Kulturë

Gisele Bündchen nuk do të rikthehet në pasarelë

Bündchen i tha Elle se ajo ka “zero dëshirë” për të filluar sërish modelimin në pasarelë.

Published

on

Supermodelja braziliane, Gisele Bündchen, është e lumtur që e ka lënë ecjen në pistë pjesë të së kaluarës.

42 vjeçarja u largua nga pasarela në vitin 2015 për të kaluar kohë në Boston me bashkëshortin e saj, Tom Brady – duke u kthyer vetëm një herë, për të përfaqësuar vendin e saj gjatë ceremonisë së hapjes së Lojërave Olimpike 2016 në Rio de Zhaneiro.

Ish-engjëlli i Victoria’s Secret dhe kampioni shtatë herë në Super Bowl janë prindër të Benjamin 12 dhe Vivian, 9 vjeç. Ata tani jetojnë në Florida, ndërsa Brady luan për Tampa Bay Buccaneers.

Pavarësisht nëse Brady do të tërhiqet përgjithmonë nga sporti, Bündchen i tha Elle se ajo ka “zero dëshirë” për të filluar sërish modelimin në pasarelë.

“Më besoni, çdo vit [dizajnuesit] pyesin: ‘Të lutem, Gisele, ec në pasarelë’, tha ajo. Megjithatë, ajo do të vazhdojë të punojë vetëm në fotosesione.

“Është shumë e lehtë për mua të shkoj atje dhe të krijoj një personazh dhe ta luaj atë rol për ditën”, tha Bündchen për pozimin në xhirime. “Më nxit… ndihem e frymëzuar të shkoj dhe të krijoj gjëra më të bukura në botë në mënyra të ndryshme gjithashtu”.

Ajo foli gjithashtu lidhur me raportimet e fundit se rikthimi i Tom Brady-t nga pensionimi ka nxitur probleme në familjen e tyre.

“Ky është një sport shumë i dhunshëm dhe unë kam fëmijët e mi dhe do të doja që ai të ishte më i pranishëm”, i tha ajo Elle, duke shtuar,“Në fund të fundit, mendoj se të gjithë duhet të marrin një vendim që funksionon për [ata]. Ai gjithashtu duhet të ndjekë gëzimin e tij”.

Vazhdoi supermodelja, “Unë kam bërë pjesën time, që është [të] jem aty për [burrin tim]. U transferova në Boston dhe u fokusova në krijimin e një mjedisi të dashur për fëmijët e mi ku të rriteshin dhe të ishin atje duke e mbështetur atë dhe ëndrrat e tij”./UBTNews/

Continue Reading

Lifestyle

Si të kujdeseni për flokët, sa shpesh duhet të priten?

Published

on

Prerja e flokëve është një pjesë thelbësore e kujdesit personal, dhe mënyra se si bëhet duhet të përshtatet me tipin e flokëve dhe stilin që dëshironi.

Edhe pse çdo person ka nevojat e tij, ekspertët rekomandojnë disa udhëzime për t’i mbajtur flokët të shëndetshëm dhe të bukur.

Flokët e shkurtër kërkojnë më shumë vëmendje dhe duhen prerë çdo 3-7 javë, në varësi të shpejtësisë së rritjes.

Nëse dëshironi të ruani një gjatësinë të caktuar, mund ta shtyni pak më shumë prerjen, deri në 4-5 javë.

Flokët e gjatë mund të presin më shumë, çdo 2-3 muaj, përveçse nëse janë shumë të dëmtuar.

Majat e flokëve të gjatë janë më të ndjeshme ndaj dëmtimit, ndaj prerjet e rregullta ndihmojnë në ruajtjen e shëndetit të tyre.

Flokët kaçurrela kërkojnë më pak prerje, çdo 10 javë, flokët me onde kanë nevojë për prerje më të shpeshtë për të hequr majat e dëmtuara.

Flokët e dëmtuar janë më të ndjeshëm dhe duhen prerë çdo 8 javë për të larguar majat e djegura e stimuluar rritjen e flokëve të rinj.

Për të pasur flokë të shëndetshëm dhe të bukur, është e rëndësishme të merrni parasysh jo vetëm stilin që dëshironi, por edhe gjendjen dhe ritmin e rritjes së flokëve tuaj. /A.Z/UBT News/

Continue Reading

Kulturë

Del në ankand rezidenca verore e Benito Musolinit në Rimini

Published

on

Rezidenca verore e ish-diktatorit italian Benito Musolini, e njohur si “Villa Mussolini”, që ndodhet pranë qytetit Rimini në bregdetin e Adriatikut, do të dalë në ankand, raportojnë mediat italiane.

Pronari aktual ka vendosur ta nxjerrë vilën në shitje, ndërsa ofertat mund të paraqiten deri më 22 dhjetor.

Bashkia e Rixhonës ka shfaqur interes për të blerë pronën, që është përdorur falas për aktivitete kulturore dhe ekspozita, me leje nga pronarët e mëparshëm.

Bashkia synon ta blejë përfundimisht dhe të kryejë restaurime në ndërtesë.

Vila, e ndërtuar rreth vitit 1890, përfaqëson stilin tipik të shtëpive të pushimit në bregdetin e Adriatikut. Pronësia e saj ka ndryshuar disa herë, derisa në vitin 1934, Rakele Musolini, bashkëshortja e diktatorit, e bleu dhe e shndërroi në rezidencë verore të familjes.

Pas ekzekutimit të Musolinit nga partizanët italianë në 1945 dhe përfundimit të Luftës së Dytë Botërore, vila kaloi në pronësi të shtetit.

Edhe pse emri i pronës ka qenë shkak debatesh dhe polemikash, bashkia e Rixhonës ka vendosur të ruajë emrin historik “Villa Mussolini”. /A.Z/UBT News/

Continue Reading

Kulturë

Hapet Java e Filmit të Frankofonisë në Prishtinë

Published

on

Në Prishtinë u hap Java e Filmit të Frankofonisë, një ngjarje e cila këtë vit zhvillohet nën temën “Moda dhe Kultura”.

Aktivitetet u çelën zyrtarisht me premierën e filmit “Couture” të Angelina Jolie, duke i dhënë tonin artistik dhe estetik këtij edicioni.

Publiku u magjeps nga një performancë artistike unike, që ndërthurte modën dhe teatrin, me synimin për të reflektuar ndikimin e kinematografisë franceze në botën e modës.

Në qendër të kësaj performance u shqua aktorja e Teatrit Kombëtar të Kosovës, Arta Selimi, e cila u paraqit me një veshje të veçantë dhe simbolike.

Veshja e saj ishte e frymëzuar nga filmi klasik francez “Peau d’âne” (Lëkura e gomarit), duke sjellë në skenë një atmosferë përrallore, elegante dhe magjike. Ajo përfaqësoi një bashkim harmonik midis modës bashkëkohore dhe estetikës filmike franceze.

Ky kombinim mes artit të filmit dhe dizajnit të modës shënoi një moment kulmor në hapjen e Javës së Filmit të Frankofonisë, duke dëshmuar fuqinë e bashkëpunimit kulturor dhe artistik ndërmjet vendeve frankofone dhe krijuesve kosovarë. /A.Z/UBT News/

Continue Reading

Lifestyle

Si ta heqësh stresin natyrshëm?

Published

on

Nëse nuk dimë si të përballemi në mënyrë të shëndetshme me stresin, plakemi më shpejt, dëmtojmë aftësitë tona kognitive, humbasim energjinë dhe bëhemi më pak aktivë e të paqartë në mendime.

Për ta shmangur këtë, më poshtë gjeni disa këshilla të dobishme për menaxhimin e stresit:

Ruani një qëndrim pozitiv.

Pranoni se ka situata që nuk mund t’i kontrolloni.

Shprehni ndjenjat dhe mendimet tuaja me qetësi në vend që të reagoni në mënyrë agresive ose pasive.

Mësoni dhe praktikoni teknika relaksimi, si frymëmarrja e thellë, meditimi apo joga.

Bëni aktivitet fizik rregullisht. Një trup në formë ndihmon edhe mendjen të përballojë më mirë stresin.

Ushqehuni shëndetshëm. Trupi ka nevojë për ushqim të mirë për t’u rikuperuar pas situatave stresuese.

Shmangni përdorimin e alkoolit si mënyrë për të lehtësuar stresin.

Kërkoni mbështetje nga miqtë dhe njerëzit e afërt.

Menaxhoni kohën në mënyrë efektive, në mënyrë që të shmangni ngarkesën dhe presionin e panevojshëm. /A.Z/UBT News/

Continue Reading

Të kërkuara