Disa nga atletet e mbetura në stok të markës Yeezy janë sërish në shitje – disa muaj pasiqë gjiganti gjerman i veshjeve sportive, e ndërpreu partneritetin me reperin e njohur Ye, i cili më parë njihej si Kanye West.

Në fund të tetorit, Adidas ndërpreu partneritetin disavjeçar me reperin e njohur Ye, për shkak të komenteve të tij antisemitike. Gjatë muajve në vijim, fati i Yeezys në vlerë 1.2 miliard euro (1.3 miliard dollarë) mbeti i panjohur – deri në fillim të këtij muaji, kur CEO i Adidasit, Bjørn Gulden njoftoi se kompania do të shiste një pjesë të inventarit të mbetur dhe do të dhuronte disa nga paratë e mbetura për organizatat e drejtësisë sociale.

“Grupi i parë i atleteve të mbetura doli në shitje të mërkurën. Në këtë kohë, atletet duket se janë të disponueshme përmes aplikacionit të Adidas “Confirmed”, thuhet në njoftim.

Adidas raportoi 400 milionë euro humbje në fillim të vitit 2023./UBTNews/

Dy vjet pasi kërkoi falje për shfaqjen në filmin ku flitet mbi autizmin, “Music”, Sia ka zbuluar se ajo është diagnostikuar me këtë sëmundje. Ajo tha se kjo diagnozë i ka sjellë një ndjenjë lehtësimi.

“Unë jam ndjerë si për 45 vjet, kam thënë: “Duhet të shkoj të vesh kostumin tim njerëzor”, tha ajo.

“Dhe vetëm në dy vitet e fundit jam plotësisht vetvetja”.

Sia, emri i plotë i së cilës është Sia Furler, njihet më së shumti si kantautore. Ajo njihet për hitet sikurse “Chandelier”, “Titanium” dhe “Cheap Thrills”.

Por në vitin 2021, ajo filloi të shfaqej në filma sikurse “Music”, një dramë muzikore për një grua që bëhet kujdestare e vetme për gjysmë motrën e saj, një adoleshente me autizëm joverbal. Ajo u kritikua shumë për rolin kryesor të aktores neuro-tipike Maddie Ziegler, e cila ishte shfaqur në disa nga videoklipet e saj.

Në atë kohë, Sia mbrojti filmin, duke thënë se ai ishte “plotësisht” i bazuar në përvojat e një “mikeje neuro-atipike”.

Megjithatë, pasi filmi u nominua për dy çmime Golden Globe në vitin 2021, këngëtarja kërkoi falje në Twitter para se të fshinte llogarinë e saj./UBTNews/

Reperja 28-vjeçare është ende duke u “shëruar” nga përvoja traumatike me reperin Tory Lanez dhe gjyqit të gjatë pasues. Ajo tani po fokusohet në mirëqenien e saj mendore e fizike dhe nuk mendon të publikojë këngë të reja derisa të ndihet mirë!

Reperi Tory Lanez, 30 vjeç, u dënua në dhjetor për tre akuza të krimit, përfshirë sulmin me një armë zjarri gjysmë automatike, mbajtjen e një arme zjarri të paregjistruar dhe përdorimin e një arme zjarri në incidentin e vitit 2020 që përfshinte Megan.

“Fansat mund të presin muzikë të re kur unë të jem në një gjendje më të mirë. Tani për tani, unë jam e fokusuar në shërimin [tim]”.

Megan tha se tani për tani ajo po “kalon kohë me qentë e saj, po stërvitet, po shijon shfaqje televizive dhe thjesht po gjen mënyra të reja për të mbrojtur paqen e saj”.

Albumi i fundit i Megan ishte “Traumazine” i vitit 2022./UBTNews/

Sam Smith dhe Madonna kanë ndarë detaje rreth bashkëpunimit të tyre të ri.

Sam Smith dhe Madonna kanë konfirmuar publikimin e këngës së tyre të re, Vulgar.

Madonna ka postuar një foto ku shfaqeshin inicialet e të dy artistëve, S&M, shoqëruar me mbishkrimin, “VULGAR. Kënga e re del të premten më 9 qershor @samsmith”.

Ndërkohë, Madonna, 64 vjeçe, ka qenë duke u përgatitur për turneun e saj të ardhshëm Celebration, i cili do të nisë në Vankuver në korrik dhe do të shohë atë duke performuar hitet e saj nga katër dekadat e fundit.

Vulgar do të publikohet më 9 qershor./UBTNews/