Lajmet

Gërvalla: Kosova e përgatitur për rikthimin e mundshëm të Trumpit, kujdes në çështjen e kufijve dhe stabilitetit politik

Published

2 years ago

on

Ministrja e Punëve të Jashtme e Republikës së Kosovës, Donika Gërvalla, në një intervistë ku ka diskutuar për situatën politike në Kosovë dhe në rajon, ka komentuar atentatin e fundit ndaj ish-presidentit amerikan Donald Trump, duke e vlerësuar si një sulm tmerrësisht të shqetësueshëm që tregon për gjendjen e cila po ndodh me rritjen e sulmeve ndaj politikanëve në përgjithësi. Gërvalla ka shtuar se asnjë atentat politik nuk duhet të motivohet në mënyrë pozitive.

Ministrja Gërvalla gjithashtu ka folur për sigurinë në Kosovë, duke përmendur sulmin e fundit në Banjskë nga një grup terroristësh serb. Ajo ka shprehur vetëdijen e shtuar për nevojën e kujdesit të rritur në rajon, veçanërisht në kontekstin e marrëdhënieve të Kosovës me aleatët e Rusisë dhe Kinës.

Në lidhje me marrëdhëniet e Kosovës me Shtetet e Bashkuara të Amerikës, Gërvalla ka theksuar se këto marrëdhënie janë të palëkundura dhe do të mbeten të tilla për shkak të besimit të thellë të Kosovës në vlerat dhe demokracinë amerikane.

Ministrja ka përmendur gjithashtu mundësinë e rikthimit të Administratës Trump dhe ka bërë thirrje për përgatitje nga ana e Kosovës nëse kjo do të ndodhë, duke ecur me kujdes në çështjen e kufijve dhe të gjitha lëvizjeve të tjera që mund të ndodhin.

“Nuk mendoj…nuk do të doja të përjashtoja një gjë të tillë, por gjithçka varet edhe na ne. Sepse asnjë lëvizje nuk mund të bëhet në Kosovë dhe për Kosovën nëse të zgjedhurit e ligjshëm të këtij vendi nuk japin miratimin e tyre”, tha ministrja.

Sa i përket zgjedhjeve në Kosovë, Gërvalla ka kritikuar opozitën për mosgatishmërinë e tyre për të marrë pjesë në zgjedhje, ndërsa ka përmendur se pritet të mbahen zgjedhje të reja në muajin shkurt, duke shprehur se ky do të jetë një lajm i mirë për stabilitetin politik në vend.

Gërvalla ka përfunduar intervistën duke theksuar se Kosova nuk do të lejojë zbatimin e Asociacionit në mënyrë të njëanshme, duke insistuar se çdo lëvizje në këtë drejtim duhet të bëhet në përputhje me pakoja aktuale të negociuara me ndërmjetësimin e BE-së në Bruksel./UBTNews/

Related Topics:
Continue Reading

Lajmet

Arrestohet në Prizren i dyshuari për keqpërdorim të të dhënave bankare të shtetasve amerikanë

Published

12 hours ago

on

July 16, 2026

By

Policia e Kosovës, në bashkëpunim me Prokurorinë Speciale të Republikës së Kosovës dhe autoritetet e Shteteve të Bashkuara të Amerikës, ka arrestuar një person në rajonin e Prizrenit, i dyshuar për keqpërdorim të të dhënave bankare dhe personale.

Sipas komunikatës së përbashkët, i dyshuari kishte siguruar në mënyrë të paautorizuar të dhëna të kartelave bankare dhe të dhëna personale, kryesisht të shtetasve amerikanë, të cilat më pas i kishte vënë në dispozicion për keqpërdorim përmes platformave të ndryshme online, me qëllim përfitimi të kundërligjshëm.

Gjatë aksionit, të realizuar me urdhër të gjykatës, janë sekuestruar edhe prova relevante për rastin.

Me vendim të prokurorit, i dyshuari është ndaluar për 48 orë, ndërsa hetimet do të vazhdojnë në koordinim me autoritetet amerikane./A.K/

Continue Reading

Lajmet

Tërmet 5.9 ballë godet Zelandën e Re

Published

12 hours ago

on

July 16, 2026

By

Një tërmet me magnitudë 5.9 ka goditur qytetin Te Anau në Ishullin Jugor të Zelandës së Re, duke shkaktuar lëkundje të forta, por pa raportime të menjëhershme për të lënduar apo dëme materiale.

Epiqendra ishte rreth 40 kilometra në veri të Te Anaut, pranë rajonit turistik Fiordland.

Fillimisht autoritetet vlerësuan magnitudën në 6.3 dhe lëshuan paralajmërim për cunami, duke u bërë thirrje banorëve të zonave bregdetare të zhvendoseshin në vende më të sigurta.

Pas rishikimit të të dhënave, magnituda u ul në 5.9, paralajmërimi u zbut dhe më pas u anulua plotësisht./A.K/

Continue Reading

Lajmet

Gjykata Supreme ndryshon dënimin për Edmond Lajqin: Nga burgim i përjetshëm në 30 vjet burg

Published

13 hours ago

on

July 16, 2026

By

Gjykata Supreme e Kosovës ka aprovuar pjesërisht ankesën e mbrojtjes së të pandehurit Edmond Lajqi, duke ndryshuar vendimin për dënimin e tij të shqiptuar nga Gjykata Themelore në Pejë dhe Gjykata e Apelit.

Sipas vendimit të ri të Supremes, Lajqit, i cili është shpallur fajtor për veprat penale të vrasjes së rëndë dhe mbajtjes në pronësi të paautorizuar të armëve, i është zbutur dënimi nga burgimi i përjetshëm në 30 vjet burgim efektiv. Gjykata ka vendosur që në këtë dënim t’i llogaritet edhe koha e kaluar në paraburgim që nga data 16 prill 2024, ndërsa në pjesët e tjera, aktgjykimet e shkallës së parë dhe të dytë kanë mbetur të pandryshuara.

Ndonëse Supremja konstatoi se gjykatat më të ulëta e kishin vërtetuar drejt fajësinë dhe cilësimin juridik të veprave, ajo gjeti se ato nuk e kishin zbatuar drejt nenin 41 të Kodit Penal sa i përket shqiptimit të dënimit me burgim të përjetshëm. Në arsyetimin e saj, Gjykata Supreme sqaroi se një pjesë e rrethanave të cilësuara si veçanërisht rënduese nuk kishin mbështetje në prova, kurse disa të tjera përbënin elemente të vetë veprës penale dhe nuk mund të përdoreshin sërish për të justifikuar masën më të rëndë ndëshkimore.

“Burgimi i përjetshëm mund të shqiptohet vetëm në raste kur ekzistojnë rrethana veçanërisht rënduese që e dallojnë qartë rastin konkret nga rastet e zakonshme të së njëjtës vepër penale dhe kur një dënim më i butë nuk do të ishte proporcional me peshën e veprës dhe fajësinë e kryerësit”, thuhet në vendimin e Gjykatës Supreme.

Duke u bazuar në parimin e individualizimit dhe proporcionalitetit, si dhe në praktikën e Gjykatës Evropiane për të Drejtat e Njeriut, Gjykata Supreme vlerësoi se ky standard ligjor nuk ishte plotësuar për dënimin maksimal, duke argumentuar se dënimi i ri i vendosur prej 30 vitesh përmbush plotësisht efektin e drejtësisë.

“Dënimi me 30 vjet burgim është proporcional me peshën e veprës penale, shkallën e fajësisë dhe rrezikshmërinë e të pandehurit dhe me këtë dënim mund të realizohet qëllimi i dënimit, si në aspektin e parandalimit individual ashtu edhe të atij të përgjithshëm” thuhet në vendim.

Continue Reading

Lajmet

Ish-drejtori i kompanisë së autostradave në Itali dënohet me 12 vjet burg për shembjen e urës Morandi

Published

13 hours ago

on

July 16, 2026

By

Ish-drejtuesi i kompanisë Autostrade per l’Italia, Giovanni Castellucci, është dënuar me 12 vjet burgim për shembjen e urës Morandi në Xhenova, ku humbën jetën 43 persona në gusht të vitit 2018.

Vendimi u mor nga gjykata në Xhenova, ndërsa prokurorët kishin kërkuar një dënim më të ashpër për Castelluccin, i cili ishte në mesin e 57 të pandehurve në këtë proces gjyqësor.

Ura u shemb gjatë një stuhie shiu, duke bërë që automjete dhe kamionë të binin nga lartësia. Tragjedia ndodhi në kulmin e sezonit turistik dhe konsiderohet një nga fatkeqësitë më të rënda infrastrukturore në Itali.

Një tjetër ish-zyrtar i lartë i kompanisë, Michele Donferri Mitelli, u dënua me 11 vjet burgim.

Familjarët e viktimave e mirëpritën vendimin. Emmanuel Diaz, i cili humbi vëllanë në tragjedi, tha se ishte “shumë i kënaqur” me vendimin e gjykatës, ndërsa Egle Possetti, që humbi motrën dhe familjen e saj, e cilësoi dënimin ndaj Castelluccit si “të pranueshëm”.

Castellucci aktualisht po vuan edhe një dënim tjetër prej gjashtë vitesh burgim për një aksident të rëndë rrugor të ndodhur në vitin 2013./A.K/

Continue Reading

Të kërkuara