Lajmet

Gashi për mosparaqitjen e Kurtit në Prokurorinë Speciale: Tani është çështje e gjykatës

Published

on

Avokati Tomë Gashi ka komentuar mosparaqitjen e kryeministrit të Kosovës, Albin Kurti, si dëshmitar në Prokurorinë Speciale.

Gashi ka theksuar se prokuroria mund ta merrte deklaratën e Kurtit në zyrën e tij, duke pasur parasysh ligjin dhe praktikat e mëparshme.

“Duhet të themi që prokuroria duhet ta përcaktojë se çfarë e ka prioritet nëse e ka për prioritet hetimin e këtij rasti për të cilën është thirr edhe Kurti në cilësi të dëshmitarët. Ligji e lejon nuk e ndalon që të shkoj dhe ta marrë këtë deklaratë në zyrën e kryeministrit për shkak se situata të tilla kanë ndodhur edhe më herët dhe një praktikë e tillë e prokurorisë nuk kishte me qenë jo ligjore që ta marrë deklaratën e tij në zyrën e tij. Albin Kurti ka dhënë deklarata publike dhe ka njoftuar zyrtarisht për datat ku mund të shkojnë dhe ta marrin atë deklaratë, datat duhet të harmonizohen me prokurorinë jo vetëm me kryeministrin”, ka thënë Gashi.

Gashi shtoi se, pavarësisht justifikimeve të Kurtit, për shkak të një ftese të vonuar, ai duhej të respektonte urdhrin e gjyqtarit dhe të jepte deklaratën.

“Rëndësia e hetimit prokuroria e vlerëson kështu që është një ngërç që nuk po na dërgon askund, nëse ne e shohim saktësisht nenin 132 prokuroria nuk mund të marrë asnjë masë ndëshkuese as ndaj Albin Kurtit, por as nga dikush tjetër. Për shkak se masat ndëshkuese mund t’i bëjë vetëm gjykata me kërkesë të prokurorisë, kjo e fundit ka dërguar një kërkesë ditëve të fundit, gjyqtari ka nxjerr një urdhëresë që e ka obliguar kryeministrin që të jap deklaratë, Albini nuk e ka bërë dhe deri në ditën e djeshme ka pasur justifikimi për shkak se diku nga mesi i dhjetorit ka marruar ftesë”, theksoi ai.

Sipas Gashit, tashmë është çështje e gjykatës dhe jo prokurorisë, pasi kjo e fundit nuk ka mjete për të marrë masa ndëshkuese ndaj Kurtit.

“Të dy palët kanë lëshimet e veta procedurale dhe është shndërruar një luftë politikë e panevojshme, deri ditën e martë mund të justifikohen deklarimet e Albin Kurtit, para zgjedhjeve ka thënë se mund të konsiderohet ndërhyrje në zgjedhje, zgjedhjet kanë kaluar Lëvizje Vetëvendosje ka fituar këto zgjedhje. Kështu që ditën e djeshme është dashur që ta respektojë urdhrin e gjyqtarit dhe të shkoj në prokurori ta jap këtë deklaratë, tani kemi punë me gjykatën dhe jo me prokurorinë. Prokuroria nuk ka mjete shtrënguese në kuptimin e shtrenjtimin e shqiptimin e gjobave apo çfarëdo masa tjetër, këtë mund ta bëjë gjykata me kërkesë të prokurorisë”, theksoi ai.

Avokati theksoi se prokuroria mund t’i drejtohet gjykatës për të shqiptuar një gjobë prej 250 euro për kryeministrin Albin Kurti, gjithashtu ai shtoi se mund të merret edhe vendim për arrestim.

 “Zyra e kryeministrit ka dërguar një përgjigje publike që është dërguar një kërkesë tek gjyqtari për të vepruar dhe për të sjellë masa konkrete, dhe duket që nuk janë marrë fare parasysh për arsye teknike ato të tjera që nuk jemi njoftuar. Kemi të bëjmë me rastin e rezervave shtetërore atëherë duhet të themi se edhe ministrja ka shkuar në prokurori dhe është keqinterpretuar tek mediat kinse është mbrojtur në heshtje, deklaratën e saj ajo e ka ofruar tek prokurori kompetentë që ka të bëjë me rastin e njëjtë”.

 “Nuk ka dënime, prokuroria mund t’i drejtohet gjykatës përsëri me një kërkesë të veçantë dhe gjykata mund të shqiptojë gjobë prej 250 euro, dhe në bazë të ligjit nuk është e përcaktuar se sa herë mundet gjykata të shqiptojë një gjobë të tillë. Masa drastike që mund të përdoret është edhe nxjerrja e vendimit për arrestimin e tij që besoj që nuk do të ndodh kurrë, ka ende kohë të mjaftueshme sepse nuk e di çfarë veprime do të bëjë kryeministri por nuk do të thotë që nuk do ta respektojë vendimin e gjykatës”, deklaroi avokati.

Ai shtoi se tani është çështje e gjykatës dhe jo prokurorisë, dhe se Kurti duhet të respektojë vendimin e gjykatës për të dhënë deklaratë në prokurori, për të mos bllokuar hetimin.

“Tani kemi të bëjë me vendimin e gjykatës jo të prokurorisë dhe meqenëse gjykata ka vendosur që ai të shkoj në zyrat e prokurorisë për të dhënë deklaratë është gjëja më normale që mund ta bëjë dhe jo që të mbetet një ngërç të hetimit të rastit, që prokuroria e konsideroj si prioritet. Por nëse prioritet hetimi nuk ka qenë e kundërligjshme me shkuar me marrë deklaratën prej kryeministrit në cilësinë e dëshmitarit dhe me u mbyll kjo çështje”, tha Gashi

Bota

Mattarella pret mbretin Charles në Pallatin Quirinale

Published

on

Mbreti Charles III dhe mbretëresha Camilla u takuan sot me presidentin italian, Sergio Mattarella, në ditën e dytë të vizitës shtetërore në Itali. Ky është udhëtimi i parë i mbretit pas largimit nga spitali, ku ai u trajtua për kancer, sipas informacioneve të agjencisë AP.

Mbreti Charles dhe Camilla u shoqëruan nga një grup rojesh presidenciale dhe u përshëndetën nga presidenti Mattarella në oborrin e Pallatit Quirinale, ku do të zhvillohet një banket shtetëror nesër në mbrëmje. Ky banket do të shënojë jo vetëm vizitën e mbretërorëve britanikë, por edhe 20-vjetorin e martesës së çiftit mbretëror.

Mbreti Charles do të takohet nesër me kryeministren italiane, Giorgia Meloni, përpara se të mbajë një fjalim në një seancë të përbashkët të Parlamentit italian – një ngjarje historike, pasi është hera e parë që një monark britanik merr pjesë në një fjalim të tillë.

Gjatë vizitës së tij, mbreti Charles do të theksojë lidhjet e ngushta mes Britanisë së Madhe dhe Italisë, dy aleatëve të NATO-s, në një periudhë kur këto dy shtete po përpiqen të forcojnë mbështetjen për luftën e Ukrainës kundër Rusisë.

Pjesë e vizitës treditore të mbretit dhe mbretëreshës do të jetë një udhëtim në Ravena, në rajonin verior Emilia Romagna, të enjten, për të përkujtuar 80-vjetorin e çlirimit të qytetit nga forcat aleate gjatë Luftës së Dytë Botërore./UBTNews/

 

Continue Reading

Bota

Koreja e Jugut do të mbajë zgjedhjet presidenciale më 3 qershor

Published

on

Koreja e Jugut do të mbajë zgjedhjet presidenciale më 3 qershor, pas vendimit të Gjykatës Kushtetuese që e hoqi Yoon Suk Yeol nga presidenca. Yoon u fajësua nga parlamenti në dhjetor për shpalljen e një deklarate të kontestuar lidhur me ligjin ushtarak. Pas një shqyrtimi të kërkesës për shkarkimin e tij, gjykata la në fuqi këtë vendim më 4 prill, duke detyruar mbajtjen e zgjedhjeve të parakohshme brenda 60 ditëve.

Presidenti në detyrë, Han Duck-soo, njoftoi datën e zgjedhjeve dhe theksoi se vendi duhet të “shërohet shpejt nga plagët” dhe të ecë përpara. Shpallja e ligjit ushtarak nga Yoon kishte krijuar pasiguri politike të thellë në vend, duke nxjerrë në pah ndarjet e thella shoqërore në Kore.

Yoon e shpalli ligjin ushtarak për të trajtuar kërcënimet e “forcave anti-shtetërore” dhe Koreës së Veriut, por shpejt u kuptua se kjo lëvizje ishte më shumë një pasojë e problemeve të tij të brendshme politike sesa një reagim ndaj kërcënimeve të jashtme.

Disa politikanë kanë shprehur interesin për të kandiduar në zgjedhjet presidenciale, përfshirë ministrin e punës Kim Moon-soo, i cili dha dorëheqjen këtë javë për të nisur fushatën e tij. Ahn Cheol-soo, një ligjvënës nga Partia e Pushtetit Popullor, gjithashtu ka hedhur kandidaturën për president.

Përveç krizës politike, Koreja e Jugut po përballet edhe me sfida të reja ekonomike, për shkak të tarifave të larta që janë shpallur nga Presidenti amerikan, Donald Trump. Shuma prej 25% për eksportet nga Koreja e Jugut në SHBA ka shtuar presionin mbi ekonominë e vendit, dhe autoritetet po kërkojnë negociata me administratën e Trump për të zbutur pasojat.

Continue Reading

Bota

‘Vidhnin’ turistët, Italia gjobit agjencitë e biletave të Koloseut Romak me 20 milionë euro

Published

on

Autoriteti i konkurrencës i Italisë ka vendosur gjoba në vlerë 20 milionë euro për një grup operatorësh turistikë që përdornin praktika të papërshtatshme për të grumbulluar bileta për Koloseun Romak, duke e bërë të vështirë për turistët të blinin bileta standarde me çmim të rregullt për këtë atraksion turistik të njohur.

Hetimi, i nisur në korrik të vitit 2023 pas ankesave të shumta, ka zbuluar se biletat për Koloseun ishin shpesh të papërballueshme për vizitorët individualë për shkak të strategjive të grumbullimit të biletave nga disa agjenci, duke i bërë ato të papërshtatshme dhe të pamundura për t’u blerë në çmimin standard.

Autoriteti i konkurrencës (ACGM) ka raportuar se ky grumbullim i biletave ka çuar në “mosdisponueshmëri të konsiderueshme dhe të zgjatur” të biletave me çmime zyrtare, duke detyruar turistët të blinin bileta me çmime të rritura, shpesh të shoqëruara me shërbime shtesë si guidat turistike dhe mundësinë për të shmangur radhët.

Shoqëria e Kulturës së Kooperativës, që menaxhoi shitjet e biletave për Koloseun nga viti 1997 deri në 2024, ka marrë pjesën më të madhe të gjobës, me një shumë prej 7 milionë euro, për dështimin në parandalimin e grumbullimit të biletave dhe rezervimin e një pjese të madhe për paketat turistike me udhëzues.

Gjithashtu, gjashtë operatorë turistikë nga Italia, Gjermania, Holanda dhe Irlanda janë gjobitur për përdorimin e sistemeve automatike të blerjes së biletave (bots), që shpesh kanë blerë bileta në sasi të mëdha, duke i bërë ato të papërballueshme për turistët individualë.

Çmimi i biletës për të hyrë në Koloseun për të rritur është 18 € për vizitë, përfshirë mundësinë për të qëndruar deri në 20 minuta në katin kryesor të këtij monumenti të famshëm. Koloseu ishte atraksioni më i vizituar i Italisë në vitin 2023, me mbi 12.3 milionë vizitorë.

Drejtoria e Koloseumit ka refuzuar të komentojë mbi gjobat, duke u fokusuar vetëm në faktin se kjo është një nga pikat kryesore turistike për vendin, dhe ka konfirmuar angazhimin për të siguruar një përvojë më të mirë për vizitorët e ardhshëm./UBTNews/

Continue Reading

Bota

Kallas nga Tirana: Nuk ka ecuri Kosovë-Serbi, pa normalizim!

Published

on

Kryeministrja e Estonisë, Kaja Kallas, theksoi nga Tirana se progresi i dialogut mes Kosovës dhe Serbisë nuk mund të arrihet pa normalizimin e plotë të marrëdhënieve mes dy shteteve. Ajo bëri këto deklarata gjatë një vizite të rëndësishme në Shqipëri, ku u takua me kryeministrin Edi Rama. Kallas vlerësoi Shqipërinë si një partner të fortë të Bashkimit Evropian dhe theksoi rëndësinë e bashkëpunimit rajonal për stabilitetin e Ballkanit Perëndimor, sidomos në lidhje me sigurinë e Bosnjë Hercegovinës.

Kalla theksoi se Shqipëria është në përputhje të plotë me politikat e sigurisë të BE-së, duke përmendur sanksionet ndaj Rusisë dhe mbështetjen për Ukrainën si një dëshmi të përkushtimit të vendit për të mbrojtur vlerat evropiane. Ajo nënvizoi se Shqipëria është një partner i dobishëm për të krijuar një mjedis të sigurt në Bosnjë Hercegovinë dhe për forcimin e bashkëpunimit rajonal, që është jetik për paqen dhe stabilitetin e rajonit.

Kosova-Serbi: Normalizimi, kusht për ecurinë e dialogut

Sa i përket dialogut Kosovë-Serbi, Kallas theksoi rëndësinë e normalizimit të marrëdhënieve mes dy shteteve për të arritur përparim të vërtetë në proceset e integrimit evropian të të dyja vendeve. Ajo u shpreh se pa një marrëveshje të plotë të normalizimit mes Kosovës dhe Serbisë, nuk mund të ketë ecuri në dialogun për integrimin në Bashkimin Evropian. Kallas theksoi se ky proces është jetik jo vetëm për stabilitetin rajonal, por edhe për avancimin e Ballkanit Perëndimor në BE.

Vizita në Bosnjë Hercegovinë për qetësimin e situatës

Kallas po përgatitet për një vizitë në Bosnjë Hercegovinë, ku do të takohet me liderët lokalë dhe ndërkombëtarë për të diskutuar situatën aktuale dhe për të siguruar një angazhim të fuqishëm për qetësimin e tensioneve të mundshme. “Unë do të shkoj në Bosnjë dhe do të takohem me palët atje në mënyrë që të qetësohet situata,” theksoi ajo. Kjo vizitë është pjesë e një angazhimi më të gjerë të Estonisë dhe Bashkimit Evropian për të promovuar paqen dhe sigurinë në Ballkan, veçanërisht pas tensioneve që janë shfaqur kohët e fundit në rajon.

Kallas theksoi se Shqipëria ka luajtur një rol të rëndësishëm në nxitjen e stabilitetit rajonal dhe se angazhimi i saj për të mbajtur të forta lidhjet me BE-në është një model i rëndësishëm për të gjitha shtetet e Ballkanit Perëndimor.

Continue Reading

Të kërkuara