

Lajmet
Gërvalla: Reformë e thellë në stafin diplomatik të Kosovës
Opozita akuzon ministren Gërvalla për atë që e quan “dështim në politikën e jashtme”.
Published
3 years agoon
By
Betim GashiMinistrja e Jashtme e Kosovës, Donika Gërvalla, paralajmëroi kthimin në Kosovë të stafit diplomatik të emëruar në kundërshtim me ligjin. Nga Nga ana e saj opozita e akuzon Gërvallën për dështim në politikën e jashtme.
Ministrja e Punëve të Jashtme dhe Diasporës në qeverinë e Kosovës, Donika Gërvalla, ka paralajmëruar shfuqizim të disa vendimeve të ish-ministrave të Jashtëm të Kosovës, që ajo i quan “vendime të jashtëligjshme”, duke u zotuar siç thotë “ta kthejnë ligjshmërinë dhe drejtësinë e munguar në Ministrinë e Punëve të Jashtme. Sipas ministres Gërvalla, që nga koha prej afër një viti, që është në këtë post, ajo ka gjetur shkelje të shumta ligjore të bëra gjatë viteve të fundit.
Shteti ligjor është shtet ligjor dhe jo shtet i nepotizmit
Gërvalla paralajmëroi se do t’i kthejë në Kosovë siç thotë, “të gjithë ata që janë dërguar në ambasadat dhe konsullatat e Kosovës jashtë vendit në kundërshtim me ligjin”. “Të gjithë ata që janë dërguar në ambasadat dhe konsullatat tona jashtë vendit në kundërshtim me ligjin ose që nuk i kanë përmbushur pritjet elementare të një diplomati, do të kthehen gradualisht në Prishtinë. Pas gjithë atyre viteve pa ligjshmëri, ligji do të zbatohet përfundimisht edhe në këtë fushë. Por, shteti ligjor është shtet ligjor dhe jo shtet i nepotizmit, i privilegjeve të pafundme dhe i tradhtisë ndaj taksapaguesve dhe djersës së tyre”, shkroi ministrja Gërvalla në një postim të gjatë në profilin e saj social.
Konkurse mbi bazën e kritereve transparente profesionale
Me propozimin e ministres së Jashtme të Kosovës, Donika Gërvalla, në maj të vitit të shkuar, presidentja e Kosovës, Vjosa Osmani, liroi nga detyra të gjithë ambasadorët e Kosovës të emëruar me çelës politik. Disa ambasadorë të rinj në disa shtete tashmë janë emëruar, por jo në të gjitha vendet.
Drejtuesja e diplomacisë kosovare, Donika Gërvallapremton, se në Ministrinë e Jashtme do të hapen konkurse të reja për stafin diplomatik. “Do të hapim konkurse të reja, të bazuara në kritere transparente profesionale për ta pasuruar MPJD-në me diplomatë të kualifikuar mirë, në mënyrë që të krijojmë një ekip profesional solid dhe premtues për të ardhmen e diplomacisë sonë. Në bashkëbisedim me profesionistë të mirëfilltë brenda dhe jashtë vendit, do të vazhdojmë të ri-definojmë kriteret profesionale për kualifikim dhe për emërim dhe nuk do të punësojmë persona që nuk plotësojnë standardet bazë të nevojshme për t’i shërbyer vendit tonë jashtë apo brenda”, ka shkruar Gërvalla.
Reagime nga opozita
Ndaj këtyre paralajmërimeve të ministres Gërvalla, reagoi partia më e madhe opozitare, Partia Demokratike e Kosovës, përmes anëtares së saj në Komisionin Parlamentar për Punë të Jashtme, Ariana Musliu-Shoshi. Kjo e fundit thotë se çdo shkelje ligjore duhet të ndëshkohet dhe e ka përkrahjen e saj në komision, por, ajo akuzon ministren Gërvalla për atë që e quan “dështim në politikën e jashtme”. “Dështimin tënd në politikën e jashtme; skandalet e vazhdueshme, asnjë njohje e asnjë anëtarësim nuk mund ta justifikosh me një referat, me anë të të cilit po paralajmëron spastrime politike brenda Shërbimit të Jashtëm, duke shkelur ligjet në fuqi e duke e de-funksionalizuar edhe më tej diplomacinë tonë”, shkroi Musliu-Shoshi. Sipas saj, “Ministria e Punëve të Jashtme dhe ish-Ministria e Diasporës është dashur të jenë të fuzionuara deri më tani, por akoma s’ka as organigram të unifikuar”.
“Ambasadat është dashur të jenë të gjitha me titullarë dhe me diplomatë të tjerë për të garantuar mirëfunksionimin e tyre, e jo të lihen me staf esencial e në pamundësi për të kryer përfaqësim dinjitoz të vendit e as për të ofruar shërbime konsullore për qytetarët tanë e ata të huaj. Kjo bëhet më e pafalshme kur në këtë situatë, kanë ardhur ambasada si ajo në Uashington, Londër e Bruksel, kur e dimë rëndësinë e këtyre misioneve. E mos ta harrojmë Ambasadën në Jerusalem, e cila është vetëm me të Ngarkuar me Punë-pa Ambasador/e e pa staf”, shprehet Ariana Musliu-Shoshi, anëtare e Komisionit Parlamentar për Punë të Jashtme.
Reformimi i mirëpritur, cilësia e tij e paditur
Si i shohin njohësit e politikës së jashtme, paralajmërimet e ministres Gërvalla, për reformë të thellë dhe zëvendësime në stafin diplomatik të Kosovës. Butrint Berisha, nga Instituti i Prishtinës për Studime Politike-PIPS, që vazhdimisht monitoron punën e diplomacisë kosovare, i tha DW, se “reformimi brenda MPJD-së është i mirëseardhur, pasi raporte të ndryshme të shoqërisë civile kanë identifikuar sfida të shumta vazhdimisht”. Por, sipas tij, “në nivelin praktik është herët të flitet për cilësinë e kësaj reforme që duket se sapo ka nisur”.
“Janë dy pikëpyetje kryesore. Së pari, duhet të shohim nëse reforma do të jetë gjithëpërfshirëse, pra nëse do të adresojë të gjitha problemet e identifikuara, nga më seriozet, tek ato më të imta. E dyta, duhet parë nëse reforma do të zbatohet efektivisht në praktikë. Në të shkuarën ka pasur reforma të shumta nga institucionet kosovare që kanë dështuar të kenë një ndikim real”, thotë Berisha. Sipas tij, një reformë e mirëfilltë brenda MPJD-së do të duhej të krijonte bazat e funksionimit efektiv institucional dhe përfaqësimit cilësor ndërkombëtar të Kosovës për disa dekada.
“Përpos ligjeve, rregulloreve dhe dokumenteve, MPJD-së i nevojitet një ndryshim thelbësor në mendësi. Një ndryshim në mënyrën e të menduarit, do të mundësonte të kuptohen më mirë zhvillimet ndërkombëtare, rrjedhimisht ndërmarrjen e veprimeve diplomatike racionale në planin afatgjatë”, tha Butrint Berisha.
Sipas ligjit për Ministrinë e Punëve të Jashtme dhe Shërbimin Diplomatik të Kosovës, gjysma e ambasadorëve apo 50% e emërimeve të Ambasadorëve dhe Drejtuesve të Misioneve diplomatike duhet të bëhet nga anëtarët në detyrë të Shërbimit të Jashtëm të Republikës së Kosovës, ndërsa pjesa tjetër, mund të jetë e emëruar me çelës politik. Të emëruarit politik sipas ligjit, mund të “shërbejnë vetëm për një mandat, dhe pas përfundimit të këtij mandati, nuk konsiderohen pjesë e Shërbimit të Jashtëm. Propozimi për emërimin e një ambasadori të ri bëhet në koordinim me kryeministrin dhe emrat për ambasadorë dërgohen në Komisionin për Politikë të Jashtme të Kuvendit të Kosovës. Ky komision pastaj i dërgon emrat në Presidencë, ku më pas ata duhen dekretuar nga Presidentja e Kosovës. Më pas është shteti pranues që duhet të japë pëlqimin për ambasadorin e ri të Kosovës.DW
You may like
Bota
Izraeli zgjeron operacionin në Gaza, synon ‘zona të mëdha’ të territorit
Published
2 minutes agoon
April 2, 2025By
UBT NEWS
Izraeli ka njoftuar zgjerimin e operacioneve të tij në Gaza, me qëllim pushtimin e “zonave të mëdha” të territorit. Ministri i Mbrojtjes, Israel Katz, tha se ofensiva ka për qëllim “shkatërrimin dhe pastrimin” e zonave nga terroristët dhe infrastruktura e tyre, duke e përfshirë këto territore në “zonat e sigurisë izraelite”. Ai shtoi se operacioni do të kërkojë një evakuim masiv të palestinezëve dhe i bëri thirrje atyre që të distancohen nga Hamasi dhe të ndihmojnë në lirimin e pengjeve izraelitë, duke përshkruar këtë si mënyrën e vetme për të përfunduar luftën.
Luftimet dhe tensionet janë intensifikuar, me ushtrinë izraelite që ka nisur operacione tokësore në Rafah, në jug të Gazës. Ky operacion ka pasuar një paralajmërim të Katz për përdorimin e “forcës së plotë” në pjesë të tjera të territorit. Izraeli ka rinisur ofensivën pas akuzave se Hamasi refuzoi një marrëveshje armëpushimi të propozuar nga SHBA dhe nuk lironte pengjet izraelitë. Nga ana tjetër, Hamasi ka akuzuar Izraelin për shkelje të marrëveshjeve të mëparshme.
Situata humanitare në Gaza po përkeqësohet, pasi Izraeli ka bllokuar hyrjen e ndihmave nga 2 marsi, duke shkaktuar një krizë të rëndë. OKB-ja ka reduktuar operacionet e saj në Gaza pas sulmeve ndaj punonjësve të saj dhe ekipeve mjekësore. Konflikti, i cili shpërtheu më 7 tetor 2023, ka rezultuar në humbjen e më shumë se 50,000 jetëve palestineze dhe ka thelluar vuajtjet për civilët në territorin e rrethuar./UBTNews/
Bota
Suedia investon dhjetë milionë dollarë për strehimore në rast lufte
Published
5 minutes agoon
April 2, 2025By
UBT NEWS
Suedia ka njoftuar një investim prej 10 milionë dollarësh për rinovimin dhe inspektimin e strehimores së mbrojtjes civile, një hap që pason paralajmërimet për rritjen e kërcënimeve të luftës. Ky investim është pjesë e një plani më të gjerë për të përmirësuar përgatitjen e vendit ndaj konflikteve të mundshme, duke përfshirë rinovimin e 64,000 strehimores që mund të akomodojnë deri në shtatë milionë njerëz.
Suedia, pas bashkimit me NATO-n në vitin 2024, ka forcuar inspektimet dhe përmirësimin e kapacitetit të strehimoreve, duke i përgatitur ato për mbrojtje nga sulmet bërthamore, kimike, biologjike dhe radiologjike.
Pjesë e strategjisë është gjithashtu investimi në forcimin e sigurisë kibernetike dhe mbështetje për shërbimet e urgjencës gjatë konflikteve. Qeveria ka nisur një projekt për modernizimin e strehimoreve bërthamore, një proces që pritet të zgjasë dy deri në tre vjet. Deri tani, puna ka filluar në 25 strehimoret më të mëdha, dhe plani është të zëvendësohen filtrat që mbrojnë nga armët kimike dhe radiologjike.
Kryeministri Ulf Kristersson ka theksuar se Suedia është në një periudhë të pasigurisë, duke nënvizuar kërcënimet hibride dhe sabotazhet në Detin Baltik. Ai ka njoftuar gjithashtu një rritje të shpenzimeve të mbrojtjes me 30 miliardë dollarë gjatë dekadës së ardhshme. Suedia ka rritur shpenzimet e mbrojtjes pas agresionit rus ndaj Ukrainës dhe ka riaktivizuar strategjinë e “mbrojtjes totale”, duke bashkuar mbrojtjen civile dhe ushtarake për të përballuar sfidat e mundshme./UBTNews/
Bota
Liberalët fitojnë zgjedhjet për Gjykatën e Lartë të Wisconsin, Trump dhe Musk dështojnë
Published
9 minutes agoon
April 2, 2025By
UBT NEWS
Në zgjedhjet për Gjykatën e Lartë të Wisconsin, Susan Crawford fitoi kundër konservatorit Brad Schimel, duke siguruar një shumicë liberale prej 4:3 në gjykatë. Kjo fitorje u pa si një “referendum” për presidencën e Donald Trump dhe shërbeu si një pengesë për planet e tij dhe aleatit të tij, miliarderin Elon Musk, i cili mbështeti Schimel. Fushata ishte një nga më të shtrenjtat në histori, me më shumë se 90 milionë dollarë të shpenzuar për të mbështetur kandidatët dhe grupet politike.
Crawford, një gjykatëse e qarkut, mundi Schimel me një epërsi prej nëntë pikësh pas numërimit të votave, duke shpallur fitoren e saj në një ngjarje festive në Madison. Ajo e përshkroi garën si një konkurrencë mes saj dhe një miliarderi nga jashtë shteti, duke theksuar se nuk e kishte imagjinuar kurrë që do të luftonte me njeriun më të pasur në botë për drejtësinë e Wisconsin.
Demokratët e panë këtë fitore si një hap të rëndësishëm për të rikthyer kontrollin në Dhomën e Përfaqësuesve në vitin 2026. Ken Martin, kryetar i Komitetit Kombëtar Demokratik, e quajti rezultatin një kundërshtim ndaj ndikimit të Musk dhe Trump. Në një tjetër zhvillim politik, republikanët fituan dy zgjedhje speciale në Florida, duke siguruar një shumicë të ngushtë në Dhomën e Përfaqësuesve të SHBA-së./UBTNews/
Aktualitet
I dyshuari për vrasjen e policit Muhamed Lika, ende në arrati
Published
12 minutes agoon
April 2, 2025
Polici, Muhamed Lika, mbeti i vrarë mbrëmjen e 1 prillit në hyrje të banesës së tij në Kaçanik. I dyshuari për vrasjen e tij gjendet ende në arrati.
Këtë për Klankosova e konfirmoi zëdhënësi i policisë për rajonin e Ferizajt, Kanun Veseli. Veseli po ashtu shtoi se ende nuk dihen motivet e kësaj vepre të rëndë.Rreshteri Muhamet Lika u qëllua për vdekje mbrëmjen e së martës në Kaçanik.
Incidenti dyshohet të ketë ndodhur rreth orës 23:00, në afërsi të banesës së tij. Rastin mbrëmë e kanë konfirmuar edhe nga Policia e Kosovës, që pohojnë se incidenti ka ndodhur në rrugën “Idriz Seferi”.
Viktima Lika ishte duke hyrë ndërtesën ku banon, në momentin kur ndodhi sulmi me armë.
Zëdhënësi i Policisë për rajonin e Ferizajt tha për Gazetën Express se në vendngjarje kanë arritur njësitë policore dhe ekipi i emergjencës, i cili ka transportuar viktimën në Qendrën e Mjekësisë në Kaçani, pavarësisht përpjekjeve për t’i dhënë ndihmën e nevojshme, pjesëtari i Policisë ka ndërruar jetë, gjë që është konfirmuar nga mjekët.
“Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i policisë ka ndërruar jetë, kjo është konstatuar nga mjekët në këtë qendër”, deklaron policia.
Rrethanat e vdekjes janë akoma të paqarta.
“Policia ka nisur hetimet për të zbardhur rrethanat e ngjarjes, ndërsa ende nuk ka informacione lidhur me të dyshuarit apo motivet e mundshme të këtij akti”, tha ai.

Izraeli zgjeron operacionin në Gaza, synon ‘zona të mëdha’ të territorit

Suedia investon dhjetë milionë dollarë për strehimore në rast lufte

Liberalët fitojnë zgjedhjet për Gjykatën e Lartë të Wisconsin, Trump dhe Musk dështojnë

I dyshuari për vrasjen e policit Muhamed Lika, ende në arrati

2 prilli, Dita Botërore e Autizmit

Filmi për Beatles, zbulohen aktorët që do të luajnë legjendarët

Vritet një polic në Kaçanik

Pesë shprehi të mëngjesit që ndikojnë të shtoni peshë

Zjarr në dyqanin e Teslas në Romë, digjen 17 automjete
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë