Lajmet

Gaxherri: Programi i LDK-së garanton zhvillim, për 6 vjet në ekonomi do të investohen 7 milionë €

Published

5 years ago

on

Kandidatja për deputete nga radhët e Lidhjes Demokratike të Kosovës (LDK), Besa Gaxherri, ka thënë se kjo parti ka programin më të mirë, e që do të jetë i fokusuar në ekonomi, arsim, shëndetësi dhe drejtësi.

Gaxherri tha se Qeveria e udhëhequr nga Avdullah Hoti për gjashtë muaj ka qenë e përkushtuar në luftimin e pandemisë.

“Si gjithmonë Lidhja Demokratike e Kosovës ka pasur një program nga të gjitha subjektet politike dhe kësaj radhe me specifikat që ka Kosova me pandeminë, e cila ka shkaktuar probleme qoftë në ekonomi qoftë në shëndetësi dhe natyrisht që kësaj radhe edhe vetë zgjedhjet dhe programi është ndryshe. Megjithatë ne kemi dëshmuar për 6 muaj qeverisje se vërtetë kemi pasur përkushtim dhe kemi menaxhuar pandeminë më së miri ku jemi ranguar ndër vendet që ka menaxhuar pandeminë më së miri dhe njëkohësisht pakoja fiskale është më e mira në regjion. Duke u bazuar në buxhet ne kemi pasur një pako që ka qenë më e mira në regjion. Programi jonë është i përcaktuar në shëndetësi sepse specifikat e saj janë të veçanta pastaj në ekonomi në drejtësi dhe natyrisht edhe në arsim. Kryeministri i vendit Avdullah Hoti veç e ka shpalosur programin e LDK-së”, deklaroi ajo.

Gaxherri shtoi se pandemia ka shkaktuar dëme të mëdha ekonomike, madje ajo tha se planifikojnë që për gjashtë vjet të investojnë 7 miliardë në ekonominë e vendit.

“Pandemia ka shkaktuar dëme ekonomike në tërë globin dhe bota nuk është njëjtë sikur para pandemisë dhe njëkohësisht edhe ekonominë e brishtë të Kosovës e ka prekur dhe ka shkaktuar probleme të shumta. Por me kapacitet që ka pasur dhe mundësitë buxhetore Kosova ka pasur një pako më të mirë në regjion. Po mundohemi me i përkrah dhe mbështet bizneset dhe kategoritë sociale sepse është dyfishuar buxheti për ta edhe punëtorët të cilët janë përfshirë në tregun e ekonomisë. Kështu që me këto mundësi që kemi jemi duke u munduar të ballafaqohemi me pasojat që ka lënë pandemia. Duhet të shpresojmë që deri në fund të vitit 2021 do ta kalojmë këtë sëmundje të rëndë dhe natyrisht kemi programin për 6 vjet dhe me filluar me zhvillimin ekonomik duke u bazuar në buxhetin vendor dhe kreditë që kemi mundësi t’i marrim. Planifikojmë që për 6 vjet t’i fusim 7 miliardë në ekonominë e vendit”, shtoi ajo.

Gaxherri potencoi se LDK-ja është subjekt politik që ka ideuar pavarësinë e Kosovës dhe tani edhe slogani i saj është “Shteti Shtet”, duke shtuar se janë në garë për të dalë të parët, raporton EO.

“LDK-ja është subjekt politik që ka ideuar pavarësinë e Kosovës ka punuar shumë në shtendërtimin e Kosovës dhe tani ka ardhur koha t’i themi secilit se Kosova është shtet dhe natyrisht edhe slogan ynë është ‘Shteti Shtet’ dhe për t’u sjellë për shtetin shteti duhet të kemi përgjegjësi të lartë dhe të fillojmë me orientime të reja. Ne jemi në garë për të dalë të parët. Ne jemi 30 vjet që i shërbejmë vendit dhe asnjë proces nuk ka mundur të ecë përpara pa LDK-në. Jemi para qytetarëve me një program shumë konkret. Pa lidhjen Demokratike të Kosovë s’kishim probleme edhe me miqtë tanë ndërkombëtar e lëre më me institucionet ndërkombëtare. Ky është mandati i shtatë që garoj dhe qytetarët më kanë përcjellë gjithmonë dhe kam marrë besimin e tyre dhe përkushtimi im ka qenë në parime dhe në kërkesat e qytetarëve. Do të jem aty për t’iu përgjigjur kërkesave të qytetarët dhe unë mund të zotohem se do të vazhdojmë pa kompromis për ta luftuar të keqen çdo ditë sikurse tani”, deklaroi ai.

Related Topics:
Continue Reading

Vendi

Helmim nga ushqimi: 31 të hospitalizuar në QKUK

Published

14 minutes ago

on

July 15, 2026

By

Klinika Infektive e Qendrës Universitare Klinike të Kosovës ka njoftuar se po trajton një situatë të helmimeve të dyshuara nga ushqimi, ku deri më tani janë hospitalizuar 31 pacientë.

Fluksi i rasteve ka nisur gjatë datave 13, 14 dhe 15 korrik, periudhë gjatë së cilës ndihmë mjekësore urgjente në këtë klinikë kanë kërkuar rreth 30 persona, prej të cilëve 11 raste kanë rezultuar pozitivë me bakterin Salmonella Enteritidis pas analizave të hollësishme laboratorike.

Në kuadër të këtyre rasteve, janë pranuar edhe pesë pacientë nga komuna e Hanit të Elezit me simptoma të ngjashme, të cilët kanë deklaruar se kanë konsumuar ushqim në të njëjtin lokacion, gjë që ngre dyshime se numri i personave të helmuar mund të jetë edhe më i madh.

Ekipi shëndetësor po punon intensivisht për të identifikuar burimin e saktë të infeksionit dhe konfirmon se të gjithë pacientët e shtruar janë duke marrë trajtimin e duhur dhe gjendja e tyre po shkon drejt përmirësimit.

Për shkak të temperaturave të larta që favorizojnë shumimin e shpejtë të baktereve, stafi mjekësor u bën thirrje qytetarëve të shmangin konsumimin e ushqimeve të shpejta të tipit “fast food” dhe të kërkojnë menjëherë ndihmë mjekësore në qendrën më të afërt nëse shfaqin simptoma si të vjella, diarre, temperaturë të lartë apo dhimbje të forta barku, ndërsa Klinika Infektive ka premtuar se do të mbajë të informuar opinionin publik në mënyrë transparente për çdo zhvillim të ri epidemiologjik. /E.A/

 

 

Continue Reading

Aktualitet

Dorëzohen nënshkrimet për Kuvend të jashtëzakonshëm të LDK-së

Published

45 minutes ago

on

July 15, 2026

By

Deputeti i zgjedhur i Lidhjes Demokratike të Kosovës, Armend Zemaj, dhe kryetari i degës së dytë të LDK-së në Prishtinë, Florian Dushi, kanë dorëzuar të mërkurën nënshkrimet e grumbulluara për thirrjen e Kuvendit të jashtëzakonshëm të partisë.

Iniciativa u nis me kërkesën për shkarkimin e Lumir Abdixhikut nga posti i kryetarit të partisë, pasi LDK-ja doli sërish e treta në zgjedhjet e 7 qershorit.

Abdixhiku pati refuzuar kërkesën e disa degëve për dorëheqje.

Siç pati thënë vetë Zemaj ditë më parë, për thirrjen e këtij kuvendi janë mbledhur më shumë se 150 nënshkrime.

Sekretari i partisë, Ilir Ferati, një ditë më parë u shpreh se sapo të ketë zyrtarisht kërkesë të tillë, ajo do të trajtohet me seriozitet.

Kuvendi i LDK-së ka 355 delegatë, kurse mbledhjen e tij mund të thirren me 118 nënshkrime. Pas deponimit të këtyre nënshkrime, sipas statutit të LDK-së, kryesia e partisë është e obliguar që ta thërrasë Kuvendit brenda 60 dite.

Abdixhiku i pati mbijetuar votëbesimit më 31 janar, pas zgjedhjeve të 28 dhjetorit.

Nga ato zgjedhje, në zgjedhjet e 7 qershorit LDK-ja u rrit për tre deputetë. Në zgjedhjet e qershorit ajo kandidoi me ish-presidenten Vjosa Osmani si prijëse të listës. /Koha/

Continue Reading

Vendi

Dyshohet për helmim nga ushqimi në Han të Elezit, rreth 65 persona kërkojnë trajtim mjekësor

Published

2 hours ago

on

July 15, 2026

By

Rreth 65 persona dyshohet se janë helmuar nga ushqimi në Han të Elezit, pas konsumimit të ushqimeve në dy piceri të ndryshme.

Drejtoresha e Shëndetësisë në Komunën e Hanit të Elezit, Kimete Kuka, ka bërë të ditur se janë marrë mostra nga Instituti Kombëtar i Shëndetësisë Publike të Kosovës (IKShPK), në bashkëpunim me Inspektoratin Shëndetësor, ndërsa rezultatet ende janë duke u pritur.

Sipas saj, rastet e para me simptoma të dyshuara të helmimit janë paraqitur të hënën rreth orës 16:00, ndërsa numri më i madh i pacientëve është regjistruar nga ora 23:00 deri në orët e hershme të mëngjesit të së martës.

“Trajtim aktualisht po marrin 65 persona. Dyshohet se 65 është numri i personave të dyshuar për helmim, pasi në total janë mbi 90 persona me simptoma të ngjashme, por një pjesë e tyre dyshohet se janë me virozë”, ka deklaruar Kuka.

Tre persona janë dërguar për trajtim në Qendrën Klinike Universitare të Kosovës.

Ndërkohë, zëdhënësi i Policisë së Kosovës për rajonin e Ferizajt, Kanun Veseli, ka bërë të ditur se nga data 13 deri më 15 korrik janë trajtuar rreth 80 persona me simptoma të diarresë dhe vjelljes në Qendrën Kryesore të Mjekësisë Familjare në Han të Elezit.

Institucionet përkatëse, përfshirë IKShPK-në, janë njoftuar dhe po merren me hetimin e rastit./A.K/

Continue Reading

Lajmet

Apeli lë në fuqi dënimin me 16 vite burg për Mario Pëlleshajn për vrasjen e Martin Canit

Published

2 hours ago

on

July 15, 2026

By

Gjykata e Apelit të Juridiksionit të Përgjithshëm ka lënë në fuqi vendimin e Gjykatës së Tiranës, duke dënuar me 16 vite burg Mario Pëlleshajn për vrasjen e të miturit Martin Cani.

Pëlleshaj është shpallur fajtor për veprën penale të “vrasjes në rrethana të tjera cilësuese” ndaj Martin Canit, si dhe për “vrasjen në rrethana të tjera cilësuese, mbetur në tentativë” ndaj Luis Meçes, i cili mbeti i plagosur.

Gjykata e Tiranës kishte caktuar fillimisht 12 vite burg për vrasjen e Martin Canit dhe 10 vite burg për tentativën e vrasjes së Luis Meçes. Pas bashkimit të dënimeve, masa përfundimtare ndaj Pëlleshajt ishte 16 vite heqje lirie, vendim që tashmë është konfirmuar edhe nga Apeli.

Ngjarja e rëndë ndodhi më 18 nëntor 2024, pas një konflikti mes të miturve që kishte nisur në shkollën 9-vjeçare “Fan Noli” në Tiranë.

Përplasja përfundoi me vdekjen e Martin Canit dhe plagosjen e Luis Meçes./euronews.al//A.K/

Continue Reading

Të kërkuara