Sport

Giroud: Ky do të jetë Botërori i fundit për mua

” Jam shumë i motivuar, sikur të ishte hera ime e parë” tha ai mes tjerash.

Published

4 years ago

on

Veterani i Milanit, Olivier Giroud, ka bërë të ditur se Kmapionati Botëror në Katar do të jetë i fundit në karrierën e tij teksa ka shtuar se është tejet i motivuar për ta dhënë maksimumin.

“Po vij në këtë takim me disponimin e një lojtari që me siguri do të luajë për herë të fundit në këtë kompeticion ndërkombëtar. Jam shumë i motivuar, sikur të ishte hera ime e parë. Unë dua të shijoj çdo moment. Dhe, sigurisht, ne jemi të etur për të mbrojtur titullin”, tha fillimisht Giroud.

“Në jetë, siç thonë ata, asgjë nuk të jepet. Ju duhet të shkoni dhe të merrni atë që dëshironi. Unë isha i prirur të mos mbyllja faqen me Francën pas dështimit të Kampionatit Evropian të vitit 2021”.

“Pra, jam shumë krenar. Shpresoj të përfundoj mirë. Isha i zhgënjyer që nuk u thirra pas Kampionatit Evropian dhe kjo më dha edhe më shumë dëshirë dhe motiv për t’u rikthyer në kombëtare”, shtoi ai.

Më në fund, Giroud diskutoi rekordin e golave të Thierry Henry me Francën dhe dëshirën e tij për të kapërcyer legjendën e Arsenalit në Katar.

“Janë dy gola për ta barazuar dhe tre për ta kaluar. Do të ishte turp të ndalesh në dy. Por duke folur seriozisht, tashmë është një nder të jesh i dyti pas tij”, tha në fund sulmuesi i Milanit.

36-vjeçari ka bërë 114 paraqitje për Francën që nga debutimi i tij në nëntor të vitit 2011, duke shënuar 49 gola dhe duke dhënë 13 asistime.

Related Topics:
Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

10 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

10 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

10 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

13 hours ago

on

August 28, 2026

By

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Continue Reading

Të kërkuara