Sport

Gattuso insiston: Nuk largohem nga Napoli

Published

on

Hapat fals në kampionat kanë shtuar dyshimet mbi të ardhmen e Gennaro Gattusos në pankinën e Napolit, por fitorja 4-2 në Kupën e Italisë ndaj Spezias dhe kalimi në gjysmëfinale, kanë bërë që tekniku napolitan të shpërthejë ndaj mediave pas ndeshjes.

Gattuso solli në kujtesë fakitn se është hera e katërt që shkon në fazën gjysmëfinale të një kompeticioni dhe se deri tani është përballur me dëmtime të shumta, që kanë kushtëzuar ecurinë e skuadrës.

“Unë nuk jap dorëheqjen, pasi po derdh gjak për Napolin, bashkë me ndihmësit e mi dhe jemi këtu pasi mendojmë se dimë ta bëjmë këtë punë. Unë mendoj se po bëj mirë, por nëse presidenti mendon të kundërtën, atëherë mund të më largojë. U bënë 4 vite që drejtoj në Serinë A dhe askush nuk shkruan për arritjen 4 herë në gjysmëfinalet e një kompeticioni”, tha tekniku i Napolit.

Gennaro Gattuso ka fituar gjithçka në karrierën e tij si futbollist dhe u shpreh i bindur se të njëjtat suksese do t’i përsërisë edhe si trajner, teksa pranoi se me organikën që ka në dispozicion, mund të arrijë diçka më shumë se një vend në zonën Champions.

“Duket sikur nuk kemi bërë asgjë, por jemi kualifikuar në Europa League, në një grup shumë të vështirë dhe jemi në gjysmëfinalet e Kupës së Italisë. Nëse fitojmë ndeshjen e prapambetur me Juventusin, atëherë shkojmë në vendin e tretë në kampionat dhe me organikën në dispozicion, mund të pretendojmë diçka më shumë se zona Champions. Por mos harroni se Osihmen ka luajtur vetëm 6 ndeshje me ne, ndërsa Mertens mungon prej disa javësh dhe këta janë futbollistë që mund t’i shtojnë shumë repartit të avancuar. Unë kam fituar gjithçka në karrierën si futbollist dhe do ta shihni që do të përsërit të njëjtat suksese edhe si trajner”, u shpreh Gattuso.

Sport

Nuk përmbahet Mourinho pas eliminimit, kap për hunde trajnerin kundërshtar

Published

on

José Mourinho ka qenë protagonist i një episodi të pahijshëm pas eliminimit të skuadrës së tij nga Fenerbahçe në çerekfinalet e Kupës së Turqisë. Pas humbjes 2-1 ndaj Galatasaray-t, dhe ndërsa lojtarët dhe stafi teknik i Galatasaray-t po drejtoheshin drejt tifozëve të tyre, Mourinho e ka kapur për hunde trajnerin e kundërshtarëve, Okan Buruk. Ky veprim ka shkaktuar një skenë të tensionuar, ku Buruk u rrëzua në tokë dhe mbajti duar mbi fytyrë, si një lojtar pas një faulli të rëndë.

Pas ngjarjes, Buruk kërkoi të përballej me Mourinhon, i zemëruar nga sulmi, por u qetësua me ndërhyrjen e lojtarëve të tij dhe vazhdoi ecjen pa pasoja të tjera. Ky incident është një tjetër moment polemik për Mourinhon, i cili ka pasur përplasje të ngjashme edhe me trajnerë dhe figura të tjera, duke përfshirë një të famshëm me Tito Vilanovën në vitin 2011, kur i vuri gishta në sy gjatë një klasike mes Real Madridit dhe Barcelonës. Pas atij momenti, Mourinho ka kërkuar më vonë falje.

Ky veprim ka ngritur përsëri pyetje për sjelljen e trajnerit portugez, që shpesh është shoqëruar me polemika dhe situata të tensionuara.

Continue Reading

Sport

​Kosova ngritet për dy pozita në renditjen e FIFA-s

Published

on

By

Pas promovimit nga Liga C në Ligën B të Ligës së Kombeve, Kombëtarja e Kosovës është ngritur për dy pozita më lartë në renditjen e re të publikuar nga FIFA.

Dardanët tashmë pozicionohen në vendin e 97, teksa Shqipëria zbret një vend duke u renditur në të 66-in pas humbjes nga Anglia dhe fitores kundër Andorrës.

Argjentina pozicionohet në vendin e parë dhe ndiqet nga Spanja, Franca, Anglia, Brazili, Holanda, Portugalia, Belgjika, Italia dhe Gjermania.

Continue Reading

Sport

Barcelona eliminon Atleticon dhe shkon në finalen me Realin, Flick: Ëndërrojmë për tripletën!

Published

on

Barcelona ka siguruar kalimin në finalen e Kupës së Mbretit, duke mposhtur Atletico Madrid në “Metropolitano”. Fitorja e Barcelonës ka qenë një rezultat i shkëlqyer për trajnerin Hansi Flick, i cili do ta drejtojë ekipin katalanas në finalen e tij të dytë.

Pas ndeshjes, Flick u shpreh shumë i kënaqur me paraqitjen e ekipit: “Ishte një ndeshje me dy pjesë të ndryshme. Në pjesën e parë dominuam, ndërsa në të dytën u mbrojtëm mirë. Të gjithë mund të jenë krenarë për këtë ekip”.

Me këtë fitore, Barcelona ka shtuar shpresat për tripletën këtë sezon. Ata janë në vendin e parë në La Liga, kanë siguruar finalen e Kupës së Mbretit dhe janë ende të pranishëm në çerekfinalet e Champions League. Sidoqoftë, Flick ka paralajmëruar se rruga drejt suksesit është ende e gjatë dhe kërkon përqendrim të vazhdueshëm. “Ëndërrimi është i lejuar, por duhet të qëndrojmë të përqendruar,” tha ai. “Do të kthehemi vonë në shtëpi dhe do të duhet të stërvitemi për ndeshjen kundër Betisit.”

Tifozët e Barcelonës janë të emocionuar nga mundësitë e tripletës, ndërsa ekipi i Flick ka treguar një nivel të lartë loje dhe angazhimi këtë sezon.

Continue Reading

Sport

Messi dhe Inter Miami pësojnë humbjen e parë të sezonit

Published

on

Në një ndeshje emocionuese të Kupës së Kampionëve të CONCACAF, Los Angeles FC shkaktoi humbjen e parë të sezonit për Lionel Messin dhe Inter Miami, duke fituar 1-0 në ndeshjen e parë çerekfinale të turneut. Goli i vetëm i takimit erdhi në minutën e 57-të, kur Nathan Ordaz, një lojtar i kombëtares së El Salvadorit, shënoi pas një goditje të fuqishme që kaloi portierin e Miamit, Oscar Ustari.

Inter Miami, që kishte mbetur i pamposhtur në nëntë ndeshje radhazi në të gjitha kompeticionet, arriti në Los Angeles si skuadra më e formë e Major League Soccer. Pas një pjese të parë të kujdesshme, LAFC rriti ritmin pas pushimit, duke bërë më shumë presion dhe duke arritur të mposhtte ekipin e Messit. Në minutën e 54-t, Ryan Hollingshead humbi një mundësi të artë, por tre minuta më pas Ordaz shfrytëzoi një moment të dobët të Sergio Busquets për të shënuar golin vendimtar.

Messi, që u rikthye si titullar pas një dëmtimi dyjavor, nuk arriti të linte ndikim të madh në ndeshje, ndërsa LAFC dukej më i rrezikshëm, para një turme entuziaste prej 22,207 tifozësh. Mes tyre ndodheshin emra të njohur si Stephen Curry, David Beckham dhe trajneri i kombëtares së Argjentinës, Lionel Scaloni. Ndeshja e kthimit do të zhvillohet javën e ardhshme në Florida./UBTNews/

Continue Reading

Të kërkuara