Lajmet

Gastronomët kërkojnë nga Qeveria Kurti që vendimet të merren në koordinim, në të kundërtën do të protestojnë

Published

on

Shoqata e Gastronomëve të Kosovës kritikon paralajmërimet për ashpërsim të masave, duke thënë se është padrejtë pasi vet partia udhëheqëse e qeverisë ka shkelur masat gjatë kohës së fushatës elektorale. Kjo shoqatë paralajmëron protesta në rast të një mbyllje totale.

Në një intervistë për Ekonomia Online, Arian Vranica nga kjo shoqatë, tha që para formimit të institucioneve, kanë pasur takime me përfaqësues të LVV-së, ku presin që bashkëpunimi të jetë transparent dhe që vendimet të merren në koordinim edhe me këtë sektor.

“Para prezantimit ofertues nga ana e shoqatës tonë, për Qeverinë e Kosovës, po kthehemi me datën 8 shkurt ku kemi realizuar në zyret tona takime me përfaqësuesit e LVV, dhe një prej pikave që janë diskutuar ka qenë edhe bashkëpunimi në vendimet e ardhshme që mund të prekin interesat e sektorit të gastronomisë, kjo ka të bëjë me masat ekonomike dhe mos përhapjen e Covid-19. Dhe krejt kjo nuk është në rregull me paralajmërimete njëanshme ku thirren për ashpërsim të masave, e kuptojmë shumë mirë gjendjen me pandeminë por duhet të kemi parasysh që edhe ata nuk patën kujdes gjatë kohës së fushatave”, përfundoi Vranica.

Arian Vranica, do të thënë që nëse sërish shkohet në një mbyllje totale në nivel vendi, do të dëmtohet ky sektori i gastronomisë.

Tutje, Vranica thotë se qasja e njëanshme nga qeveria nuk mund të arrijë tek një marrje e vendimit të saktë, madje ai tha që nuk kanë preferenca për asnjë subjekt politik.

“Natyrisht që do të na dëmtonte shumë duke marrë parasysh edhe mos ekulibrititetin e pakove që janë marrë gjatë pandemisë, dhe nuk janë zbatuar në tërësi, siç është pakoja prej 290 eurove për puntorët tek bizneset të cilat ndahen, pra nuk kemi përmbushje të aspektit ligjor nga vendimet që janë marrë, dhe nga kjo qasje e njëanshme e Qeverisë nuk mund të arrijnë tek një marrje e vendimit të saktë në kuptim të mos krijimit të pasojave pastaj edhe më të rënda nëpër sektorë të ndryshëm, në kuadër të ekonomisë së përgjithshme”, tha ai.

“Ne kemi uruar Qeverisë së re dhe kryeministrit detyrën e re, dhe duke shpresuar që të mos përsëriten referencat e dikurshme dhe vendimet të merren në mënyrë të njëanshme. Duhet të kemi qasje më të kujdesshme për veprimet tutje sepse jemi shumë të revoltuar dhe nuk kemi preferenca për asnjë subjekt politik, dhe nëse do ketë prapë një qasje të tillë do përdorim format tona pa përjashtuar këtu edhe protestat”, u shpreh tutje Vranica.

11 mijë është numri i punëtorëve që kanë humbur punën, sipas Vranicës i cili tregon që kjo është një humbje  e madhe dhe dëmet që janë shkaktuar në këtë sektor nuk kanë arritur t’i mbulojnë as 3 milionshi i pakos që është ndarë nga qeveria.

Ai këtë pako e quan qesharake.

“Ne kemi  pasur një hulumtim, dhe ka pasur dinamikë edhe të shëndetit ekonomik dhe atij publik. Në të dhënat e fundit del që tre mujorin e dytë kemi pasur rënie prej 64%, pra diku rreth 20 milionë humbje të shkaktuar në sektorin e gastronomisë, tani i kemi edhe vlerësimin e pakove që janë ndarë për rimëkëmbje, ku është ndarë një 3 milionë qesharak dhe nuk afrohet me humbjen që kemi pasur. Po ashtu dëme ka pasur edhe në tregun e punës, ku nga të dhënat publike nga 363 mijë punëtorë, i bie që ka pasur rënie rreth 11 mijë puntorë që kanë humbur punën”, deklaroi ai.

Lajmet

Donika Emini kritikon interpretimin e këngës nacionaliste serbe në forumin e BE-së në Bruksel

Published

on

Ekspertja e politikës së jashtme, Donika Emini, ka kritikuar interpretimin e këngës nacionaliste serbe “Oj Kosovo, Kosovo” në mbrëmjen hapëse të Forumit të Zgjerimit të Bashkimit Evropian në Bruksel, duke e cilësuar të papranueshme përzgjedhjen e një kënge që përmban pretendime territoriale ndaj Kosovës.

Gjatë fjalimit të mbajtur më 16 nëntor, Emini tha se ngjarja e kishte detyruar ta ndryshonte tërësisht fjalimin e përgatitur. Ajo e nisi paraqitjen duke cituar disa vargje të këngës, të interpretuar një natë më parë.

“Popull serb, thërrit fort. Kosovë, nuk do të të dorëzojmë. Ti gjithmonë ke qenë e jona. Kështu ka qenë që nga kohët e lashta”, citoi Emini, duke theksuar se teksti përmban pretendime të drejtpërdrejta territoriale ndaj Kosovës.

Ajo ngriti pikëpyetje nëse institucionet evropiane i kuptojnë kompleksitetet politike dhe ndjeshmëritë historike të Ballkanit Perëndimor.

“Pas asaj që ndodhi mbrëmë, vërtet pyes veten nëse ata i kuptojnë kompleksitetet e rajonit, edhe pse po flasim për një Komision Evropian që është mjaft afër këtij rajoni”, deklaroi ajo.

Emini tregoi se kishte vendosur të merrte pjesë në forum pasi kishte vërejtur mungesën e përfaqësuesve nga Kosova në listën e folësve. Megjithatë, ajo theksoi se prania e saj si përfaqësuese e shoqërisë civile nuk mund ta zëvendësonte përfaqësimin institucional të vendit.

Ajo tha se nuk do të befasohej nëse një këngë e tillë do të interpretohej në tubime nacionaliste apo në një tubim të ish-presidentit serb Slobodan Millosheviq, por u shpreh e befasuar që ajo u dëgjua në një aktivitet të Komisionit Evropian.

“U befasova shumë kur e dëgjova në Komisionin Evropian, një projekt paqeje, një projekt që po e udhëheq rajonin drejt demokracisë”, u shpreh Emini.

Ekspertja sqaroi se kundërshtimi i saj nuk kishte të bënte me gjuhën apo muzikën serbe, duke theksuar se do ta mirëpriste interpretimin e këngëve shqipe dhe serbe që promovojnë bashkëjetesën dhe tejkalimin e ndarjeve.

Në përfundim të fjalimit, Emini i bëri thirrje Bashkimit Evropian të mos riprodhojë narrativa nacionaliste dhe revizioniste që, sipas saj, kanë penguar procesin e pajtimit në Ballkan.

“A mundeni të paktën të mos i riprodhoni narrativat revizioniste dhe propagandistike të një regjimi që e përçau rajonin dhe që e bëri pajtimin kaq të vështirë deri më sot?”, pyeti ajo.

Fjalimi u mbajt në kuadër të forumit “Përmes pajtimit drejt zgjerimit të Bashkimit Evropian”, më 16 nëntor, një ditë pas interpretimit të këngës në mbrëmjen hapëse të aktivitetit në Bruksel./A.K/

Continue Reading

lajme

Studentët e Masterit në Agrokulturë me Mjedis nisin hulumtimin eksperimental për kultivimin e sallatës së gjelbër pa tokë

Published

on

By

Studentët e programit Master në Agrokulturë me Mjedis, Sihana Bokshi dhe Shpëtim Salihu, nën udhëheqjen e profesorit Ismet Babaj, kanë dizajnuar metodikën e hulumtimit dhe kanë nisur punën eksperimentale për kultivimin e sallatës së gjelbër (Lactuca sativa L.) në sistemin e kultivimit pa tokë.

Qëllimi i këtij eksperimenti është vlerësimi i efekteve të sistemit të prodhimit dhe furnizimit me azot në formë të nitratit mbi statusin ushqyes të bimëve, akumulimin e nitrateve dhe nitriteve, prodhimin e biomasës, si dhe morfologjinë e sistemit rrënjor.

Në kuadër të hulumtimit po testohen tre trajtime me tretësira ushqyese në dy sisteme të hapura të prodhimit pa tokë, përmes vazove me vëllim prej 1 litri: njëri sistem përdor vermikulitin si substrat rritës, ndërsa tjetri përdor cocopeat (torfë kokosi).

Puna kërkimore do të përmbyllet me analiza kimike dhe matje të parametrave të rritjes së bimëve. Të dhënat dhe rezultatet e përfituara do t’u shërbejnë studentëve për përgatitjen e punimeve të tyre të diplomës, si dhe për publikime në revista shkencore, duke dëshmuar gërshetimin e suksesshëm të teorisë me praktikën shkencore.

Continue Reading

lajme

Rama kritikon interpretimin e melodisë së këngës nacionaliste serbe në Bruksel

Published

on

By

Kryeministri i Shqipërisë, Edi Rama, ka kritikuar interpretimin e melodisë së një kënge nacionaliste serbe në koncertin e organizuar nga Komisioni Evropian në Bruksel. Ai e bëri këtë në fillim të një debati në “Forumin e Zgjerimit“, duke thënë se kjo çështje nuk mund të mbetet pa u përmendur.

“Nuk mund të heshtet ajo që ndodhi mbrëmë me muzikën e interpretuar në një mbrëmje në prag të këtij forumi. Nuk e di a ishte e qëllimshme apo injorancë, por ishte një këngë nacionaliste këtu, në mbrëmjen e këtij eventi. Për ta shtuar ironinë, u bë nën logon ‘Meloditë e Unitetit’”, tha Edi Rama.

“Asnjëherë nuk mund të lëmë anash diçka që na kthen nga e kaluara. E kam thënë për vite se sa e rëndësishme është Serbia për rajonin tonë, sa e rëndësishme është ta mbajmë Serbinë në anën tonë. Por dua të sigurohem që ajo që them të mos shkojë kundër kësaj bindjeje. Por, në të njëjtën kohë, mendoj se nuk duhet të tolerojmë hapësirë që betejat e mesjetës të bëhen motivim për ndasitë e sotme”, ka thënë Rama.

“Sa më shpejt Serbia ta njohë Kosovën, aq më mirë do të jetë për Serbinë dhe për të gjithë”, ka thënë kryeministri i Shqipërisë. /KOHA/

Continue Reading

Vendi

Ndalohet një zyrtar i Gjykatës së Prishtinës, dyshohet për keqpërdorim detyre

Published

on

By

Prokuroria Themelore në Prishtinë, në bashkëpunim me Drejtorinë për Hetimin e Krimeve Ekonomike dhe Korrupsionit (DHKEK) në Policinë e Kosovës, ka ndaluar sot për 48 orë personin me inicialet A.B., udhëheqës i Zyrës për Menaxhimin e Lëndëve në Gjykatën Themelore në Prishtinë.

Sipas njoftimit të Prokurorisë, ndalimi është bërë pas hetimeve disamujore, nën dyshimin se A.B. ka kryer veprën penale “Keqpërdorimi i pozitës apo autoritetit zyrtar”. Ai dyshohet se gjatë ushtrimit të detyrës, me qëllim të përfitimit të kundërligjshëm pasuror për vete dhe persona të tjerë, ka krijuar dosje fiktive duke vendosur vulën e vërtetësisë në kopjen e një kontrate të falsifikuar të shitblerjes.

Përmes këtyre veprimeve, shtetasit të Serbisë me inicialet M.B. — i cili aktualisht ndodhet në arrati — i është mundësuar regjistrimi i kundërligjshëm i një banese me sipërfaqe prej 55.89 m² në Zonën Kadastrale në Matiçan, pranë Zyrës Kadastrale në Prishtinë.

Prokurori i Shtetit ka paralajmëruar se brenda afatit ligjor do të paraqesë kërkesë në gjykatën kompetente për caktimin e masës së paraburgimit ndaj të pandehurit. /E.A/

Continue Reading

Të kërkuara