Lajmet

​Gërvalla: Përveç parave, kemi nevojë edhe për përvojën e bashkatdhetarëve

Kështu u tha në organizmin e ditës së dytë të Forumit Ndërkombëtar “Ulpiana”, nga Ministria e Punëve të Jashtë dhe Diasporës.

Published

3 years ago

on

Diaspora mund të sjellë diçka më shumë me rëndësi se financat në Kosovë dhe se relevanca e saj është e padiskutueshme. Kështu u tha në organizmin e ditës së dytë të Forumit Ndërkombëtar “Ulpiana” nga Ministria e Punëve të Jashtme dhe Diasporës.

Ministrja e MPJD-së, Donika Gërvalla u shpreh e lumtur që Qeveria e Kosovës dhe institucionet kanë shprehur gatishmëri të madhe për ta bërë diasporën një nga prioritet kryesore të këtij mandati. Ajo shtoi se ‘përveç parave, ne kemi nevojë edhe për përvojën e tyre’. Teksa potencoi faktin se diaspora sjellë në Kosovë çdo vit mbi 1 miliard euro.

“Diaspora për Kosovën nuk paraqet vetëm një temë që ju si qeveri vendosni të merreni me të, por e shihni që diaspora është një zgjatim i natyrshëm i vendit tonë…Jam e lumtur që në Qeverinë e Kosovës dhe institucionet tona kam gjetur një gatishmëri të madhe për ta bërë diasporën një nga prioritetet kryesore në këtë mandat…Diaspora jonë ka nevojë jo aq shumë për Kosovës, kur bëhet fjalë për jetën dita ditës. Por, jo vetëm Kosovën, të gjitha rajonet kanë nevojë për diasporën të cilët jetojnë në demokraci të hapura dhe të zhvilluara…Diaspora mund të sjellë diçka më shumë me rëndësi sesa financat, ata sjellin më shumë se 1 miliard euro në Kosovë, që është 1/3 e buxhetit tonë shtetëror dhe nuk është shumë e vogël kjo. Por, përveç parave që diaspora sjell ne kemi nevojë për përvojën e tyre nga demokracitë e zhvilluara dhe vullnetin e tyre për të parë Kosovën që të arrijë fazën me shtetet ku ata jetojnë”, tha Gërvalla.

Ajo shtoi se janë bërë hapa të rëndësishëm qe t’u mundësohet diasporës të votojnë për Kosovë, jo vetëm përmes postës, por edhe nëpër ambasada e konsullata.

Ndërsa, Ministri i Punëve të Jashtme të Maqedonisë së Veriut, Bujar Osmani tha se rëndësia e diasporës është e padiskutueshme. Ai shtoi se si shtet multidemokratik kanë përfshirë diasporën në procesin e regjistrimit të popullatës, derisa potencoi se rreth 258 mijë njerëz janë regjistruar si anëtarë të diasporës.

Osmani tha se nga përvoja e tij si ministër, ka arritur në përfundim se mënyra e vetme për ta ndalur trendin e rritjes së migrimit të njerëzve, është ‘t’i bashkangjitemi Bashkimit Evropian’.

“Pasi që jemi shtet multidemokratik dhe që kemi asimetrinë në diasporën tonë, kemi vendosur që kësaj radhe ta përfshijmë edhe diasporën në procesin e regjistrimit të popullsisë, por kjo është vetë regjistrim…Bazuar në këtë proces 258 mijë njerëz janë regjistruar si anëtarë të diasporës. Kemi vlerësuar se një shifër e ngjashme nuk është regjistruar, kështu që mund të konsiderojmë që diku 400-500 mijë njerëz janë pjesë të komunitetet të diasporës së Maqedonisë së Veriut…Si të parandalohet trendi i vazhdueshëm i migrimit…Në 30 vjetet e pavarësisë tonë kemi provuar çdo gjë, besoni që ka qenë vetëm zgjidhje e pjesshme e sfidave që kemi pasur, kemi arritur tek një përfundim e vetmja mënyrë që ta ndalojmë migrimin, që t’i mbajmë të rinjtë tanë në vend tonin, mos ta rrisim komunitetin e diasporës, është që t’i bashkëngjitemi Bashkimit Evropian”, tha Osmani.

Ai shtoi se për të krijuar mundësi më të mira për diasporën duhet krijuar ligji për ta dhe të ketë kornizë ligjore gjithëpërfshirëse.

Ndërkaq, zëvendësministrja e Punëve të Jashtme dhe Diasporës, Liza Gashi tha se të kuptuarit e nevojave të diasporës është me rëndësi për çdo vend.

“Të kuptuarit e nevojave të diasporës është shumë me rëndësi për çdo vend. Ne besojmë duke i kthyer kontributin nga komuniteti, është një lloj sfide. Kemi fuqinë që të ndërtojmë shtete jo vetëm brenda kufijve, por edhe përtej tyre. Mu për këtë kemi krijuar forumin ‘Ulpiana’, që të shërbejë si platformë e cila lidhë urat që sjellin qeveritë rreth botës, për të diskutuar për nevojat e komuniteteve jashtë vendit…Sot do të paraqesim draft strategjinë tonë si do ta përdorim temat për t’u lidhur me juve të gjithëve. Ne kemi për qëllim të formalizojmë diplomacinë e diasporës si hapa institucional përmes ambasadave dhe konsullatave…Ne kemi lansuar dy programe vitin e shkuar, këto dy programe janë me rëndësi, që të ndahen me qeveritë tjera nëpër botë”, potencoi Gashi.

Forumi “Ulpiana”, si një nga ngjarjet më të rëndësishme ndërkombëtare në vend synon të avancojë marrëdhëniet midis qeverive dhe politikave nëpërmjet angazhimit të diasporës dhe zhvillimit ndërkombëtar.

Forumi do të zgjasë deri nesër (e shtunë), ku do të ketë aktivitete të ndryshme.

Related Topics:
Continue Reading

Lajmet

10 seriale të reja që nuk duhet t’i humbisni në korrik

Published

10 minutes ago

on

June 25, 2026

By

Muaji korrik sjell një sërë premierash të reja televizive, nga komeditë dhe dramat kriminale deri te adaptimet e romaneve të njohura dhe rikthimet e personazheve të dashur.

“Elle” hap listën me një parathënie të filmit kult Legally Blonde. Seriali ndjek jetën e Elle Woods gjatë viteve të shkollës së mesme, para se të nisej drejt Harvardit. Premiera vjen më 1 korrik në Prime Video.

“Little House on the Prairie” rikthen në ekran historinë e famshme të familjes Ingalls, bazuar në romanet autobiografike të Laura Ingalls Wilder. Seriali nis më 9 korrik në Netflix.

“The Five Star Weekend”, me Jennifer Garner në rolin kryesor, sjell historinë e një autoreje që përballet me humbjen e bashkëshortit dhe organizon një fundjavë me miq nga periudha të ndryshme të jetës së saj.

Në zhanrin kriminal vjen “The Westies”, ku aktori JK Simmons interpreton liderin e një grupi kriminal irlandez në Nju Jorkun e viteve 1980.

“Ride or Die” bashkon Octavia Spencer dhe Hannah Waddingham në një komedi aksioni për dy shoqe që përfshihen në një arrati të rrezikshme nëpër Evropë.

Ndërkohë, “The Hawk” sjell Will Ferrell në rolin e një kampioni golfi që tenton rikthimin në sport pas shumë vitesh.

Fansat e “Heartstopper” do të kenë mundësinë të shohin fundin e historisë së Nick dhe Charlie në episodin final me metrazh të gjatë, “Heartstopper Forever”, që publikohet më 17 korrik.

“Lucky”, me Anya Taylor-Joy, rrëfen historinë e një mashtrueseje që përpiqet t’i shpëtojë mafias pas një grabitjeje të dështuar.

Universi i “The Big Bang Theory” zgjerohet me serialin “Stuart Fails to Save the Universe”, i cili ndjek aventurat fantastiko-shkencore të Stuartit pas një aksidenti që ndryshon realitetin.

Listën e mbyll “Furious”, një thriller me Emmy Rossum në rolin e një agjenteje të FBI-së që ndjek një vrasëse seriale me të cilën ndan një të kaluar të ngjashme.

Këto prodhime pritet të jenë ndër serialet më të ndjekura të muajit korrik në platformat kryesore të transmetimit./A.K/

Burimi: BBC

Continue Reading

Lajmet

15 të arrestuar në Lipjan pas një përleshjeje për pronë, 11 të lënduar

Published

11 minutes ago

on

June 25, 2026

By

Plot 15 persona janë arrestuar nga Policia e Kosovës në Lipjan, pasi të njëjtit dyshohet se janë rrahur mes vete pas një mosmarrëveshjeje të ashpër lidhur me një pronë.

Sipas raportit 24-orësh të Policisë, rasti ka ndodhur pasditen e së mërkurës, rreth orës 18:20. Si pasojë e kësaj përleshjeje masive, lëndime trupore kanë pësuar 11 persona, të cilët janë detyruar të pranojnë tretman mjekësor.

Pas ndërhyrjes së forcave të rendit dhe arrestimit të të gjithë të përfshirëve, rasti ka kaluar në duart e prokurorisë.

Me vendim të prokurorit të shtetit, 10 nga të dyshuarit janë dërguar menjëherë në mbajtje, ndërsa ngjarja po hetohet nën cilësimin e veprës penale “lëndim i rëndë trupor”. /E.A/

Continue Reading

Lajmet

Shakira shpreh dëshirën për bashkëpunim me Dua Lipën

Published

14 minutes ago

on

June 25, 2026

By

Këngëtarja kolumbiane Shakira ka zbuluar se do të dëshironte të realizonte një bashkëpunim muzikor me artisten shqiptare me famë botërore, Dua Lipa.

Këtë deklaratë ajo e bëri gjatë një bisede në podcastin e vlogeres së njohur Lele Pons, ku u pyet se me cilin artist do të dëshironte të bashkëpunonte në të ardhmen.

“Do të më pëlqente të bashkëpunoja me Dua Lipën. Dua Lipa, a po më dëgjon? A e dini që ajo flet spanjisht?”, u shpreh Shakira.

Gjatë bisedës, Lele Pons e cilësoi Dua Lipën si një artiste të mrekullueshme, ndërsa Shakira shprehu vlerësimin e saj duke thënë se ajo është “e jashtëzakonshme”.

Shakira vazhdon të mbetet një nga emrat më të suksesshëm të muzikës botërore, ndërsa një bashkëpunim i mundshëm me Dua Lipën do të ishte një nga projektet më të komentuara në skenën ndërkombëtare të muzikës./A.K/

Continue Reading

Lajmet

Galeria Kombëtare rihapet më 9 korrik me ekspozitën “Jo gjithë njerëzit ekzistojnë në të Tashmen e njëjtë”

Published

17 minutes ago

on

June 25, 2026

By

Galeria Kombëtare e Kosovës ka njoftuar se më 9 korrik 2026, në orën 19:00, do të rihapë dyert për publikun pas rinovimit dhe rikonfigurimit të plotë të hapësirave ekspozuese.

Rihapja do të shënohet me ekspozitën grupore “Jo gjithë njerëzit ekzistojnë në të Tashmen e njëjtë”, e cila përuron një fazë të re në zhvillimin institucional dhe infrastrukturor të Galerisë.

Sipas njoftimit, projekti përfshin edhe krijimin e hapësirës së parë për ruajtjen e koleksionit të Galerisë, me synim konservimin, studimin dhe riinterpretimin e veprave artistike.

Ekspozita do të sjellë një përzgjedhje të gjerë artistësh nga breza të ndryshëm të artit në Kosovë dhe rajon, duke krijuar dialog ndërmjet praktikave dhe qasjeve të ndryshme artistike.

Në kuadër të ceremonisë së rihapjes do të prezantohet edhe një performancë artistike nga Oda Haliti, ndërsa dizajni grafik i projektit është realizuar nga Studio Permanentis./A.K/

Continue Reading

Të kërkuara