Sport

Futbollisti i kombëtares së të rinjve afganë ishte një nga viktimat që ra nga avionët ushtarakë amerikanë

Published

4 years ago

on

Një adoleshent në ekipin kombëtar të futbollit të të rinjve në Afganistan ishte një nga viktimat që ra nga avioni ushtarak amerikan C-17 të hënën, konfirmoi Drejtoria e Përgjithshme e Edukimit Fizik dhe Sporteve të Afganistanit në një deklaratë në mediat sociale të enjten në mëngjes.

“Me keqardhje dhe trishtim të madh, morëm informacion se Zaki Anwari, një nga futbollistët e rinj të ekipit kombëtar, ka humbur jetën në një incident të tmerrshëm”, thuhej në deklaratë.

Postimi vazhdoi se i riu Anwari “po përpiqej të largohej nga vendi si qindra të rinj të tjerë nga vendi i tij. Ai ka rënë nga aeroplani ushtarak amerikan dhe ka humbur jetën”.

Një ditë pasi talebanët morën kontrollin mbi kryeqytetin e Afganistanit të dielën, qindra njerëz u arratisën drejt rrugës në Aeroportin Ndërkombëtar, Hamid Karzai, në Kabul të hënën, të dëshpëruar për të gjetur një mënyrë që tëlargohen nga vendi.

Ndërsa avioni C-17 kaloi në pistë, disa njerëz u kapën në mjetet e uljes ndërsa avioni fitoi shpejtësi.

Video u shfaq menjëherë pasi tregoi një C-17 duke u ngjitur mbi Kabul dhe të paktën dy trupa që binin nga avioni.

Deklarata e Drejtorisë së Përgjithshme së Sportit në Afganistan tha se Anwari ishte midis “disa bashkatdhetarëve të tjerë që ranë në tokë ndërsa fluturonin” në kërkim të një “të ardhme më të mirë në Amerikë”.

“Ata vdiqën dhe u martirizuan”, thuhej në postim, “shpirti i tij pushoftë në paqe dhe kujtimi i tij të mbahet mend”.

Postimi përfshinte lutje që Anwari të “merrte një pozitë të lartë në parajsë dhe lutju Zotit që t’i japë durim familjes, miqve dhe shokëve të tij sportistë”./UBTNews

Related Topics:
Continue Reading

Lajmet

Vdes në moshën 74-vjeçare boksieri Nazif Gashi

Published

3 hours ago

on

December 10, 2025

By

Presidentja Vjosa Osmani ka ngushëlluar familjen e boksierit, Nazif Gashi i cili ndërroi jetë në moshën 74-vjeçare.

Ajo ka thënë se kujtimi për Gashin do të mbetet i paharruar dhe inspirues për brezat që vijnë.

“Me pikëllim të thellë morëm lajmin për ndarjen nga jeta të Nazif Gashit, njërit prej emrave më të shquar në historinë e sportit të Kosovës dhe pjesëtar i gjeneratës së artë të boksit prishtinas.Si boksier i klubit “Prishtina”, u bë simbol i guximit, disiplinës dhe përkushtimit. Fitoret dhe paraqitjet e tij na bënë krenar dhe e shndërruan Prishtinën në njërin prej klubeve më të suksesshme të kohës. Ju shpreh ngushëllime të sinqerta familjes, të afërmve, Federatës së Boksit të Kosovës dhe gjithë komunitetit sportiv”, thuhet në telegramin e ngushëllimit të presidentes.

Gashi ishte pjesë e gjeneratës së artë të Prishtinës që për shumë vite, dominoi në shtetin e dikurshëm federativ.

Për vdekjen e Gashit kanë njoftuar familjarë të tij./S.K/EO/

 

Continue Reading

Lajmet

Kupa e Kosovës: Shorti prodhon dy super derbi

Published

3 hours ago

on

December 10, 2025

By

Dy ndeshjet kryesore të 1/8-ës së finales në Kupën e Kosovës në futboll janë Prishtina- Ballkani dhe Drita- Llapi.

Të katër këto skuadra e kanë fituar së paku një herë trofeun e këtij kompeticioni.

Ndërsa Gjilani do të luajë kundër Lirisë, Feronikeli 74’ do ta ketë përballë Dinamon, teksa Drenica sfidon Ferizajn.

Dukagjini ballafaqohet me Prishtinën e Re, Vushtrria ndeshet me Vëllaznimin dhe Trepça 89 pret Malishevën.

Shorti është hedhur sot në Federatën e Futbollit të Kosovës./S.K/EO/

 

Continue Reading

Lajmet

Sergio Ramos drejt gjigantit anglez

Published

3 hours ago

on

December 10, 2025

By

Sergio Ramos nuk do të vazhdojë kontratën me Rayados de Monterrey dhe pritet të kthehet në Evropë gjatë merkatos së dimrit.

Megjithëse edhe pse ka pasur interesim nga Boca Juniors, mbajtja pranë familjes dhe dëshira për të luajtur në nivel të lartë e bëjnë Manchester United destinacionin e mundshëm për të.

Sipas mediave angleze, Man Utd i ka ofruar një kontratë afatshkurtër me role kyçe dhe pagesë të kënaqshme, duke e parë Ramos si një udhëheqës të nevojshëm për mbrojtjen./S.K/EO/

Continue Reading

Lajmet

Barcelona rikthehet në një ndeshje evropiane në “Camp Nou” pas 1140 ditësh

Published

9 hours ago

on

December 10, 2025

By

Barcelona sonte do t’i bëjë konak Eintracht Frankfurtit në Ligën e Kampionëve, ndeshje kjo që do të luhet në kuadër të xhiros së gjashtë të Ligës së Kampionëve këtë edicion.

Takimi do të jetë i veçantë edhe në një aspekt tjetër, pasi Barcelona rikthehet të luajë një ndeshje evropiane në shtëpinë e saj, pas një kohe të gjatë.

Barça luan në “Camp Nou” pas saktësisht 1140 ditësh, nga ora 21:00

Herën e fundit luante ndaj Bayern Munchenit në kuadër të fazës së grupeve të sezonit 2022/23.

Barcelona mposhtej 3-0, me golat që i shënonin Sadio Mane, Eric Maxim Chuopo-Moting dhe Benjamin Pavard./S.K/EO/

Continue Reading

Të kërkuara