Lajmet

Fushata #ItalyChurchToo kërkon hetim për rastet e abuzimit në Kishën Katolike Italiane

Ata pranuan se kjo është shumë më e ndërlikuar në Itali sesa në vendet e tjera evropiane.

Published

4 years ago

on

Mbrojtësit e viktimave të abuzimit seksual nga kleri italian nisën një fushatë këtë javë për të kërkuar një hetim të fshehtë, përcjell UBT News.

Disa grupe thanë se shpresonin që hetimet e fundit kombëtare në Gjermani dhe Francë, dhe ato të planifikuara në Spanjë dhe Portugali, do të bënin presion ndaj Kishës Katolike Italiane që të hapte arkivat për hetuesit e pavarur.

Kjo në mënyrë që të përcaktohet shtrirja e problemit, për t’u caktuar përgjegjësia autorëve dhe për të sjellur dëmshpërblim për viktimat.

Por ata pranuan se kjo është shumë më e ndërlikuar në Itali sesa në vendet e tjera evropiane, duke pasur parasysh peshën e madhe politike, ekonomike dhe sociale që ka Kisha.

Ndikimi i kishës ka rezultuar në një hezitim të prokurorëve për të hetuar rastet e abuzimit me klerikët, një refuzim të ligjvënësve për të mbështetur hetimet parlamentare dhe mosinteresimin e publikut italian, thanë organizatorët e fushatës #ItalyChurchToo.

“Këtu, ka një situatë ngecje”, tha Francesco Zanardi, një i mbijetuar nga abuzimi dhe themelues i grupit të avokimit Rete L’Abuso, i cili ka punuar për vite me radhë për të rritur ndërgjegjësimin për abuzimin seksual të klerit në Itali, transmeton UBT News.

Zanardi, i cili po drejton nismën e re, mendon se madhësia e kishës italiane dhe një kulturë klerikale që prej kohësh i ka vendosur priftërinjtë në një piedestal, ka të ngjarë të rezultojë në numra të rasteve që do të zvogëlojnë ato të gjetura gjatë hetimeve në vendet e tjera me shumicë katolike.

Duke ndjerë një kërkesë në rritje për një vlerësim, Konferenca e Peshkopëve Italianë ka filluar të diskutojë një lloj hetimi. Por kreu në largim i konferencës, kardinali Gualtiero Bassetti, ka ulur pritshmëritë, duke këmbëngulur më shumë për një hetim “cilësor” në krahasim me atë sasior dhe duke theksuar se konferenca në tërësi duhet të pajtohet me të.

Kisha italiane në mënyrë të qartë dëshiron të shmangë llojin e rezultatit të parë në Francë, ku një panel ekspertësh të pavarur vlerësoi se 330,000 fëmijë ishin abuzuar seksualisht gjatë 70 viteve në vend nga rreth 3,000 priftërinj dhe personel kishtar, dhe se krimet ishin mbuluar “sistematikisht” nga hierarkia e kishës.

Organizatorët e fushatës #ItalyChurchToo thanë se dyshonin se çdo hetim i ndërmarrë nga kisha italiane do të jepte shifra të vërteta. Propozimi aktual do të bazonte të dhënat në një program të ri dioqezan për të dëgjuar viktimat; programi drejtohet nga peshkopët dhe eprorët fetarë italianë.

“Për shkak se ato nuk janë të pavarura, kjo nuk mund të jetë një burim i të dhënave”, tha Paola Lazzarini nga Gratë për Kishën, një nga organizatoret e fushatës. “Ne shpresojmë që me një ndryshim të presidencës (të konferencës së peshkopëve), ata të vijnë në një propozim tjetër”./UBTNews/

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

7 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

7 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

8 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

9 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara