Sport
Futbolli – sport apo biznes?
Një nga çështjet më të diskutuara mes lidhjes së futbollit dhe biznesit është rritja e shumës së transferimeve me shifra marramendëse për lojtarët.
Në ditët e sotme, futbolli dhe biznesi kanë krijuar një lidhje të ngushtë mes vete, duke na ofruar një realitet të ri për këtë sport.
Një nga çështjet më të diskutuara mes lidhjes së futbollit dhe biznesit është rritja e shumës së transferimeve me shifra marramendëse për lojtarët. Klubet e futbollit po shpenzojnë miliarda euro në transferime për të siguruar lojtarët më të mirë në botë. Kjo ka sjellë rritje të jashtëzakonshme në çmimet e lojtarëve në treg, duke sfiduar financat e klubeve.
Në krahasim me vitet e mëparshme, më saktësisht periudhën e vitit 2000, vlera më e lartë e një lojtari në treg arrinte një shifër prej 35 milionë euro. Bëhet fjalë për Hernan Crespon, i cili atë kohë u aktivizua te Parma dhe më pas u transferua te Lazio për shumën e 35 milionë eurove, duke u bërë futbollisti më i shtrenjtë i asaj periudhe.
Sot një lojtar me cilësi mesatare arrin shifrën e 30-40 milionëve, ndërsa sa i përket transferimit më të shtrenjtë në histori ai mban emrin e Neymar Jr. i cili u transferua nga Barcelona te Paris Saint-Germain për 222 milionë euro.
Megjithatë, përveç rritjes së transferimeve, përvojat e ndryshme biznesore kanë ndikuar në infrastrukturën e klubeve dhe mënyrën sesi ato operojnë. Një rast i mirë është rritja e marketingut dhe sponsorizimeve, që kanë bërë klube të mëdha si Real Madrid, Manchester United, Liverpool, Bayern Munich etj., të cilat edhe janë liderë në fitime të kësaj pjese. Megjithatë kjo ka sjellë debate duke akuzuar klubet se kanë vënë para biznesin në vend të vlerave sportive.
Për sa i përket pesë ligave më të mëdha në Evropë, Premier League kryeson renditjen e fitimeve nga sponsorizimet pasi ajo gjeneron mbi 1 miliard funta në vit. Bundesliga vjen e dyta me një marrëveshje prej 641 milionë funta dhe La Liga e treta me rreth 592 milionë funta në sezon nga sponsorizime të ndryshme.
Përfundimisht derisa lidhja midis futbollit dhe biznesit vazhdon të rritet, është e rëndësishme që futbollistët, tifozët dhe sportdashësit të kujdesen për imazhin sportiv duke mos ia humbur vlerat, pavarësisht se si zhvillohet në këtë aspekt./UBTNews/
Shkroi: Arti Haziraj
Ministri në detyrë i Ministrisë për Kulturë, Rini dhe Sport, Hajrulla Çeku ka thënë se në infrastrukturën e futbollit po punohet dhe investohet si asnjëherë më parë deri më tani.
Në një postim në ‘Facebook’, Çeku ka shkruar se me këto investime, po ndërtohet një infrastrtukturë moderne e cila u shërben brezave të rinj, klubeve vendore, përfaqësueses sonë dhe ngjarjeve të mëdha ndërkombëtare, si Lojërat Mesdhetare Prishtina 2030.
“Asnjëherë më parë nuk është investuar kaq shumë dhe kaq seriozisht në infrastrukturën e futbollit në vendin tonë. Po ndërtojmë infrastrukturë moderne që u shërben brezave të rinj, klubeve vendore, përfaqësueses sonë dhe ngjarjeve të mëdha ndërkombëtare, si Lojërat Mesdhetare Prishtina 2030”, ka shkruar Çeku, duke renditur pastaj stadiumet në të cilat është duke u punuar.
Të përfunduar dhe në realizim:
Stadiumi “Fadil Vokrri”, Prishtinë
Stadiumi “Liman Gegaj”, Malishevë
Stadiumi “Adem Jashari”, Mitrovicë
Stadiumi i qytetit, Shtime
Stadiumi i qytetit, Gjakovë
Stadiumi i Gjilanit
Stadiumi i Hogoshtit, Kamenicë
Stadiumet ndihmëse në Komoran, Bërnicë, Gjilan, Raushiq, Studençan
Në procedurë:
Stadiumi “Shahin Haxhiislami”, Pejë
Stadiumi i qytetit, Ferizaj
Stadiumi “Përparim Thaçi”, Prizren
Stadiumi i qytetit, Rahovec
Stadiumi “Ferki Aliu”, Vushtrri
Stadiumi “Rexhep Rexhepi”, Drenas
Stadiumi i qytetit, Suharekë
Stadiumi i qytetit, Han i Elezit
Stadiumi “Zahir Pajaziti”, Podujevë
KosovaPress
Futbollisti i famshëm gjerman, Karim Adeyemi, po kalon disa ditë të mira në Kosovë. Ai ndodhet bashkë me gruan e tij, këngëtaren nga Ferizaj, Loredana Zefi si dhe disa miq të tyre.
Pushimet e çiftit vijnë pas përfundimit të sezonit 2024/25 të Bundesligës gjermane.
Ata kanë zgjedhur për të vizituar disa vende të veçanta, ndonëse e tillë ishte edhe vizita te memoriali i UÇK-së në Shtërpcë.
Përpara këtij memoriali, ylli i Dortmundit ka bërë edhe shqiponjën dykrenare, simbolin e shqiptarëve.
Loredana dhe Karim janë bashkë prej disa vitesh, një përkrahje e madhe e njëri-tjetrit.
Rap-artistja ndërkaq ka një vajzë nga marrëdhënia e mëparshme me reperin Mozzik.
Raportohet për të paktën 44 të vrarë në Gazë
Izraeli njofton për vendbanime të reja në Bregun Perëndimor
Rizvanolli akuzon OEK për pengesa
Përfundon protesta e bizneseve me kërkesën për reflektimin e institucioneve
Këto ushqime ju mbajnë të ngopur më gjatë
Edukimi sportiv në nivele kampionësh – UBT dhe Qendra e Xhudos në bashkëpunim model
OKB: Sulmet e Rusisë me dronë në Herson të Ukrainës përbëjnë krim lufte
Krasniqi: PDK nesër do të fillojë betejën ligjore për të kundërshtuar vendimin e ZRRE-së
Qëndrimet e njëjta: Kuvendi nuk konstituohet as pas tentimit të 23-të
-
Lajmet nga UBT1 month agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months agoShkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur