjeshëm ndaj trajtimit. Selinoja është përdorur me kohë në mjekësinë kineze si një agjent kundër kancerit.

Neutralizon ushqimin acid
Selinoja është e pasur me elemente si hekuri, magnezi dhe natriumi që i japin selinosë vetitë e tij të forta alkalizuese. Me fjalë të tjera, ajo mund të neutralizojë ushqimet acidike duke ndihmuar kështu të ruajmë një ekuilibër të shëndetshëm të pH në trupin tonë. Konsumimi i shumë ushqimeve me natyrë acidike mund të shkaktojë të gjitha llojet e problemeve shëndetësore si përkeqësimi i kockave, gurët në veshka problemet e mëlçisë dhe zemrës.

Rregullon ekuilibrin e lëngjeve
Selinoja është shumë e pasur në kalium dhe ky mineral luan një rol të rëndësishëm në shumë procese në trupin tonë. Shkencëtarët besojnë se kaliumi është minerali i tretë më i rëndësishëm për trupin tonë.

Ne jemi bërë nga rreth 60% ujë dhe 40% e këtij uji gjendet brenda qelizave tuaja, ndërsa pjesa tjetër është jashtë qelizave, në lëngun tuaj kurrizor, gjakun dhe midis qelizave tuaja. Ky nivel uji brenda dhe jashtë qelizave tuaja është kritike dhe preket nga përqendrimi i elektroliteve. Kaliumi shpërndahet në ujë dhe sillet në sistemin tonë si një elektrolit me ngarkesë pozitive, duke rregulluar nivelin e ujit brenda qelizave.

Parandalon diabetin e tipit 2
Diabeti i tipit 2 po bëhet një problem serioz shëndetësor për botën moderne. Vlerësohet se deri në vitin 2030, më shumë se 400 milion njerëz në të gjithë botën do të vuajnë nga kjo sëmundje. Selinoja është një nga mënyrat natyrale për ta parandaluar atë që të mos ndodhë. Ai përmban shumë vitaminë K dhe një studim ka vërtetuar se vitamina K përmirëson ndjeshmërinë tonë ndaj insulinës.

Është e pasur në folat
Folati është një nga vitaminat e grupit B dhe është një element thelbësor për qelizat e kuqe dhe të bardha të gjakut në palcën e eshtrave. Ai gjithashtu luan një rol të rëndësishëm në shndërrimin e karbohidrateve në energji, prishjen e proteinave dhe prodhimin e ADN-së. Vetëm një filxhan lëng selino përmban 145 mikrogramë folate që është mbi 36% e konsumit të rekomanduar për burra dhe gra dhe 29% për gratë shtatzëna dhe ato që ushqejnë me gji./neps.al

Lajmet

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Published

on

By

Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.

Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.

Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.

Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.

Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.

Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.

Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.

Continue Reading

Lajmet

KQZ: Fillon periudha për aplikim të partive për zgjedhjet lokale

Published

on

By

Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.

Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.

“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.

Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.

Continue Reading

Lajmet

Falsifikim parash në Prishtinë, arrestohet një person

Published

on

By

Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.

Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.

Pas intervistimit, me vendim të prokurorit, i dyshuari është dërguar në mbajtje.

Continue Reading

Lajmet

Gjashtë raste dhune në familje brenda një dite, tre të dyshuar në mbajtje

Published

on

By

Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.

Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.

Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.

Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.

Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.

Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Continue Reading

Të kërkuara